[ad_1]
బాలాసనం..
హైపర్టెన్షన్ పేషెంట్స్‌కు బాలాసనం చాలా ప్రయోజనకరంగా ఉంటుంది. ఇది హైబీపీకి కారణం అయ్యే.. వివిధ కారకాల నుంచి ఉపశమనం ఇస్తుంది. ఈ ఆసనం ఒత్తిడిని దూరం చేస్తుంది. శరీరం అంతటా రక్త ప్రసరణను మెరుగుపరుస్తుంది. ఇది నడుము, తొడలు, చీలమండలంను కొద్దిగా సాగదీసి, మెదడును శాంతపరచి, ఒత్తిడిని, అలసటను దూరం చేయడానికి సహాయపడుతుంది. నరాల పనితీరును మెరుగుపరుస్తుంది.
ఎలా వేయాలి..?
ముందుగా యోగా మ్యాట్‌ మీద మోకాళ్లపై కూర్చోవాలి. తరువాత పాదాలపై పిరుదులు ఆనించి కూర్చోవాలి. దీన్ని వజ్రాసనం అంటారు. తరువాత నుదురు భాగం మ్యాట్‌కు తగిలేలా ముందుకు వంగాలి. తర్వాత రెండు చేతులను ముందుకు పూర్తిగా చాపాలి. అలా ఉండి నెమ్మదిగా శ్వాస తీసుకోవడం, వదలడం చేయాలి. శరీరం పూర్తిగా విశ్రాంతి తీసుకోనివ్వాలి. శ్వాస మీద ధ్యాస పెట్టండి. ఈ భంగిమలో అర నిమిషం ఉండండి.
సుఖాసనం..
ఇది శ్వాసను నియంత్రించే సహాయపడే యోగా ఆసనం. ఈ భంగిమ ప్రశాంతమైన మనస్సును ప్రోత్సహించడం, ఒత్తిడిని తగ్గించి.. హైపర్టెన్షన్ను కంట్రోల్‌లో ఉంచుతుంది. ప్రశాంతమైన మనస్సు ఆరోగ్యవంతమైన శరీరాన్ని ప్రోత్సహిస్తుంది. ఈ ఆసనం శరీరం భంగిమను కూడా ప్రోత్సహిస్తుంది.
ఎలా చేయాలి..
యోగా మ్యాట్‌పై కూర్చోని కాళ్ళను తిన్నగా ముందుకు చాపాలి. తరువాత కాళ్ళను మడచి కూర్చోవాలి. వెన్నుముక నిఠారుగా ఉండేట్లుగా చూడాలి. ఇలా సుఖంగా సౌకర్యంగా వెన్నె నిఠారుగా ఉంచి ఎంతసేపైనా ఈ ఆసనంలో ఉండవచ్చు.
శవాసనం..
శవసనం హైపర్టెన్షన్ను తగ్గించడానికి సహాయపడుతుంది. శవాసనం మీ మెదడును శాంతపరుస్తుంది, ఒత్తిడిని తగ్గిస్తుంది, శరీరానికి విశ్రాంతినిస్తుంది, తలనొప్పి, అలసట, నిద్రలేమిని తగ్గిస్తుంది. ఇవన్నీ.. హైపర్టెన్షన్ కారకాలు. ఈ కారకాలను నియంత్రించి.. శవాసనం హైబీపీని తగ్గిస్తుంది.
ఎలా వేయాలి..
మ్యాట్‌ మీద వెల్లకిలా పడుకోవాలి. కాలి మడమలు లోపలికీ, కాలి వేళ్లు బయటకూ ఉండేలా రెండు కాళ్లను అడుగు.. అడుగున్నర దూరంలో ఉంచాలి. చేతులను శరీరం పక్కన ఉంచాలి. అర చేతులు ఆకాశం వైపు ఉండేలా పెట్టి చేతి వేళ్లను కొంచెం ముడిచి ఉంచాలి. కళ్లు మూసుకుని తలను స్థిరంగా ఉంచాలి. శరీరంలోని ప్రతి అవయవాన్నీ ప్రయత్న పూర్వకంగా సడలించి విశ్రాంతి స్థితిలో ఉంచాలి. ఈ స్థితిలో మీకు నచ్చినంత సేపు ఉండవచ్చు. ఈ ఆసన స్థితి నుంచి బయటకు వచ్చేటపుడు కాళ్లు, చేతులను కదిలించి తలను కుడి, ఎడమ వైపులకు తిప్పాలి. ఆ తరువాత పడుకున్న స్థితిలో కుడి వైపు తిరిగి ఎడమ చేతిని ఛాతీ దగ్గరగా నేలపై ఉంచి పైకి లేచి సుఖాసనంలో కూర్చోవాలి.
భజంగాసనం..
దీన్ని కోబ్రా పోజ్ అని కూడా అంటారు. ఈ ఆసనం శరీరంలో రక్తం, ఆక్సిజన ప్రసరణను మెరుగుపరుస్తుంది. కోబ్రా పోజ్.. ఒత్తిడిని తగ్గిస్తుంది, గుండె ఆరోగ్యానికి మేలు చేస్తుంది.
ఎలా వేయాలి..
బోర్లా పడుకొని శరీరం మొత్తాన్ని పూర్తిగా సాగదీయాలి. రెండు పాదాల వేళ్లు, మడమలు తాకేలా చూసుకోవాలి. అరచేతులను ఛాతీ పక్కలకు తీసుకొచ్చి, నేలకు ఆనించాలి. శ్వాసను తీసుకుంటూ నెమ్మదిగా తల, ఛాతీని పైకి లేపాలి. బలాన్ని చేతులపై మోపుతూ.. శ్వాసను తీసుకుంటూ తల, ఛాతీ, కడుపు భాగాన్ని పైకి లేపాలి. కొద్దిసేపు అలాగే ఉండి శ్వాసను వదులుతూ తిరిగి మామూలు స్థితికి రావాలి.
సేతు బంధ సర్వాంగాసనం..
సేతు బంధ సర్వాంగాసనం హైపర్టెన్షన్ను కంట్రోల్‌లో ఉంచడానికి సహాయపడుతుంది. ఈ ఆసనం మెదడును ప్రశాంతంగా ఉంచుతుంది, ఒత్తిడిని తగ్గిస్తుంది. ఈ ఆసనం డ్రిప్రెషన్‌ను తగ్గించడంలోనూ సహాయపడుతుంది.
ఎలా చేయాలి..?
నేలపై వెల్లకిలా పడుకోవాలి. మోకాళ్లను వంచి, పాదాలను నేలపై ఆనించాలి. చేతులను విశ్రాంత స్థితిలో నేలపై ఉంచాలి. ఇప్పుడు శ్వాస తీసుకుంటే… వీపు భాగాన్ని పైకి లేపండి. శరీర బరువు మొత్తం పాదాలు, భుజాలపై ఉండాలి. ఎంతసేపు వీలైతే అంత సేపు ఈ భంగిమలో ఉండాలి. శ్వాసను నెమ్మదిగా వదలడం, తీసుకోవడం చేస్తుండాలి.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
[ad_2]
Source link
Leave a Reply