[ad_1]
పసుపు తీసుకోండి..
H3N2 ఇన్‌ఫ్లుయెంజా లక్షణాలతో పోరాడటానికి.. ఆహారంలో పసుపు చేర్చుకోవాలని డాక్టర్ జ్ఞానేశ్వర్‌ సూచించారు. పసుపులో ఉండే కర్కుమిన్‌కు యాంటీ ఇన్‌ఫ్లమేటరీ, యాంటీవైరల్, యాంటీ బ్యాక్టీరియల్, యాంటీ ఇన్‌ఫ్లమేటరీ, యాంటీ మైక్రోబియల్‌, యాంటీఫంగల్‌ గుణాలు ఉంటాయి. దీనిలో విటమిన్లు, మినరల్స్‌, మాంగనీస్‌, ఐరన్‌, ఫైబర్‌, విటమిన్ బి6, కాపర్‌, పొటాషియం వంటి పోషకాలూ పుష్కలంగా ఉంటాయి. ఇది దగ్గు, జలుబు, జ్వరం తగ్గించడానికి గొప్ప ఔషధంలా పనిచేస్తుంది. H3N2 ఇన్‌ఫ్లుయెంజాతో బాధపడే వారు.. పసుపు టీ తాగితే.. ఇన్ఫెక్షన్ త్వరగా నయం అవుతుంది. దగ్గు, జలుబు, గొంతునొప్పి లాంటి సమస్యలతో బాధపడుతున్నప్పుడు పసుపు పాలు తీసుకున్నా మంచిదే.
పసుపు టీ ఇలా తయారు చేసుకోండి..
ఓ గిన్నెలో రెండు కప్పుల నీళ్లు పోసి వేడి చెయ్యాలి. అందులో చిటికెడు పసుపు వేసి మరగనివ్వాలి. ఈ మిశ్రమాన్ని వడగట్టి.. అందులో కొద్దిగా మిరియాల పొడి, నిమ్మరసం, చెంచాడు తేనె వేసి కలపండి. పసుపు టీ కఫాన్ని కూడా కరిగిస్తుంది.
సరిపడా నీళ్లు తాగండి..
హైడ్రేటెడ్‌గా ఉంటే… శరీరానికి ఇన్ఫెక్షన్తో పోరాడే శక్తి వస్తుంది. మీకు ఇన్ఫెక్షన్ సోకితే.. మీరు తప్పని సరిగా సరిపడా నీళ్లు తాగాలి. రోజుకు కనీసం 2 నుంచి 3 లీటర్ల నీళ్లు తాగాలని నిపుణులు సూచిస్తున్నారు. జ్యూస్‌లు, నీళ్లు, కెఫిన్‌ లేని టీ, సూప్‌ వంటి ద్రవాలు ఎక్కువగా తీసుకోండి. సోడా, ఆల్కహాల్‌, కాఫీ వంటి పానీయలకు దూరంగా ఉండాలి. దాహం వేయకపోయినా నీళ్లు తాగుతూనే ఉండండి.
విటమిన్ సీ ఎక్కువగా తీసుకోండి..
విటమిన్ సీ శక్తివంతమైన యాంటీఆక్సిడెంట్‌గా పనిచేస్తుంది. ఇది రోగనిరోక వ్యవస్థను బలోపేతం చేస్తుంది, ఇన్ఫెక్షన్లతో సమర్థవంతంగా పోరాడుతుంది. విటమిన్ సి అధికంగా ఉండే పండ్లు, కూరగాయలు మీ డైట్‌లో చేర్చుకోండి. ఉసిరి, నారింజ, నిమ్మకాయ వంటి వాటిని ఎక్కువగా తీసుకోవాలి.
అల్లం..
జలుబు, జ్వరం, దగ్గు, ఫ్లూ వంటి సమస్యలను దూరం చేయడానికి అల్లం శక్తివంతంమైన ఔషధంలా పనిచేస్తుంది. అల్లంలో యాంటీ ఇన్‌ఫ్లమేటరీ గుణాలు పుష్కలంగా ఉంటాయి. ఇవి శరీరంలో ఇన్‌ఫ్లమేషన్‌ను తగ్గించడంతో పాటు రోగనిరోధక శక్తిని పెంచుతాయి. మీరు ప్రతి రోజు అల్లం టీ తాగితే.. ఫ్లూ లక్షణాలు త్వరగా నయం అవుతాయి.
ఉప్పు నీటితో పక్కిలించండి..
ఉప్పు నీల్లు నోటిలో వేసుకుని పుక్కిలిస్తే.. ఎగువ శ్వాసకోశ ఇన్ఫెక్షన్లను నివారించవచ్చు. ఉప్పు నీటితో పుక్కిలిస్తే..జ్వరం, దగ్గు కూడా దూరం అవుతాయి. అలాగే గొంతు ఇన్ఫెక్షన్ తగ్గుతుంది. ఉప్పు నీటితో పుక్కిలించడం వల్ల శ్లేష్మం కరుగుతుంది.
తేనె, తులసి..
ఆయుర్వేదంలో తేన, తులసి, అల్లాన్ని శక్తివంతమైన ఔషదాలుగా పరిగణిస్తారు. జలుబు, దగ్గు, జ్వరం వంటి లక్షణాలు తగ్గాలంటే మీరు సాధారణ నీటికి బదులుగా.. నీటిలో అల్లం, తులసి ఆకులు మరిగించి, దానిలో తేనె కలుపుకుని తాగాలని నిపుణులు సూచిస్తున్నారు. ఇది సైనస్‌లను తెరవడానికి, గొంతు ఇన్ఫెక్షన్లను క్లియర్ చేయడానికి సహాయపడుతుంది. దగ్గు తగ్గిస్తుంది.
విశ్రాంతి తీసుకోండి..
జ్వరం కారణంగా మీ శరీరం బలహీనపడుతుంది. ఎందుకంటే శరీరం ఇన్ఫెక్షన్తో పోరాడటానికి మరింత కష్టపడాలి. కాబట్టి వీలైనంత వరకు విశ్రాంతి తీసుకోండి. అలాగే, కఠినమైన శారీరక శ్రమ చేయవద్దు, రాత్రి ఎనిమిది నుంచి తొమ్మిది గంటలు లేదా అంతకంటే ఎక్కువ నిద్రించడానికి ప్రయత్నించండి.
మందపాటి దుప్పటి వాడొద్దు..
చాలా మంది జ్వరం వచ్చినప్పుడు మందపాటి దుప్పటి కప్పుకుని నిద్రపోతూ ఉంటారు. దీనికి బదులుగా పలుచటి దుప్పటి కప్పుకుంటే మంచిది, గోరువెచ్చని నీటితో స్నానం చేయండి.
ఈ జాగ్రత్తలు తీసుకోండి..
- తరచూ చేతులను సబ్బు, నీటితో శుభ్రం చేసుకోవాలి.
- మీకు H3N2 ఇన్‌ఫ్లుయెంజా లక్షణాలు ఉంటే.. మాస్క్‌ పెట్టుకోండి.
- దగ్గుతున్నప్పుడు, ముక్కు కారుతున్నప్పుడు మీ ముక్కు, నోటిని కవర్‌ చేసుకోవాలి.
ఇవి చేయొద్దు..
- ఇతరులు లేదా కుటుంబసభ్యులకు దగ్గరగా కూర్చుని ఆహార పదార్థాలను తినవచ్చు.
- షేక్‌ హ్యాండ్‌ ఇవ్వవద్దు.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
[ad_2]
Source link
Leave a Reply