ఈ ఆహారం తింటే.. క్యాన్సర్‌ ముప్పు తగ్గుతుంది..!

[ad_1]

Foods reduce cancer risk: క్యాన్సర్‌.. ఈ పేరు వింటేనే ఏదో గుబులుగా ఉంటుంది. క్యాన్సర్‌ ప్రాణాంతక వ్యాధి. ప్రపంచ ఆరోగ్య సంస్థ (WHO) ప్రకారం, ప్రపంచవ్యాప్తంగా చోటుచేసుకుంటున్న మరణాలకు.. రెండవ ప్రధాన కారణం క్యాన్సర్. భారత్‌లో 2021 నాటికి 2.67 కోట్ల మంది క్యాన్సర్‌ బాధితులు ఉన్నారని నివేదికలు చెబుతున్నాయి. వీరి సంఖ్య 2025 నాటికి 2.98 కోట్లకు చేరుకుంటుందని ఇండియన్‌ కౌన్సిల్‌ ఆఫ్‌ మెడికల్‌ రిసెర్చ్‌ (ఐసీఎంఆర్‌) అంచనా వేస్తోంది. ఈ మహమ్మారి ఎంతో మంది ప్రాణాలను బలితీసుకుంటుంది. వంశపారపర్యంగా వచ్చే క్యాన్సర్లు రాకుండా ఆపడం కొంచెం కష్టమే.. జీవనశైలి కారణంగానూ కొన్ని రకాల క్యాన్సర్లు వచ్చే ప్రమాదం ఉంది. క్యాన్సర్‌ వచ్చిన తర్వాత బాధపడే కంటే.. రాకుండా నివారించడం మంచిదని నిపుణులు అంటున్నారు. మన లైఫ్‌స్టైల్‌లో మార్పులు చేసుకుని, పోషకాహారం తీసుకుంటూ, క్యాన్సర్‌ కారకాలకు దూరంగా ఉంటే.. ఈ మహమ్మారిని నిరోధించవచ్చు. క్యాన్సర్‌కు దూరంగా ఉండటానికి మన డైట్‌లో ఎలాంటి ఆహారం తీసుకోవాలో DR. స్నితా సినుకుమార్ మనకు వివరించారు (DR. SNITA SINUKUMAR, MS, Mch. Consultant Surgical Oncologist at Jehangir Hospital)

రంగురంగుల కూరగాయలు, పండ్లు..

తాజా కూరగాయలు, పండ్లలో పోషకాలు నిండి ఉంటాయి. ముఖ్యంగా.. ముదురు రంగు కూరగాయలు, పండ్లు తినడం వల్ల కొన్ని రకాల క్యాన్సర్ల నుంచి రక్షణ లభిస్తుంది. ముదురు ఆకుపచ్చ, ఎరుపు, నారింజ రంగు కూరగాయలు, పండ్లు తీసుకోండి. మొక్కల ఆధారిత ఆహారాన్ని ఎక్కువగా తినడం వల్ల చక్కెర అధికంగా ఉండే ఆహారం తక్కువగా తీసుకుంటాం. బెర్రీలు, ఆకు కూరలు, క్రూసిఫెరస్‌ కూరగాయలు (క్యాబేజీ, కాలీఫ్లవర్‌, బ్రోకలీ) లో యాంటీఆక్సిడెంట్లు, పోషకాలు మెండుగా ఉంటాయి. ఇవి మీ డైట్‌లో చేర్చుకుంటే.. ఫ్రీరాడికల్స్‌‌‌‌‌‌‌‌‌‌‌‌ కారణంగా కణాలు దెబ్బతినకుండా ఉంటాయి. బెర్రీస్‌లో ఆంథోసైనిన్‌లు, యాంటీ ఆక్సిడెంట్ లక్షణాలు ఉంటాయి. ఇవి క్యాన్సర్ ప్రమాదాన్ని తగ్గిస్తాయి. ప్లాంట్‌ బేస్డ్‌ డైట్‌తో బరువు కూడా కంట్రోల్‌లో ఉంటుంది. పెద్దప్రేగు, అన్నవాహిక, కిడ్నీ క్యాన్సర్‌ల ముప్పు తగ్గుతుంది. (image source – unsplash)

తృణధాన్యాలు..

