ఈ పండు రోజుకొకటి తింటే.. హైబీపీ కంట్రోల్‌‌లో ఉంటుంది..!

[ad_1]

Red Banana Health Benefits: అరటి పండ్లను చాలా మంది ఇష్టపడుతూ ఉంటారు. ఇది ఎనర్జీ బూస్టర్‌ ఫుడ్. ప్రపంచవ్యాప్తంగా 1,000 కంటే ఎక్కువ రకాల అరటిపండ్లు ఉన్నాయి. పసుపు పచ్చవి, చక్కెరకేళి, కొండ అరటి పండ్లు, అమృతపాణి, ముకిరీ, కర్పూరం, కర్పూర చక్కెర కేళీ ఇలా చాలా రకాలు మనకు తెలుసు. మనం మార్కెట్లో ఎర్రటి అరటిపండ్లు కూడా చూస్తూ ఉంటాం. ఇవి ఎర్రగా నిగనిగలాడుతూ.. ఆకర్షణీయంగా ఉంటాయి. ఈ అరటిపండులో పోషకాలూ మెండుగా ఉంటాయని నిపుణులు చెబుతున్నారు. ఈ పండ్లు రోజూ తింటే.. రోగనిరోధక వ్యవస్థ మెరుగుపడుతుంది, గుండె ఆరోగ్యానికి మేలు జరుగుతుంది, జీర్ణక్రియకు ప్రయోజనం చేకూరుతుంది. ఎర్ర అరటిపండు తింటే ఏ విధమైన ఆరోగ్య ప్రయోజనాలు ఉంటాయి ఇప్పుడు చూద్దాం.

పోషకాలు మెండుగా..

పసుపు అరటిపండ్లలాగే.. ఎర్రటి అరటిపండ్లు కూడా మన శరీరానికి అవసరమైన పోషకాలను అందిస్తాయి. వీటిలో ముఖ్యంగా పొటాషియం, విటమిన్ సి, విటమిన్ B6 వంటి పోషకాలు సమృద్ధిగా ఉంటాయి. తగినంత మొత్తంలో ఫైబర్ ఉంటుంది. 100 గ్రాముల ఎర్రటి అరటి పండులో

కేలరీలు -90 కేలరీలు
కార్బోహైడ్రేట్లు – 21 గ్రా
ప్రోటీన్: 1.3 గ్రాములు
కొవ్వు: 0.3 గ్రాములు
ఫైబర్: 3 గ్రాములు
కాల్షియం – 5 mg
ఐరన్ – 0.26 mg
ప్రోటీన్ – 1.3 గ్రా
పొటాషియం – 358 mg
విటమిన్ B6-0.3 మైక్రోగ్రామ్
ఫాస్పరస్‌ – 22 మి.గ్రా.
మెగ్నీషియం – 27 మి.గ్రా.
విటమిన్ సి – 8.7 మి.గ్రా
విటమిన్ B1 – 0.031 మైక్రోగ్రాములు
విటమిన్ B2 -0.073 మైక్రోగ్రాములు
కోలిన్ – 9.8 mg
కిబోలేట్ – 20 మైక్రోగ్రాములు

హైపర్‌టెన్షన్‌ కంట్రోల్‌లో ఉంటుంది..

ఎర్రటి అరటి పండులో పొటాషియం అధికంగా ఉంటుంది. చిన్న అరటి మనకు రోజుకు అవసరమైన 9% పొటాషియంను అందిస్తుంది. పొటాషియం.. హైపర్‌టెన్షన్‌ను కంట్రోల్‌లో ఉంచుతుందని అధ్యయనాలు చెబుతున్నాయి. పొటాషియం రిచ్‌ ఫుడ్స్‌ తినడం వల్ల.. సిస్టోలిక్ రక్తపోటు 7 mm Hg తగ్గుతుందని ఓ అధ్యయనంలో తేలింది. ఎర్రటి అరటి పండులో.. మెగ్నీషియం కూడా మెండుగా ఉంటుంది. ఇది అధిక రక్తపోటు ప్రమాదాన్ని 5% వరకు తగ్గుతుందని నిపుణులు చెబుతున్నారు. పొటాషియ, మెగ్నీషియం గుండెపోటులు, స్ట్రోకులు, గుండె సమస్యలను దూరం చేస్తాయి.

