నిలబడినప్పుడు నొప్పితో పాటు కాళ్ళు ఇలా ఉన్నాయా.. జాగ్రత్త..

[ad_1]

పాదాల్లోని సిరల్లో అవరోధాలు ఏర్పడి చెడురక్తం నిలిచిపోతుంది. దీంతో అవి మెలికలు తిరిగి ఉబ్బుతాయి. దీనినే వేరికోస్ వెయిన్స్ అంటారు. దీని వల్ల చాలా సార్లు నొప్పిగా ఉంటుంది. సరిగ్గా నిలబడలేరు. నిలబడినప్పుడు చాలా నొప్పిగా ఉంటుంది. దీనికి చాలా కారణాలు ఉన్నాయి. ఇతర శరీర భాగాల విషయాల్లో ఎలా ఉన్నప్పటికీ, కాళ్ళ విషయానికొస్తే ఎక్కువగా నిలబడి అదే పనిగా పనిచేసే ట్రాఫిక్ పోలీసులు, బస్ కండక్టర్స్, వేరే పనులు ఎక్కువగా నిల్చుని చేసే వారికి రక్తప్రసరణ ఆలస్యమై ఈ సమస్య వస్తుంది. పూర్తి వివరాలు తెలుసుకుందాం.

కారణాలు..

కాలి రక్తనాళాల్లో ఏవైనా అడ్డంకులు ఏర్పడడం, మోకాలి కింద ఉండే రక్తనాళాలు దెబ్బతినడం, బలహీనమవ్వడం, రక్తనాళాల్లో రక్తాన్ని కిందికి పోకుండా నిలిపే కవాటాలు బలహీనమవ్వడం వల్ల గుండెకి రక్తసరఫరా సాగదు. దీంతో మోకాలి కింది రక్తనాళాలు ఉబ్బి, నీలం, ఎరుపు రంగులో మారతాయి. ఇవే వేరికోస్ వెయిన్స్.

ఎక్కువ సేపు నిల్చోడంతో పాటు గర్భం దాల్చడం, హార్మోన్ల ప్రభావం కూడా రక్తప్రసరణని ఆలస్యమయ్యేలా చేస్తుంది. ఈ సమస్య సాధారణంగా అన్ని భాగాల్లోనూ రావొచ్చు. అయితే, మోకాలి నుండి కింది పాదాలకు వచ్చిన సమస్యనే వేరికోస్ వెయిన్స్ అంటారు.

వయస్సు పెరగడం..

వేరికోస్ వెయిన్స్‌కి వయస్సు పెరగడం కూడా ఒక కారణం. సాధారణంగా వృద్ధాప్యం కారణంగా ఎక్కువగా ఆరోగ్య సమస్యలు చుట్టుముడతాయి. 50, అంతకంటే ఎక్కువ వయసు ఉన్నవారు, ఎక్కువ బరువు ఉన్నవారికి ఈ సమస్య వచ్చే అవకాశం ఎక్కువగా ఉంటుంది. వయసు పెరిగాక ఎప్పటికప్పుడు జాగ్రత్తలు తీసుకోవాల్సి ఉంటుంది.

Also Read : Weight Gain Foods : బరువు పెరగాలనుకుంటున్నారా.. వీటిని తినండి..

నిల్చుని పని ఎక్కువగా చేసేవారికి..

ముందుగా చెప్పుకున్నట్లు కొన్ని జాబ్స్ చేసేవారు.. జాబ్‌లో భాగంగా ఎక్కువగా నిల్చుని ఉంటారు. అదేపనిగా నిల్చుని ఉండడం వల్ల రక్తప్రసరణ ఆలస్యమై ఇలా కాలి పిక్కల్లోని సిరలు వాపు వచ్చి రంగు మారి ఉబ్బినట్లుగా ఉంటాయి. ఈ ప్రాంతంలో ఎక్కువగా నొప్పి, దురద, మంటలా అనిపిస్తుంది. కూర్చుని నిల్చున్నప్పుడు సమస్య పెరుగుతుంది.
Also Read : Cracked Heels : వీటిని రాస్తే కాలిపగుళ్ళు తగ్గిపోతాయి

మాయో క్లినిక్ ప్రకారం..

ఇలా సిరలకు సమస్య రావడాన్ని ట్విస్టెడ్, ఎన్‌లార్జ్డ్ వెయిన్స్ అంటారు. ఇది చర్మాన్ని వాపు వచ్చి పెద్దగా అయ్యేలా చూస్తుంది. ఇది అంతగా ప్రాణాంతకమైనది కానప్పటికీ, అవి నొప్పి, ఇబ్బందిని కలిగిస్తాయి. కొన్నిసార్లు చర్మానికి దగ్గరగా ఉన్న సిరలు పగిలిపోతాయి. ఇది చిన్నగా అనిపించినా కచ్చితంగా డాక్టర్స్‌ని సంప్రదించాలని హెల్త్ బాడీ చెబుతోంది.

టెస్టులు ఏం అవసరం..

వెరికోస్ వెయిన్స్ నిర్ధారణ కోసం అల్ట్రాసౌండ్, సీటీ, ఎమ్‌ఆర్ఐ వంటి టెస్టులు చేస్తారు. మొదటగా డాక్టర్ దగ్గరికి వెళ్ళినప్పుడు వారు మిమ్మల్ని పరీక్షించి ఎలాంటి అవసరమో.. వచ్చింది ఏ సమస్యో గమనించి దానికి తగ్గట్లుగా టెస్టులు, ట్రీట్‌మెంట్ సూచిస్తారు.

ట్రీట్‌మెంట్..

పరిస్థితి తీవ్రంగా మారి నొప్పిగా ఉన్నప్పడు సర్జరీ అవసరం పడుతుంది. ఇందులో దెబ్బతిన్న రక్తనాళాలను తొగిస్తారు. దీనినే వీన్ లైగేషన్ అండ్ స్ట్రిప్పింగ్ అంటారు.
Also Read : Cracked Heels : వీటిని రాస్తే కాలిపగుళ్ళు తగ్గిపోతాయి

తీసుకోవాల్సిన జాగ్రత్తలు..

సాధారణంగా ఈ సమస్య ఉన్నప్పుడు ఎప్పటికప్పుడు డాక్టర్ సలహా తీసుకోవడం మంచిది. వర్కౌట్ చేయడం, కూర్చుని, పుడుకున్నప్పుడు కాళ్ళను పైకి లేపడం, మెత్తగా ఉన్న చెప్పులను వాడడం వల్ల చాలా వరకూ సమస్య తగ్గుతుందని నిపుణులు చెబుతున్నారు. వీటిని తగ్గించేందుకు డాక్టర్స్ సూచించిన కొన్ని జాగ్రత్తలు తీసుకోవాలి.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

[ad_2]

Source link