పనసపండు తింటే గుండెకే కాదు.. థైరాయిడ్‌ పేషెంట్స్‌కు మేలు జరుగుతుంది..!

[ad_1]

రోగనిరోధక శక్తిని మెరుగుపరుస్తుంది..

పనసపండులో.. విటమిన్‌ సి, యాంటీ ఆక్సిడెంట్లు మెండుగా ఉంటాయి. ఇది రోగనిరోధక వ్యవస్థను మెరుగుపరుస్తుంది. ఇవి ఇన్‌ఫెక్షన్లు సోకకుండా.. శరీరాన్ని రక్షిస్తాయి.

మొక్కజొన్న పీచుతో ఆరోగ్యానికి ఎంత మేలు జరుగుతుందో తెలుసా..?

ఎనర్జీ బూస్ట్ చేస్తుంది..

వంద గ్రాముల పనస తొనలలో 94 కిలో కేలరీలు , మంచి కార్బోహైడ్రేట్లు ఉంటాయి. పనసపండు తిన్న వంటనే తక్షణ శక్తిని పొందవచ్చు. పనసపండులోని చక్కెరలు.. చాలా తేలికగా జీర్ణమవుతాయి. ఇవి మన ఆరోగ్యానికి మేలు చేస్తాయి.

(image source – unsplash)

Vitamin C Deficiency: విటమిన్‌ సి లోపం ఉంటే.. ఈ అనారోగ్యాలు వస్తాయ్‌..!

గుండెకు మేలు చేస్తుంది..

పనసపండులో పొటాషియం మెండుగా ఉంటుంది. ఇది శరీరంలో సోయిడం సమతుల్యను నియంత్రిస్తుంది. శరీరంలో సోడియం స్థాయిలు పెరిగితే.. ధమనులు, గుండెకు హాని జరుగుతుంది. పొటాషియం గుండె కండరాల పనితీరును సమన్వయం చేస్తుంది. ఇది గుండె ఆరోగ్యానికి మేలు జరుగుతుంది. పనసపండులోని పొటాషియం రక్తప్రసరణను మెరుగుపరుస్తుంది. తద్వారా హైపర్‌టెన్షన్‌ను కంట్రోల్‌లో ఉంచుతుంది.

(image source – pexels)

క్యాన్సర్‌ను నివారిస్తుంది..

పనసపండులో యాంటీఆక్సిడెంట్లు, ఫైటోన్యూట్రియెంట్లు, ఫ్లేవనాయిడ్స్ పుష్కలంగా ఉంటాయి. ఈ యాంటీఆక్సిడెంట్లు శరీరంలో ఉత్పత్తి అయ్యే టాక్సిన్స్‌తో పాటు మనకు హాని కలిగించే ఫ్రీ రాడికల్స్‌ను తొలగిస్తాయి. టాక్సిన్స్, ఫ్రీ రాడికల్స్ రెండూ శరీరంలో క్యాన్సర్‌కు కారణమవుతాయని నిపుణులు చెబుతున్నారు. క్యాన్సర్‌ నిరోధకాలుగా పనిచేసే ఫైటో న్యూట్రియంట్స్‌ పనసలో పుష్కలంగా ఉంటాయి. క్యాన్సర్‌ సమస్యని కూడా దూరం చేస్తుంది.

(image source – pixabay)

ఎముకలను బలపరుస్తుంది..

పనసపండులు అధిక మొత్తంలో కాల్షియం ఉంటుంది, ఇది ఎముకలను బలపరుస్తుంది. దీనిలోని పొటాషియం మూత్రపిండాల ద్వారా కాల్షియం నష్టాన్ని తగ్గిస్తుంది. పనసపండు తింటే.. ఆస్టియోపోరోసిస్‌ ముప్పు తగ్గుతుంది.

(image source – pexels)

ఆస్తమాను నివారిస్తుందినియంత్రిస్తుంది..

పనసపండు శరీరంలోని అసమతుల్యతలను నియంత్రించడంలో సహాయపడుతుంది. దీని ఫలితంగా ఆస్తమా ఎటాక్స్‌ను నియంత్రిస్తుంది. ముఖ్యంగా కాలుష్యం కారణంగా వచ్చే ఆస్తమా ఎటాక్స్‌ నుంచి రక్షణ కల్పిస్తుంది. ఆస్తమా దాడులకు దారితీసే కాలుష్యం కారణంగా శరీరంలో ఉత్పత్తి అవుతున్న ఫ్రీ రాడికల్స్‌ను తొలగించడంలో ఎఫెక్టివ్‌గా సహాయపడుతుంది.

(image source – pexels)

దృష్టిని మెరుగుపరుస్తుంది..

పనసపండులో విటమిన్ ఎ పుష్కలంగా ఉంటుంది. ఇది కళ్ల ఆరోగ్యానికి మేలు చేస్తుంది. విటమిన్‌ ఎ బ్యాక్టీరియల్, వైరల్ ఇన్ఫెక్షన్‌ నుంచి కళ్లను రక్షిస్తుంది. హీనికరమైన ఫ్రీ రాడికల్స్‌తో పోరాడుతుంది. విటమిన్‌ ఏ యూవీ కిరణాలు, హానికరమైన కాంతి తరంగాల నుంచి కళ్లను కాపాడుతుంది. ఇది కంటి చూపును మెరుగుపరచడంలో సహాయపడుతుంది. ముఖ్యంగా రెటీనా క్షీణతను నివారించడంలో ప్రభావవంతంగా ఉంటుంది. కంటిశుక్లం ప్రమాదాన్ని తగ్గిస్తుంది.

Diabetes control: ఈ మొక్క ఆకులతో.. షుగర్‌కు చెక్‌ పెట్టవచ్చు..!

థైరాయిడ్‌ పేషెంట్స్‌కు మంచిది..

పనసపండులో కాపర్‌ పుష్కలంగా ఉంటుంది. ఇది థైరాయిడ్‌ జీవక్రియలో ముఖ్యంగా హార్మోన్ ఉత్పత్తి, శోషణలో సహాయపడుతుంది. దీనిలోని ఖనిజ లవణాలు థైరాయిడ్‌ గ్రంథి ఆరోగ్యాన్ని కాపాడతాయి. థైరాయిడ్‌ పేషంట్స్‌ పనసపండు తింటే.. మేలు జరుగుతుందని నిపుణలు చెబుతున్నారు. అధిక ఒత్తిడి నుంచి ఉపశమనం కలిగించటమే కాక బరువును అదుపులో ఉంచుతుంది. ఇనుము రక్తహీనతను తగ్గిస్తుంది.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

[ad_2]

Source link