కంటికి మంచిది..

ఎర్రటి అరటిపండ్లలో లుటీన్, బీటా కెరోటిన్ అనే రెండు కెరోటినాయిడ్లు ఉంటాయి. ఇవి కంటి ఆరోగ్యానికి మేలు చేస్తాయి. వయస్సు-సంబంధిత మచ్చల క్షీణత (AMD), కంటి సమస్యలు నుంచి లుటీన్ రక్షిస్తుంది. లుటీన్-రిచ్ ఫుడ్స్ తినడం వల్ల AMD ముప్పు 26% వరకు తగ్గుతుంది. పసుపు అరటి పండుతో పోలిస్తే.. దీనిలో బీటా కెరోటిన్ అధికంగా ఉంటుంది. బీటా కెరోటిన్ మన శరీరంలో విటమిన్‌ ఏ గా మారుతుంది. ఇది కంటి ఆరోగ్యానికి అవసరమైన పోషకం.

యాంటీఆక్సిడెంట్లు మెండుగా..

ఎర్ర అరటిపండ్లలో కెరోటినాయిడ్స్, ఆంథోసైనిన్స్, విటమిన్ సి, డోపమైన్ వంటి ముఖ్యమైన యాంటీఆక్సిడెంట్లు అధికంగా ఉంటాయి. ఆంథోసైనిన్స్ ఆహారం తీసుకోవడం వల్ల కొరోనరీ హార్ట్ డిసీజ్ ప్రమాదం 9 శాతం తగ్గుతుంది. యాంటీఆక్సిడెంట్లు అధికంగా ఉండే పండ్లు తింటే.. అనేక అనారోగ్యాల నుంచి రక్షణ లభిస్తుంది. (image source – pixabay)

ఇమ్యూనిటీ బూస్ట్‌ అవుతుంది..

ఎర్ర అరటిపండ్లలో విటమిన్ సి, బి6 పుష్కలంగా ఉంటాయి. ఈ పోషకాలు రోగనిరోధక వ్యవస్థను మెరుగుపరుస్తాయి. విటమిన్ సి ఇమ్యూనిటీ సిస్టమ్‌ కణాలను బలోపేతం చేస్తాయి. ఇన్ఫెక్షన్లు రాకుండా పోరాడుతుంది. విటమిన్ B6 రోగనిరోధక వ్యవస్థకు మద్దతు ఇవ్వడంలో కీలక పాత్ర పోషిస్తుంది. (image source – pixabay)

జీర్ణక్రియ మెరుగుపడుతుంది..

అరటిపండు ప్రీబయోటిక్ ఆహారం. ఇవి పొట్టలో మంచి బ్యాక్టీరియాను పెంచుతాయి. ఫ్రక్టోలిగోసాకరైడ్‌లు, ఇన్సులిన్‌లో ప్రీబయోటిక్ ఫైబర్‌లు ఉంటాయి. ఇవి షుగర్‌ పేషెంట్స్‌లో మలబద్ధకం, కడుపు ఉబ్బరాన్ని తగ్గించడానికి సహాయపడుతాయి.

బరువు కంట్రోల్‌ ఉంటుంది..

ఎర్ర అరటిపండ్లలో చాలా తక్కువ కేలరీలు ఉంటాయి, ఇవి మీ బరువు తగ్గడానికి సహాయపడుతాయి. అరటిపండు తినడం వల్ల కడుపు నిండినట్లు అనిపిస్తుంది. దాంతో అతిగా తినడం మానేస్తాం. దీంతో బరువు తగ్గాడానికి సహాయపడతాయి. (image source – pixabay)
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.