క్యాన్సర్ లక్షణాలు

[ad_1]

అధికారిక సమాచారం ప్రకారం, తల, మెడ, ఊపిరితిత్తుల క్యాన్సర్లు పురుషుల్లో కామన్. సర్వైకల్, బ్రెస్ట్ క్యాన్సర్స్ మహిళల్లో కామన్. క్యాన్సర్ అనేది రోజురోజుకి పెరుగుతూ కబళిస్తున్న పరిస్థితి. దీని బారిన పడకుండా ఉండాలంటే చాలా జాగ్రత్తలు తీసుకోవాలి. ప్రతి ఒక్కరూ క్యాన్సర్ గురించి అవగాహన ఏర్పరుచుకోవాలి. క్యాన్సర్ రాకుండా ఉండాలంటే ఏం చేయాలి. ఎలాంటి జాగ్రత్తలు తీసుకోవాలి. లక్షణాలు ఏంటి? ఇలాంటి పూర్తి వివరాలు తెలుసుకోవాలి.

క్యాన్సర్స్ ఎందుకొస్తాయి..

కణాలలోని డీఎన్‌ఏ‌లో మార్పులు వల్ల క్యాన్సర్ వస్తుంది. సెల్ లోపల డీఎన్ఏ పెద్ద సంఖ్యలో వ్యక్తిగత జన్యువులుగా ఉంటుంది. వీటిలో ప్రతి సెల్ వాటి పనులను నిర్వర్తిస్తుంది. అయితే కొన్ని లోపాల కారణంగా సెల్స్ సాధారణ పనితీరుని నిలిపివేసి క్యాన్సర్స్‌గా మారతాయి. సాధారణ కణాల పెరుగుదల సమయంలో జన్యు ఉత్పరివర్తనలు తరచుగా జరుగుతాయి. అయినప్పటికీ, పొరపాటు జరిగితే తప్పని సరిచేసే కణాలు ఉంటాయి. కానీ, అప్పుడప్పుడు పొరపాటు తప్పి ఓ కణం క్యాన్సర్‌గా మారి శరీరంపై తీవ్ర ప్రభావం చూపుతుంది.

ముఖ్య కారణాలు ఇవే..

చాలా సందర్భాల్లో కుటుంబాల్లో ఎవరికైనా క్యాన్సర్ ఉంటే ఆ ప్రభావం కూడా పిల్లలపై ఉంటుంది. కుటుంబ చరిత్ర, ఓ వ్యక్తిలో వయస్సు, అధికబరువు, హార్మోన్లు, వర్కౌట్ చేయడం వల్ల క్యాన్సర్స్ వస్తాయి. వీటిని జెనెటిక్ టెస్ట్ ద్వారా తెలుసుకోవచ్చు. ఎప్పటికప్పుడు పరీక్ష చేయించుకోవడం ద్వారా ఈ క్యాన్సర్స్ గురించి ముందుగానే తెలుసుకుని జాగ్రత్త పడొచ్చొని నిపుణులు చెబుతున్నారు.

కొన్నిసార్లు ఆహారపు అలవాట్లు, జీవనశైలి సరిగ్గా లేకపోవడం, ధూమపానం, మద్యపానం, అంటువ్యాధుల కారణంగా కూడా క్యాన్సర్స్ వస్తాయి. కాబట్టి ప్రతి ఒక్కరు పరీక్షలు చేసుకోవాల్సి ఉంటుందని ధర్మశిల నారాయణ సూపర్ స్పెషాలిటీ హాస్పిటల్‌లోని సీనియర్ కన్సల్టెంట్ ఇంటర్నల్ మెడిసిన్ డాక్టర్ గౌరవ్ జైన్ చెబుతున్నారు.

ఎలాంటి కారణాలు, కుటుంబంలో లేకపోయినా వచ్చిన క్యాన్సర్‌ని స్పోరాడిక్ క్యాన్సర్ అంటారు. జన్యు ఉత్పరివర్తనాల వల్ల ఈ సమస్య రావొచ్చని బీఎల్‌కె మ్యాక్స్ సూపర్ స్పెషాలిటీ హాస్పిటల్ డైరెక్టర్ మెడికల్ ఆంకాలజీ డాక్టర్ సజ్జన్ రాజ్ పురోహిత్ చెబుతున్నారు. లైఫ్‌స్టైల్ సరిగ్గా లేకపోవడం వల్ల క్యాన్సర్ పెరుగుతుందని నిపుణులు చెబుతున్నారు.

