జుట్టు ఎక్కువగా రాలుతోందా..? ఈ బ్లడ్‌ టెస్ట్‌లు కచ్చితంగా చేయించుకోవాలి..!

బ్లడ్‌ టెస్ట్‌‌లు

సీబీసీ (Complete blood count)

సీబీసీ పరీక్షలో ఎర్రరక్తకణాలు, తెల్లరక్తకణాలు, హిమోగ్లోబిన్, ప్లేట్‌లెట్స్ మొదలైనవాటిని పరిశీలిస్తారు. వీటిలో ఏదైనా లోపం ఉంటే జుట్టు రాలడం, క్యాన్సర్‌కు కారణమయ్యే అవకాశం ఉంది. ఎర్ర రక్త కణాలు శరీరంంలోని అన్ని భాగాలకు ఆక్సిజన్, పోషణను అందించడానికి సహాయపడతాయి. రెడ్‌ బ్లెడ్‌ సెల్స్‌ లోపం కారణంగా.. శరీరం బలహీన పడుతుంది.

విటమిన్‌ డీ..

శరీరంలో విటమిన్ డి స్థాయిని గుర్తించడానికి.. విటమిన్‌ డీ బ్లడ్‌ టెస్ట్‌ సహాయపడుతుంది. పబ్మెడ్‌లో ప్రచురించిన ఒక అధ్యయనం ప్రకారం.. శరీరంలో విటమిన్‌ డీ లోపం ఉంటే.. జుట్టు రాలడం, ఆస్టియోపోరసిస్‌‌‌‌‌‌‌‌‌‌ వంటి సమస్యలు తలెత్తుతాయి. ఆరోగ్యకరమైన ఎముకలు, జుట్టు కోసం విటమిన్‌ డీ అవసరం.

విటమిన్‌ B12 టెస్ట్‌..

మన శరీరంలో విటమిన్ B12 స్థాయిని చూడటానికి ఈ టెస్ట్‌ చేస్తారు. ఎర్ర రక్త కణాలు ఏర్పడటానికి ఈ విటమిన్ చాలా అవసరం. విటమిన్ B12 లోపం తక్కువ ఎర్ర రక్త కణాలు, తక్కువ హిమోగ్లోబిన్ లక్షణాలకు దారితీస్తుందని NCBI అధ్యయనం సూచిస్తుంది.

ఐరన్ ప్రొఫైల్ టెస్ట్‌..

ఐరన్ ప్రొఫైల్ పరీక్ష రక్తంలో సీరం ఐరన్, ఫెర్రిటిన్, TIBC స్థాయిలను గుర్తిస్తుంది. రక్తంలో ఐరన్ లోపం వల్ల బలహీనత, విపరీతమైన అలసట, తలనొప్పి, శ్వాస ఆడకపోవడం వంటి సమస్యలు ఎదురవుతాయి. మన శరీరంలో ఐరన్‌ సీరం స్థాయిలు తక్కువగా ఉంటే.. జుట్టు కుదుళ్లు బలహీనపడతాయని.. NCBI అధ్యయనం స్పష్టం చేసింది.

థైరాయిడ్ ప్రొఫైల్ టెస్ట్‌..

థైరాయిడ్ ప్రొఫైల్ టెస్ట్‌ T3, T4, TSH పనితీరును కొలిచే రక్త పరీక్ష. ఈ హార్మోన్లలో పెరుగుదల, తగ్గుదల థైరాయిడ్‌ను మరింత దిగజార్చుతుంది. జుట్టు ఎక్కువగా రాలుతుంది. బరువు పెరగడం, నిద్రలేమి, అలసట వంటి సమస్యలు ఎదురవుతాయి.

హార్మోన్‌ టెస్ట్‌..

అనేక ఇతర హార్మోన్లు మహిళల్లో జుట్టు రాలడంతో సహా ఇతర వ్యాధులకు కూడా కారణమవుతాయి. మహిళలు ఆరోగ్యంగా ఉండటానికి ప్రోలాక్టిన్, DHEA, టెస్టోస్టెరాన్, FSH, LH హార్మోన్ల పరీక్షలు చేయించుకోవాలని డాక్టర్ రీమా అన్నారు.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.