[ad_1]
కాగా, ఉపగ్రహ ప్రయోగానికి 72 నుంచి 96 గంటల ముందు కౌంట్డౌన్ ప్రారంభమవుతుంది. ఈ సమయంలో కొన్ని ప్రీ-ఫ్లైట్ విధానాలు పూర్తవుతాయి. ఇందులో భాగంగానే రాకెట్‌కు ఉపగ్రహాన్ని అనుసంధానించడం, ఇంధనం నింపడం, సహాయక పరికరాలను పరీక్షించడం వంటి జరుగుతాయి. ఈ చెక్‌లిస్ట్ సహాయంతో ఉపగ్రహ షెడ్యూల్ సాఫీగా సాగుతుంది. ఈ సమయంలో ఏదైనా ఇబ్బంది లేదా సమస్య తలెత్తినా ప్రయోగాన్ని నిలిపివేస్తారు. ప్రయోగం ఎటువంటి ఆటంకం లేకుండా సాగడానికే కౌంట్డౌన్ ప్రక్రియ నిర్వహిస్తారు.
ప్రయోగ సమయంలో వాతావరణ పరిస్థితులను కూగా పరిగణనలోకి తీసుకుంటారు. కౌంట్డౌన్ మొదలైన తర్వాత వాతావరణం అనుకూలించకపోయినా ప్రయోగం ఆగిపోతుంది. ఆగస్టు 2013లో జీఎస్ఎల్వీ రాకెట్‌కు అమర్చిన క్రయోజెనిక్ ఇంజిన్‌ను పరీక్షించే కౌంట్డౌన్ సమయంలో.. ప్రయోగానికి గంట 14 నిమిషాల ముందు లీక్ కనుగొన్నారు. దీంతో కౌంట్డౌన్ ముగించి, ప్రయోగాన్ని నిలిపివేశారు.
నాసా సాధారణంగా ‘L-మైనస్’, ‘T-మైనస్’ అనే పదాలను రాకెట్ ప్రయోగానికి సన్నాహకంగా, కౌంట్డౌన్ సమయంలో ఉపయోగిస్తుంది. అలాగే, అంతరిక్షంలో ఇప్పటికే ఉన్న వ్యోమనౌకలున్న ఈవెంట్‌లకు ‘E-మైనస్’ను పరిగణనలోకి తీసుకుంటింది. ‘T’ అంటే టెస్ట్ లేదా టైమ్.. ‘E’ అంటే ఎన్‌కౌంటర్.
మరోవైపు, జాబిల్లి ఉపరితలంపై దిగిన విక్రమ్ ల్యాండర్, ప్రజ్ఞాన్ రోవర్ నిర్దేశించిన లక్ష్యాలను విజయవంతంగా పూర్తి చేసుకున్నాయి. ఈ క్రమంలో చంద్రుడిపై పగలు పూర్తయి.. చీకటి ముంచుకొస్తోంది. దీంతో రోవర్, ల్యాండర్‌లను ఇస్రో ముందుగానే నిద్రపుచ్చింది. అక్కడ రాత్రిపూట ఉష్ణోగ్రతలు మైనస్ 200 డిగ్రీలకుపైగా ఉండటం వల్ల సూర్యుని కాంతిని ఉపయోగించుకుని పనిచేసే విక్రమ్ ల్యాండర్, ప్రజ్ఞాన్ రోవర్.. అంత గడ్డగట్టే చలికి పనిచేయకుండా పోతాయి. ఈ నేపథ్యంలో ఇస్రో వాటిని స్లీప్ మోడ్‌లో ఉంచింది. 14 రోజుల రాత్రి పూర్తయి.. మళ్లీ సూర్యోదయం వచ్చినపుడు అవి స్లీప్ మోడ్ నుంచి బయటికి రానున్నాయి.
Read More Latest Science & Technology News And Telugu News
[ad_2]
Source link