క్యాన్సర్ రకాలు..

క్యాన్సర్‌లో చాలా రకాలు ఉన్నాయి. రొమ్ము క్యాన్సర్, అండాశయ క్యాన్సర్, పెద్దప్రేగు క్యాన్సర్, ప్రొస్టేట్ క్యాన్సర్స్, ప్యాంక్రియాటిక్ క్యాన్సర్స్ మొదలైన క్యాన్సర్స్‌లలో జెనెటిక్ టెస్ట్ కీ రోల్ పోషిస్తుంది. క్యాన్సర్ వచ్చిన వారికి ఎలాంటి జాగ్రత్తలు తీసుకోవాలి. ఏ ట్రీట్‌మెంట్ హెల్ప్ అవుతుందో తెలుసుకోవడానికి జెనెటిక్ టెస్ట్ హెల్ప్ చేస్తుందని డాక్టర్ రాకేష్ ఎమ్‌పి చెబుతున్నారు.
Also Read : Cycling Benefits : సైకిల్ తొక్కితే క్యాన్సర్స్ రావా..

క్యాన్సర్ లక్షణాలు..

చాలా వరకూ క్యాన్సర్ ఉంటే లక్షణాలు కనిపించవు. మెజారిటీ కేసుల్లో అడ్వాన్స్‌డ్ కేసులకు చేరేవరకూ ఈ లక్షణాలు ఏం కనిపించవు. అయితే, ఎవరికైనా రక్తస్రావం, నొప్పి, దగ్గు వంటి ఇతర లక్షణాలు కనిపించడం, బరువు తగ్గడం లాంటివి జరిగినప్పుడు వైద్య సలహా తీసుకోవాలని అమృత హాస్పిటల్ షేర్స్ మెడికల్ అంకాలజీ అసిస్టెంట్ ప్రొఫేసర్ డా.రాకేష్ ఎంపీ చెబుతున్నారు.
Also Read : Cycling Benefits : సైకిల్ తొక్కితే క్యాన్సర్స్ రావా..

అన్ని క్యాన్సర్లు తగ్గుతాయా..

హెల్దీ లైఫ్‌స్టైల్ కారణంగా క్యాన్సర్‌ ప్రమాదాన్ని తగ్గించుకోవచ్చు. అయితే, అన్ని కేసులు ఇలా కాదు. కొన్నిసార్లు ఆరోగ్యకరమైన అలవాట్లు , ప్రమాద కారకాలు తెలియకపోవడం వల్ల ఈ సమస్య వస్తుందని గురుగ్రామ్ ఆర్టెమిస్ హాస్పిటల్ మెడికల్ ఆంకాలజీ సీనియర్ కన్సల్టెంట్ డా.వినీత్ గోవింద్ గుప్తా చెబుతున్నారు. అందుకే ముందు నుంచి జాగ్రత్తగా ఉండడం చాలా ముఖ్యమని, స్క్రీనింగ్ చేయడం చేయడం వల్ల సక్సెస్‌ఫుల్ ట్రీట్‌మెంట్ చేయొచ్చొని చెబుతున్నారు.
Also Read : Cervical cancer : సర్వైకల్ క్యాన్సర్‌ ఎందుకొస్తుందంటే..

ట్రీట్మెంట్..

ఈ మధ్య కాలంలో క్యాన్సర్‌కి లేటెస్ట్ ట్రీట్‌మెంట్ వచ్చింది. ఇది సక్సెస్ అవ్వడమనేది క్యాన్సర్ రకాన్ని బట్టి ఉంటుంది. చాలా మంది క్యాన్సర్‌కి సరైన ట్రీట్‌మెంట్ సక్సెస్‌గా చేయగలుగుతున్నారు. కొత్త మందులు, ఇమ్యునోథెరపీ క్యాన్సర్ ట్రీట్‌మెంట్‌ని మెరుగుపరిచాయని డాక్టర్స్ చెబుతున్నారు. ప్రస్తుతం ట్రీట్‌మెంట్‌ ద్వారా మూడింట రెండు వంతుల మందికి ట్రీట్‌మెంట్ సక్సెస్ అవుతుంది.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

[ad_2]

Source link