తృణధాన్యాలో ఫైబర్‌ పుష్కలంగా ఉంటుంది. ఇది క్యాన్సర్‌ ప్రమాదాన్ని తగ్గిస్తుంది. తృణధాన్యాలలో లిగ్నాన్స్, యాంటీఆక్సిడెంట్‌లు, సపోనిన్‌లు ఉంటాయి.. ఇవి క్యాన్సర్‌ కణాలతో పోరాడతాయి. అవి అభివృద్ధి చెందకుండా అడ్డుకుంటాయి. గోధములలో లభించే ఫోలేట్ పెద్దప్రేగు, పురీషనాళం, బ్రెస్ట్‌ క్యాన్సర్‌లను అడ్డుకుంటుంది. మీరు క్యాన్సర్‌ నుంచి దూరంగా ఉండాలంటే.. మీ ఆహారంలో బ్రౌన్ రైస్, హోల్‌ వీట్‌, ఓట్స్‌ వంటి ఆహారం చేర్చుకోండి. (Image source – pixabay)

పప్పుధాన్యాలు..

పప్పుధాన్యాలు, బీన్స్‌, శనగల్లో ఫైబర్, ప్రోటీన్, ఫైటోకెమికల్స్ అధికంగా ఉంటాయి. ఇవి క్యాన్సర్‌ నుంచి రక్షిస్తాయి. క్యాన్సర్‌ను నిరోధించే ఎంజైమ్‌లను ఉత్పత్తి చేస్తాయి. ముఖ్యంగా కిడ్నీ బీన్స్‌లో యాంటీ ఆక్సిడెంట్లు, ఫైబర్‌ మెండుగా ఉంటుంది. ఇవి క్యాన్సర్‌ ప్రమాదాన్ని తగ్గిస్తాయని అమెరికన్ క్యాన్సర్ సొసైటీ స్పష్టం చేసింది. (image source – pexels)

నట్స్‌, గింజలు..

నట్స్‌ తినడం వల్ల.. కొన్ని రకాల క్యాన్సర్ వచ్చే ప్రమాదం తక్కువగా ఉంటుందని పరిశోధనలో తేలింది. రోజు నట్స్‌ తింటే.. కొలొరెక్టల్, ప్యాంక్రియాటిక్, ఎండోమెట్రియల్ క్యాన్సర్ల నుంచి రక్షణ లభిస్తుంది. బాదం, వాల్‌నట్స్‌లో ఆరోగ్యకరమైన కొవ్వులు, ఫైబర్, యాంటీఆక్సిడెంట్లు పుష్కలంగా ఉంటాయి. ఇవి క్యాన్సర్‌ ప్రమాదాన్ని తగ్గిస్తాయి. (image source – unsplash)

కొవ్వు చేపలు..

చేపలను డైట్‌ చేర్చుకోవడం వల్ల క్యాన్సర్ ప్రమాదాన్ని తగ్గించవచ్చని కొన్ని పరిశోధనలు సూచిస్తున్నాయి. చేపలను ఎక్కువగా తీసుకుంటే జీర్ణ వాహిక క్యాన్సర్, కొలొరెక్టల్ నుంచి రక్షణ లభిస్తుందని అధ్యయనాలు స్పష్టం చేశాయి. ముఖ్యంగా సాల్మన్, మాకేరెల్, ఆంకోవీస్ వంటి కొవ్వు చేపలలో విటమిన్‌ డీ, ఒమేగా-3 ఫ్యాటీ యాసిడ్స్‌,సెలీనియంఎక్కువగా ఉంటాయి. ఇవి క్యాన్సర్‌ ప్రమాదాన్ని తగ్గిస్తాయి.
ఒకే ఆహారంతో క్యాన్సర్‌ను నిరోధించలేం. సమతుల్య, పోషక ఆహారం క్యాన్సర్ ప్రమాదాన్ని తగ్గించడంలో, మొత్తం ఆరోగ్యాన్ని ప్రోత్సహించడంలో సహాయపడుతుంది. (image source – unsplash)
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

[ad_2]

Source link