[ad_1]
మరోవైపు, ఆ శకలం భారత్‌ గతంలో ప్రయోగించిన పీఎస్‌ఎల్‌వీ రాకెట్ భాగమై ఉండొచ్చని మరికొందరు విశ్లేషణలు చేస్తున్నారు. అది ఏంటన్నది మాత్రం ఇంకా తెలియరాలేదు. ఆస్ట్రేలియా అంతరిక్ష సంస్థ కూడా దీనిని ధ్రువీకరించలేదు. విదేశీ అంతరిక్ష ప్రయోగానికి సంబంధించిన భాగమై ఉండొచ్చని మాత్రమే పేర్కొంది. వస్తువు మూలం, స్వభావాన్ని గుర్తించడానికి స్థానిక, ఫెడరల్ ఏజెన్సీలతో చురుకుగా నిమగ్నమై ఉన్నామని, ప్రజలకు ఎటువంటి ముప్పు లేకుండా ముందుజాగ్రత్తలు తీసుకుంటున్నామని స్థానిక పోలీసులు తెలిపారు.
సిలిండర్ ఆకారంలో ఉన్న ఈ వస్తువు 2.5 మీటర్ల పొడవు.. దాదాపు 3 మీటర్ల వెడల్పు ఉంటుంది. కాగా, ఈ అంశంపై భారత అంతరిక్ష పరిశోధన సంస్థ (ఇస్రో) స్పందించలేదు. అది రాకెట్‌కు సంబంధించిన మూడో దశ శకలమై ఉంటుందని కొందరు చెబుతున్నారు. అంతరిక్ష వాహక నౌకల్లో బూస్టర్లు, దశలు ఉంటాయి. ఇంజిన్ ప్రజ్వలన ముగిసిన తర్వాత రాకెట్ నుంచి విడిపోయి సముద్రంలో పడిపోతుంటాయి.
ఈ వస్తువు గత 12 నెలల్లో హిందూ మహాసముద్రంలో పడిపోయిన అంతరిక్ష రాకెట్‌కు చెందిన ఇంధన ట్యాంక్ అయి ఉండవచ్చని ఏవియేషన్ నిపుణులు పేర్కొంటున్నారు. ‘విదేశీ అంతరిక్ష ప్రయోగ వాహనంలోని వస్తువుగా భావిస్తోన్న ఆస్ట్రేలియా అంతరిక్ష సంస్థ.. పొరుగు దేశాల అంతరిక్ష సంస్థలతో కలిసి దీనిని పరిశీలిస్తోంది.
కొందరు మాత్రం దాదాపు పదేళ్ల కిందట అదృశ్యమైన మలేషియా ప్రయాణికుల విమానం ఎంహెచ్370లో భాగమని భావిస్తున్నారు. 2014 మార్చి 8న మలేషియా రాజధాని కౌలలంపూర్ అంతర్జాతీయ విమానాశ్రయం నుంచి చైనా రాజధాని బీజింగ్‌కు బయలుదేరిన ఎంహెచ్370 టేకాఫ్ అయిన గంటకే రాడార్‌తో సంబంధాలు తెగిపోయాయి. ఇది ఆస్ట్రేలియా తీరంలో కూలిపోయినట్టు తర్వాత గుర్తించారు. ఇది అత్యంత ఘోరమైన విమాన ప్రమాదాల్లో ఒకటిగా నిలిచింది. ఈ విమానంలోని సిబ్బంది సహా 239 మంది చనిపోయినట్టు ధ్రువీకరించారు. అయితే, దీని జాడ ఇంకా తెలియరాలేదు.
Read More Latest Science & Technology News And Telugu News
[ad_2]
Source link
Leave a Reply