జ్ఞాన దంతాలు రావడానికి.. తెలివితేటలు పెరగడానికి సంబంధముందా..

నిపుణులు ఏమంటున్నారంటే..

నిపుణుల ప్రకారం, జ్ఞాన దంతాలకు, తెలివితేటలకి మధ్య ఎటువంటి సంబంధం లేదు. దీనిని జ్ఞాన దంతాలు అని ఎందుకు అంటారంటే అది జ్ఞానం పెరిగినప్పుడు మాత్రమే వస్తాయి. అయితే, ప్రతి ఒక్కరికి ఈ దంతాలు రావాలని లేదు. 53 శాతం మందికి మాత్రమే జ్ఞాన దంతాలు ఉన్నాయని అధ్యయనాల్లో తేలాయి. కాబట్టి, దానిని తెలివితేటలతో ముడిపెట్టడం తప్పు.

Also Read : Eye Health : ఈ ఫుడ్స్ తింటే కళ్ళు బాగా కనిపిస్తాయట..

పిల్లలకి ఎన్ని పళ్ళు..

నిపుణుల ప్రకారం.. పిల్లలు పుట్టినప్పుడు ఒకేసారి 32 దంతాలు ఏర్పడతాయి. మొదట, పిల్లలకు 20 పళ్ళు వస్తాయి. ఈ ప్రక్రియ 21 నుండి 25 సంవత్సరాల వరకు కొనసాగుతుంది. జ్ఞాన దంతాలు చివరిగా ఉంటాయి.

నొప్పి ఎందుకొస్తుందంటే..

ఆరోగ్య నిపుణుల ప్రకారం.. దవడలు కాలక్రమేణా చిన్నగా మారతాయి. మనిషి మెదడు పెరిగే కొద్దీ దవడల పరిమాణం తగ్గుతుంది. ఈ కారణంగా జ్ఞాన దంతాలు వచ్చేటప్పుడు నొప్పి ఉంటుంది. దీనికి కారణం ఆ ప్రాంతంలో ఇన్ఫెక్షన్, దవడల చిన్నగా మారొచ్చు.

లక్షణాలు..

• దవడల వెనుక నొప్పి
• చిగుళ్ళ ఎరుపు, వాపు
• నరాల మీద ఒత్తిడి
• ముఖం నొప్పి

జ్ఞాన దంతాలను తీసేస్తే..

డా. సతీష్ కొడాసే ప్రకారం, చాలా సందర్భాల్లో ఈ దంతాలను తీయాల్సి ఉంటుంది. దంతాలు వంకరగా ఉన్నప్పుడే అలాంటి పరిస్థితి వస్తుంది. గమ్ ఇన్ఫెక్షన్, ఇతర దంతాలకు నష్టమొస్తుంది.
ఈ దంతాలు సాధారణంగా ఉంటే, వాటిని తొలగించాల్సిన అవసరం లేదు. సమస్య ఉంటేనే తొలగించాలి.

జ్ఞాన దంతాల గురించి కచ్చితంగా అవగాహన ఉండాలి. ఏ మాత్రం చిన్న సమస్య వచ్చినా ముందుగానే డాక్టర్‌ని కలిసి సలహా అడిగి తెలుసుకోవాలి. నొప్పిని భరించాల్సిన అవసరం లేకుండా ముందు నుంచీ సమస్య నుంచి బయటపడొచ్చు. జ్ఞాన దంతం వచ్చిందంటే చాలు.. చాలా మందిని ఇబ్బంది పెడుతుంది. నొప్పి ఎక్కువగా ఉంటుంది. కాబట్టి, ముందు నుంచి కాస్తా అవగాహన ఏర్పర్చుకోవాల్సిన అవసరం ఉంది.

Also Read : పీరియడ్స్ టైమ్‌లో తలస్నానం చేస్తే ఈ సమస్య వస్తుందట.. జాగ్రత్త..

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
Read More : Health News and Telugu News