నడుము నొప్పి ఎక్కువగా ఉండి నడవలేకపోతున్నారా.. సమస్య ఇదే..

[ad_1]

డి దీిస్క్ జారిపోవడం, డిస్క్ సమస్యలు ఇది మీరు వినే ఉంటారు. దీని వల్ల నడుమునొప్పి ఎక్కువ అవుతుంది. వెన్నెముకలోని ఎముకల మధ్య ఉండే డిస్క్ లోపలి జెల్లి లాంటి భాగం డిస్క్ వెలుపల ఉబ్బినప్పుడు సమస్య వస్తుంది. దీనికి అనేక కారణాలు ఉంటాయి. అసలు ఏయే కారణాల వల్ల సమస్య వస్తుంది. సమస్య పరిష్కారానికి సర్జరీ చేయాల్సిందేనా తెలుసుకోండి.

వెన్నుపూస నిర్మాణం..

ఎముకలతో వెన్నుపూస ఏర్పడుతుంది. ప్రతి వెన్నుపూస మధ్య డిస్క్ అని పిలిచే మృదు కణజాలం ఉంటుంది.

డిస్క్‌లు వెన్నెముకకి సపోర్ట్‌ని ఇస్తాయి. వెన్నుపూసల మధ్య కదలికకి అనుమతిస్తాయి. దీంతో వెన్నెముకలు ఒకటిదానికొకటి రుద్దుకోకుండా ఉంటాయి. కదలినప్పుడు ఎలాంటి సమస్యలు రాకుండా అవి షాక్ అబ్జార్బర్‌ల్స్‌గా పనిచేస్తాయి.

సమస్య ఎందుకొస్తుంది..

ప్రతి డిస్క్ మధ్యలో ఓ జెల్‌తో గట్టి బయటి పొరను కలిగి ఉంటుంది. ఈ జెల్ వయస్సు పెరగడం, ఇతర కారణాల వల్ల గట్టిపడుతుంది.

కొన్నిసార్లు డిస్క్ బయటికి ఉబ్బుతుంది. కానీ, యాన్యులస్ బయటి పొరలు సరిగ్గానే ఉంటాయి. డిస్క్ వెన్నెముకలోకి పొడుచుకు వచ్చినప్పుడు ఇది నరాలపై ఎఫెక్ట్ చూపిస్తుంది.

డిస్క్ ప్రొలాప్స్..

డిస్క్ ఉబ్బడాన్ని డిస్క్ ప్రొలాప్స్ అని అంటారు. హెర్నియేటెడ్ డిస్క్‌తో, డిస్క్ బయటి కవరింగ్ ఓ రంధ్రం ఉంటుంది. ఇది డిస్క్ జెల్లీని వెన్నెముకలోని కాలువలోకి ప్రవహించడానికి అనుమతిస్తుంది.
సాధారణంగా వయసు పెరిగే కొద్దీ, మన డిస్క్‌ల్లో బలం తగ్గి క్రిందికి ఉబ్బుతాయి. కాబట్టి ఉబ్బిన డిస్క్‌లు అనేవి వయస్సు పెరగడం వల్ల వచ్చే సమస్య. దీని వల్ల నడుము, కాళ్ళు, పిరుదుల్లోనూ నొప్పి ఉంటుంది.

నడవలేకపోవడం..

సమస్య ముదిరినప్పుడు చాలా ఇబ్బంది పడతారు. ఉబ్బిన డిస్క్‌లు సాధారణంగా ఇతర డిస్క్‌లపై ఎఫెక్ట్ చూపిస్తాయి. రోజులు గడిచే కొద్దీ సమస్య ముదురుతుంది. దీంతో వెన్నెముక కాలువ తగ్గిపోవడం, ఇతర సమస్యలు వస్తాయి.
Also Read : World Health Day 2023 : వీటిని తింటే లివర్ ఆరోగ్యంగా ఉంటుందట..

ఎవరికీ వస్తుంది..

30 సంవత్సరాల నుండి 50 ఏళ్ళ మధ్య వయసు ఉన్నవారికి డిస్క్ ప్రోలాప్స్ వచ్చే అవకాశం ఉంది. ఈ సమస్య ఆడవారి కంటే ఎక్కువగా మగవారికే వస్తుంది.
Also Read : World Health Day 2023 : షుగర్‌ ఉన్నవారికి స్ట్రోక్ ఎందుకొస్తుంది.. లక్షణాలు ఏంటంటే..

కారణాలు..

ఒకేస్థితిలో ఎక్కువసేపు కూర్చోవడం, అధిక బరువు, బరువుగా ఉన్న వస్తువులు ఎత్తడం, ఎక్సర్‌సైజ్ చేయకపోవడం, ధూమపానం వంటివన్నీ ఎక్కువ కారణాలు.

కాబట్టి, సమస్య రాకుండా ఏయే జాగ్రత్తలు తీసుకోవాలో ముందు నుంచి తెలుసుకోవాలి. వర్క్ చేసేప్పుడు మధ్య మధ్యలో గ్యాప్ తీసుకుంటూ సరైన లైఫ్‌స్టైల్ పాటించాలి.

ట్రీట్‌మెంట్..

డిస్క్ ప్రోలాప్స్ సమస్యని చెక్ చేసేందుకు MRI స్కాన్ చేస్తారు. హెర్నియేటెడ్ డిస్క్ ప్రారంభ చికిత్స సాధాణంగా నాన్ సర్జికల్. సమస్యని బట్టి ఫిజియోథెరపీ, ఇతర థెరపీలు చేస్తారు. అయినా సమస్య తగ్గకపోతే సర్జరీలు సూచిస్తారు.

సర్జరీ..

అయితే ఏ సందర్భంలో సర్జరీ చేస్తారంటే…

నొప్పి ఎక్కువగా ఉండి పనులు చేయలేకపోతే
నాలుగు నుంచి ఆరు వారాల పాటు నొప్పి ఉంటే
లక్షణాలు పెరుగుతుంటే
మూత్రాశయం, ప్రేగు నియంత్రణ లేకపోతే
చేతులు, కాళ్ళు, పాదాల్లో జలదరింపు, తిమ్మిరి, పట్టు కోల్పోతే
నిలబడడం, నడవడం ఇబ్బందిగా ఉంటే
ఈ సమస్యలు ఏవి ఉన్నా వెంటనే డాక్టర్‌ని సంప్రదించాలి. అతను మిమ్మిల్ని పరీక్షించి మీకు తగిన ట్రీట్‌మెంట్ సూచిస్తారు.
–Dr Krishnan PR Senior Consultant- Neaurology Fortis Hospital, Bannerghatta Road, Bangalore.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
Read More : Relationship News and Telugu New