[ad_1]
శరీరకంగా యాక్టివ్‌గా ఉండండి..
క్రమం తప్పకుండా వ్యాయామం చేస్తే కిడ్నీలు ఆరోగ్యంగా ఉంటాయని నిపుణులు చెబుతున్నారు. దీర్ఘకాలిక మూత్రపిండ వ్యాధుల ముప్పు తగ్గుతుంది. అలాగే, వ్యాయామం చేయడం వల్ల.. హైపర్‌టెన్షన్‌ కంట్రోల్‌లో ఉంటుంది, గుండె ఆరోగ్యానికి మేలు జరుగుతుంది.. ఇవన్నీ కిడ్నీల సమస్యలను నివారించడానికి కీలకమైన అంశాలు. వాకింగ్‌, రన్నింగ్, సైక్లింగ్‌, బ్యాడ్మింటన్ వంటి ఆటలు ఆడినా.. మీ కిడ్నీలు ఆరోగ్యంగా ఉంటాయి.
బ్లడ్‌ షుగర్స్‌ కంట్రోల్‌లో ఉంచుకోండి..
మూత్రపిండాలు దెబ్బతినడానికి మధుమేహం ప్రధాన కారణం. రక్తంలో చక్కెర స్థాయిలు అధికంగా ఉండే.. ముత్రపిండాలలోని చిన్నచిన్న రక్తనాళాలు కాలక్రమేణా దెబ్బతీస్తాయి, వాటి పనితీరు తగ్గుతూ ఉంటుంది. . శరీరం నుంచి వ్యర్థ పదార్థాలను, అదనపు ద్రవాలను తొలగించే ప్రకియ నిర్వహించే.. మూత్రపిండాల సామర్థ్యంపై ప్రభావం పడుతుంది. మీ రక్తంలో చక్కెర స్థాయిలను కంట్రోల్‌లో ఉంచుకుంటే.. కీడ్నీల ఆరోగ్యాన్ని కాపాడుకోవచ్చు.
యాంటీబయోటిక్స్‌ ఎక్కువగా వాడొద్దు..
యాంటీబయోటిక్స్‌ ఎక్కువగా వాడితే.. మీ మూత్రపిండాలకు హాని కలుగుతుంది. మీరు డాక్టర్‌ సలహా మేరుకు మాత్రమే యాంటీబయోటిక్స్‌ వాడాల్సి ఉంటుంది.
పోషకాహారం తీసుకోండి..
మనం తీసుకునే ప్రతి ఆహారాలను.. కిడ్నీలు ప్రాసెస్ చేస్తాయి. మనం అధిక కొవ్వు, ఉప్పు, చక్కెర ఎక్కువగా ఉండే ఆహారం తీసుకుంటే.. హైపర్‌టెన్షన్‌, అధికబరువు, డయాబెటిస్‌ వంటి దీర్షకాలిక ఆరోగ్య సమస్యలకు దారి తీస్తుంది. ఈ ఆనారోగ్యాల కారణంగా.. మూత్రపిండాలకు హాని కలుగుతుంది. కిడ్నీల ఆరోగ్యాన్ని రక్షించుకోవడానికి.. పండ్లు, కూరగాయలు, తృణధ్యాలను మీ డైట్‌‌‌‌‌‌‌‌‌‌‌‌‌‌లో ఎక్కువగా చేర్చుకోండి. ప్రాసెస్ చేసిన ఆహారం, జంక్‌ ఫుడ్‌కు దూరంగా ఉండండి.
Also read:సూప్‌ అంటే ఇష్టమా..? అయితే మీ కిడ్నీలు జాగ్రత్త..!
సరిపడా నీళ్లు తాగండి..
కిడ్నీలు ఆరోగ్యంగా ఉండాలంటే.. హైడ్రేట్‌గా ఉండటం చాలా అవసరం. నీరు వ్యర్థాలను, అవసరమైన పోషకాలను కిడ్నీల వద్దకు తీసుకువెళ్లడానికి, మూత్రం ద్వారా శరీరం నుంచి వ్యర్థాలను, టాక్సిన్స్‌ను తొలగించడానికి సహాయపడుతుంది. సరిపడా నీళ్లు తాగకపోతే.. కిడ్నీలలోని చిన్నచిన్న ఫిల్టర్లు మూసుకుపోయి కిడ్నీలో రాళ్లు ఏర్పడి ఇన్‌ఫెక్షన్లకు దారి తీయవచ్చు. దీర్ఘకాలిక నిర్జలీకరణం కాలక్రమేణా మూత్రపిండాల సమస్యకు దారితీస్తుంది. కిడ్నీల ఆరోగ్యాన్ని రక్షించుకోవడానికి రోజుకు కనీసం 8 గ్లాసుల నీరు తాగాల్సి ఉంటుంది.
ఆల్కహాల్‌, స్మోకింగ్‌కు దూరంగా ఉండండి..
మద్యపానం కిడ్నీల పనితీరును ప్రభావితం చేస్తుంది. వాటిని తీవ్రంగా హాని చేస్తుంది. ఆల్కహాల్‌ ఎక్కువగా తాగితే.. డీహైడ్రేషన్‌ సమస్య పెరుగుతుంది. దీని కారణంగా మూత్రపిండాలు సరిగ్గా పనిచేయవు. అధిక బరువు, లివర్‌ సమస్యలు, హైపర్‌టెన్షన్‌ వంటి సమస్యలకు దారి తీస్తుంది. స్మోకింగ్‌ కిడ్నీ క్యాన్సర్‌ ముప్పును పెంచుతుంది. రక్తనాళాలను నాశనం చేస్తుంది, మూత్రపిండాలకు రక్తప్రసరణను తగ్గిస్తుంది.
రెగ్యులర్ స్క్రీనింగ్..
కిడ్నీ డ్యామేజ్‌, కిడ్నీ సమస్యలు వచ్చే ప్రమాదం ఉన్నవారు రెగ్యులర్ కిడ్నీ ఫంక్షన్‌ టెస్టింగ్‌ చేయించుకోవడం చాలా ముఖ్యం. 60 ఏళ్లు పైబడిన వారు, మీ కుటుంబ సభ్యులలో ఎవరికైనా కిడ్నీ సమస్యలు ఉంటే, హైపర్‌టెన్షన్‌, అధిక బరువు, డయాబెటిస్‌ ఉన్నవారు కిడ్నీ ఫంక్షన్‌ టెస్టింగ్‌ టెస్ట్‌ సంవత్సరానికి ఒకసారైనా చేయించుకోవాలి.
గమనిక:ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
[ad_2]
Source link
Leave a Reply