కిడ్నీ ప్రాబ్లమ్స్ ఉంటే ఈ లక్షణాలేే ఉంటాయా..

[ad_1]

ఎండాకాలంలో ఎంత జాగ్రత్తగా ఉంటే అంత మంచిది. లేకపోతే అనేక ఆరోగ్య సమస్యలు వస్తాయి. ముఖ్యంగా కిడ్నీ ప్రాబ్లమ్స్ వస్తాయి. ఈ నేపథ్యంలోనే కిడ్నీలను ఎలా కాపాడుకోవాలి. ఎలాంటి జాగ్రత్తలు తీసుకోవాలో ఈ ఆర్టికల్‌లో తెలుసుకుందాం.

కొన్ని టిప్స్ ముఖ్యం..

వేడి, తేమ అనేది ముఖ్యమైన అవయవాలకు చాలా హానికరం. బ్లడ్ ప్రవాహాన్ని, శరీరం హోమియోస్టాటిక్ బ్యాలెన్స్‌ సరిగ్గా ఉంచేందుకు కిడ్నీలు సరిగ్గా పనిచేయాలి. ఈ కారణంగా కిడ్నీల కోసం ఎండాకాలంలో జాగ్రత్తలు తీసుకోవాలి. అసలు నిజానికీ కిడ్నీలను కాపాడుకోవడం ఎలా.. ముఖ్యంగా ఎండాకాలంలో ఎలాంటి జాగ్రత్తలు పాటించాలి. ఇవన్నీ తెలియక చాలా మంది ఇబ్బంది పడతారు. అందుకోసం కొన్ని చిట్కాలు పాటించాల్సి ఉంటుంది. ఆ వివరాలు చూస్తే.

ఉప్పు తగ్గించడం..

ఉప్పు.. అనేక ఆరోగ్య సమస్యలకి మూలం ఉప్పు. ఉప్పుని తీసుకోవడం వల్ల రక్తపోటు పెరుగుతుంది. దీని వల్లే ఆరోగ్య సమస్యలు పెరగుతాయి. కిడ్నీల సమస్యలకి కూడా కారణం ఎక్కువగా ఉప్పు తీసుకోవడం. అందుకే దీనిని తగ్గించడం వల్ల మీ ఆరోగ్యాన్ని కాపాడుకోవచ్చు. దీని వల్ల కిడ్నీ సమస్యలే కాకుండా, గుండెసమస్యలు, పల్మనరీ హైపర్ టెన్షన్ వంటి సమస్యల్ని దూరం చేసుకోవచ్చు. కాబట్టి రోజుకి 4 నుంచి 5 గ్రాముల ఉప్పు మాత్రమే తీసుకోండి.

వాటర్ ఫుడ్స్..

ఎండాకాలంలో ఎక్కువగా చెమట పడుతుంది. కాబట్టి, మిమ్మల్ని మీరు హైడ్రేటెడ్‌గా ఉంచుకోవడం చాలా ముఖ్యం. ఇందుకోసం రెగ్యులర్‌గా హైడ్రేటెడ్‌గా ఉండడం మంచిది. అందుకోసం నీరు ఎక్కువగా ఉండే పండ్లు తీసుకోండి. సమతుల్య భోజనం తీసుకోండి. ఎండాకాలంలో డీహైడ్రేషన్ కారణంగా రాళ్ళు ఏర్పడతాయి. కిడ్నీ సమస్యలు ఉన్నవారు.. డీహైడ్రేషన్‌కి దూరంగా ఉండాలి.
Also Read : Diabetes and cancer : షుగర్ ఉన్నవారికి ఈ క్యాన్సర్ వస్తుందట.. జాగ్రత్త..

ఫైబర్ ఫుడ్..

జీర్ణక్రియ పెంచేందుకు ఫైబర్ ఫుడ్ బెస్ట్ ఛాయిస్. దీని వల్ల మూత్రపిండాల పనితీరు కూడా మెరుగ్గా ఉంటుంది. కిడ్నీ సమస్యలతో బాధపడుతున్న వారు వారి డైట్‌లో ఫైబర్‌ని చేర్చుకోవాలని సూచించారు. బీన్స్, బఠానీలు, పప్పులు, ఆకుకూరలు, పండ్లు, చిక్కుళ్ళు ఇవన్నీ కూడా కిడ్నీ హెల్త్‌ని కాపాడతాయి. అందుకే హెల్దీ ఫుడ్స్ తినండి. దీని వల్ల అదనపు లాభం కూడా ఉందండోయ్. బరువు అదుపులో ఉండడం. చక్కెర, ఉప్పు, ప్రిజర్వేటివ్స్, సంతృప్త కొవ్వులు ఎక్కువగా ఉండే ప్రాసెస్డ్ ఫుడ్స్‌కి దూరంగా ఉండండి.

మెడిసిన్ విషయంలో..

చాలా మంది నొప్పులను తగ్గించేందుకు పెయిన్ కిల్లర్స్ వాడతారు. దీనిని తగ్గించడం మంచిది. ఎందుకంటే వీటిని ఎక్కువగా తీసుకోవడం వల్ల కిడ్నీలపై ఎఫెక్ట్ పడుతుంది. మీకు షుగర్, బీపి ఉన్నా డాక్టర్‌ని కలిసి ఆయన సూచించిన విధంగా మెడిసిన్ తీసుకోండి. డయాబెటిస్ మెల్లిటస్, హైపర్ టెన్షన్ మీ కిడ్నీలను దెబ్బతీస్తాయి. అందుకే ముందు నుంచీ జాగ్రత్తగా ఉండాలి.
Also Read : Brugada Syndrome : ఈ సమస్య ఉంటే గుండె సడెన్‌గా ఆగిపోతుందట..

లైఫ్ స్టైల్ చేంజెస్. .

మీ కిడ్నీలు హెల్దీగా ఉండేందుకు చేయాల్సిన ముఖ్య పనుల్లో నీరు పుష్కలంగా తాగడం. దీని వల్ల డీహైడ్రేషన్ సమస్య నుంచి బయటపడతారు. దీంతో పాటు వర్కౌట్ చేయడం, ఆల్కహాల్, పొగత్రాగడానికి దూరంగా ఉండడం మంచిది. పొగాకుని ఏ రూపంలో కూడా తీసుకోవద్దు. నీరు ఎక్కువగా తాగడం, పెయిన్ కిల్లర్స్ వంటి వాటికి దూరంగా ఉండడం వర్కౌట్ చేయడం, మంచి లైఫ్‌స్టైల్‌ని పాటించడం వల్ల హెల్దీగా ఉంటారు. మరిన్ని వివరాల కోసం డాక్టర్‌ని కాంటాక్ట్ అవ్వండి.

[ad_2]

Source link