ఎక్కువసేపు కూర్చుని ఉంటున్నారా.. జాగ్రత్త..

[ad_1]

కొలొరెక్టల్, రెక్టల్ క్యాన్సర్ అనేది పెద్ద ప్రేగు, రెక్టమ్‌లో మొదలవుతంది. ఇవి జీర్ణాశయం చివర్లో ఉంటుంది. ఇండియాలో ఈ క్యాన్సర్ ప్రాణాంతకంగా మారుతోంది. పురీషనాళంలో కణాలు ఎక్కువగా పెరిగినప్పుడు ఈ సమస్య వస్తుంది. పెద్ద ప్రేగులో పెరిగిన కణాలు ఎక్కువ అవ్వడం వల్ల క్యాన్సర్‌గా మారుతుంది. స్క్రీనింగ్ టెస్ట్‌ ద్వారా ముందుగానే ఈ కణాలను కనుక్కోవచ్చు. దీంతో ఇది క్యాన్సర్‌గా మారడానికి ముందే తొలగించొచ్చు. అందుకే ఎప్పటికప్పుడు ముందుగానే టెస్ట్ చేయించుకోవడం మంచిదని చెబుతున్నారు నిపుణులు.

కారణాలు..

ఈ క్యాన్సర్ రావడానికి ప్రత్యేక కారణమంటూ లేనప్పటికీ, లైఫ్ స్టైల్ సరిగ్గా లేని కారణంగా ఈ సమస్య వస్తుందని డాక్టర్ వినయ్ శామ్యూల్ గైక్వాడ్ చెబుతున్నారు. (Dr Vinay Samuel Gaikwad, The Oncology Centre at the CK Birla Hospital, Gurugram)
Also Read : Planks : ఈ వర్కౌట్ సరిగ్గా చేస్తే బెల్లీ, బరువు.. రెండూ తగ్గుతాయట..

ఎక్కువసేపు కూర్చోవడం వల్ల..

రెక్టల్ క్యాన్సర్ రావడానికి ప్రధాన కారకాలు ధూమపానం, ఎక్కువగా ఆల్కహాల్ తీసుకోవడం, ఊబకాయం, షుగర్, అనారోగ్య జీవనశైలి. ఎక్కువగా కూర్చోవడం, వర్కౌట్ చేయకపోవడం, ఎక్కువ బరువు, ఊబకాయ ఉన్నవారికి కొలొరెక్టరల్ క్యాన్సర్ వచ్చే అవకాశం ఎక్కువగా ఉంటుంది. కాబట్టి, బరువు తగ్గే ప్రయత్నం చేయండని డాక్టర్స్ సూచిస్తున్నారు.
కూర్చొనే ఉండడం వల్ల మలబద్ధకం సమస్య పెరుగుతుంది. దీని వల్ల క్యాన్సర్ కారకాలు పెరుగుతాయి.

కాబట్టి కూర్చుని జాబ్ చేసేవారు మధ్య మధ్యలో లేచి కాసేపు నడవడం, రెగ్యులర్‌గా వర్కౌట్ చేయడం మంచిదని చెబుతున్నారు నిపుణులు.

కుటుంబంలో ఎవరికైనా ఉంటే..

కుటుంబ చరిత్రలో ఎవరికైనా క్యాన్సర్ ఉన్నా కూడా క్యాన్సర్ రిస్క్ పెరిగే అవకాశం ఉంటుంది. అందుకే కచ్చితంగా వీరు ముంద నుంచి జాగ్రత్తలు పాటించాలి. ఎప్పటికప్పుడు టెస్టులు చేయించుకుంటూ మిగతావారితో పోలిస్తే ఆరోగ్యకరమైన జీవనశైలి పాటించాలని చెబుతున్నారు నిపుణులు.

మలబద్ధకం కారణంగా..

మలబద్ధకం కారణంగానే ఈ క్యాన్సర్ ఎక్కువగా వస్తుంది. కాబట్టి సమస్యని తేలిగ్గా తీసుకోవద్దు. మలబద్దకాన్ని దూరం చేసుకోవాలి. గట్ హెల్త్ ఎప్పటికప్పుడు బాగుండేలా చూసుకోవాలి.
Also Read : Cucumbers : దోసకాయలు ఇలా తీసుకుంటే బరువు తగ్గుతారు

లక్షణాలు..

రెక్టల్ క్యాన్సర్ వచ్చినవారికి కొన్ని లక్షణాలు ఉంటాయి. వీటిని బట్టి ఆ సమస్యని గుర్తించొచ్చొని నిపుణులు చెబుతున్నారు. అవి..

అలసట, బరువు తగ్గడం
రక్తహీనత
వికారంగా ఉండి వాంతులు
ఇబ్బందిగా అనిపించడం,
నిద్ర పట్టకపోవడం
మానసిక సమస్యలు.
పొత్తికడుపులో నొప్పి, ఉబ్బరం, తిమ్మిర్లు
జీర్ణ సమస్యలు
తెలియకుండానే బరువు తగ్గడం
డయేరియా
Also Read : Happy Kiss Day 2023 : ముద్దుపెట్టుకుంటే యవ్వనంగా, అందంగా మారతారా..

మలంలో రక్తం..

మలంలో రక్తం పడడం కూడా క్యాన్సర్‌కి సూచన. ఇది పెద్ద ప్రేగు, మల క్యాన్సర్ లక్షణాలు. అయితే, హెమరాయిడ్స్ వల్ల కూడా మల రక్తస్రావం జరుగుతుంది.

డాక్టర్ గైక్వాడ్ ప్రకారం.. పెద్దప్రేగుల్లోని కొలొరెక్టల్ క్యాన్సర్ లక్షణాలు, కణాల పరిమాణం మారడం అనేది వ్యక్తిని బట్టి మారుతుంది.

టెస్టులు..

కొంతమంది వ్యక్తులకి ఎలాంటి లక్షణాలు లేకుండానే సమస్య వస్తుంది. అలాంటప్పుడు స్క్రీనింగ్ టెస్టుల ద్వారా పాలిప్స్‌ని ముందుగానే కనుక్కొని తొలగించడం మంచిది.

రెగ్యులర్‌గా 45 ఏళ్ళ నుండి చేయించడం వల్ల చాలా వరకూ సమస్యను దూరం చేసుకోవచ్చు.
సిగ్మాయిడోస్కోపీ, కోలనోస్కోపీ, సిటి కోలోనోగ్రఫీ వంటి క్యాన్సర్ స్క్రీనింగ్ టెస్టుల వల్ల సమస్యను ముందుగానే గుర్తించొచ్చు.

ఫుడ్..

క్యాన్సర్ నుంచి దూరమవ్వాలంటే మంచిది ఆహారం తీసుకోవాలి. అదే విధంగా కొన్ని ఆహారాలకు దూరంగా ఉండాలి. అందులో.. ఎక్కువగా ఫైబర్ ఫుడ్ తీసుకోవాలి. ప్రాసెస్డ్, జంక్ ఫుడ్స్‌కి దూరంగా ఉండాలి.

వీటితో పాటు డాక్టర్‌ని కలిసి ఎప్పటికప్పుడు తగిన సలహాలు సూచనలు తీసుకోవాలి. వర్కౌట్ రెగ్యులర్‌గా చేయాలి.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

[ad_2]

Source link