[ad_1]
మెడ్‌లైన్ ప్లస్ ప్రకారం, యూరిక్‌ యాసిడ్‌ రక్తం ద్వారా కిడ్నీలకు చేరుతుంది. కిడ్నీలు బలంగా ఉంటే.. యూరిక్‌ యాసిడ్‌ను ఫిల్టర్‌ చేసి మూత్రం ద్వారా బయటకు పంపిస్తుందని నిపుణులు అంటున్నారు. యూరిక్‌ యాసిడ్‌ స్థాయిలు కంట్రోల్‌లో ఉండాలంటే.. కిడ్నీలు బలంగా ఉండాలి.
పర్వతాసనం..
పర్వతాసనం వేయడానికి ముందుగా నిలబడి మెల్లగా శ్వాస వదులుతూ రెండు చేతులూ రెండు పాదాల పక్కన పెట్టాలి. ముందు కుడికాలును, తర్వాత ఎడమకాలును వెనక్కి పెట్టండి. తల, భుజాలు మోకాళ్ల వైపు వెళ్లాలి. వీపు, మోకాళ్లు వంచకూడదు. కాళ్ళు, చేతులు నేలమీద ఆనించి నడుము పైకి ఎత్తి శ్వాస వదలి తిరిగి పీల్చాలి. ఈ స్థితిలో ఉండగలిగినంత సేపు ఉండి, మెల్లగా మోకాళ్లను కింద పెట్టేసి రిలాక్స్‌ అవ్వండి.
సేతుబంధాసనం..
సేతుబంధాసనాన్ని.. బ్రిడ్జ్‌ పోజ్‌ అని కూడా పిలుస్తారు. ఇది వంతెనను తలపిస్తుంది. ఈ ఆసనం వేయడానికి వెల్లకిలా పడుకుని చేతులను పక్కనే నిటారుగా జాపాలి. మోకాళ్లను వంచి పాదాలను నేల మీద ఆనించాలి. వెన్ను భాగాన్ని పైకి లేపి.. చేతులతో కాలి మడమలను పట్టుకుండి. అవి అందకపోతే.. చేతులు రెండూ కలపండి. నడుమును పైకి లేపే క్రమంలో శ్వాస తీసుకుంటూ పిరుదులను గట్టిగా బిగించాలి. శ్వాసను కొంతసేపు ఆపి ఉంచితే మంచిది. లేదంటే ఆపగలిగినన్ని క్షణాలు ఆపి, ఆనక మెల్లగా వదులుతూ నడుమును కిందికి దించాలి. ఇలా పది సార్లు చేస్తే మంచి రిజల్ట్స్‌ ఉంటాయి.
భుజంగాసనం..
ఈ ఆసనాన్ని.. కోబ్రా పోజ్‌ అని కూడా అంటారు. ఈ ఆసనం వేయడానికి బోర్లా పడుకోని.. బాడీని స్ట్రెచ్‌ చేయండి. రెండు పాదాల వేళ్లు, మడమలు తాకేలా చూసుకోవాలి. అరచేతులను ఛాతీ పక్కలకు తీసుకొచ్చి, నేలకు ఆనించాలి. శ్వాసను తీసుకుంటూ నెమ్మదిగా తల, ఛాతీని పైకి లేపాలి. మోచేతులు నేలకు ఆని ఉండేలా చూసుకోవాలి. కొంత సేపు తర్వాత శ్వాస వదులుతూ సాధారణ స్థితికి రండి.
ఉత్తనాసనం..
ఉత్తానసనం వేయడానికి ముందుగా నిటారుగా నిలబడండి. ఇప్పుడు శ్వాస తీసుకుంటూ.. నడుమును కిందకు దించాలి. మీ మోకాళ్లను వంచకుండా మీ చేతులతో కాళ్లు లేదా మడమలు పట్టుకోవడానికి ప్రయత్నించండి. ఈ భంగిమలో 20 నుండి 30 సెకన్ల పాటు ఉండండి. ఈ స్థితిలో శ్వాస సాధారణంగా తీసుకోండి.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
[ad_2]
Source link
Leave a Reply