మగవారికి ప్రొస్టేట్ క్యాన్సర్ ఉంటే ఈ లక్షణాలు ఉంటాయి..

​మొదటి స్టేజ్‌లో ఉన్నప్పుడు..

Uro Oncology, Robotics and Kidney Transplantation, Max Healthcare ప్రెసిడెంట్ అనంత్ కుమార్ ప్రకారం, చాలా క్యాన్సర్లలో లక్షణాలు కనిపించవు. క్యాన్సర్ మొదటి స్టేజ్‌లో ఉన్నప్పుడు ఎలాంటి లక్షణాలు ఉండవు.

కణితి పెరిగినప్పుడు మాత్రమే వారు ప్రొస్టేట్ క్యాన్సర్ లక్షణాలను అనుభవిస్తారు. అయితే, వారు జాగ్రత్తగా ఉంటే మొదటి దశలోనే దీనిని గుర్తించొచ్చు.

​కణితి పెరగడం..

డా. కుమార్ ప్రకారం, ప్రొస్టేట్ గ్రంధి 50 ఏళ్ళ తర్వాత పెరుగుతుంటుంది. దీంతో మూత్రనాళంపై ఒత్తిడి పెరుగుతుంది. వయసు ఎక్కువగా ఉన్నవారిలో మూత్రం ఎక్కువగా రావడానికి ఇది కూడా ఓ కారణం. ప్రొస్టేట్ క్యాన్సర్.. ప్రొస్టేట్ గ్రంధి పరిమాణంలో పెరుగుదలకి కారణమవుతుంది.

​త్వరగా గుర్తిస్తే..

సాధారణంగా, ఈ క్యాన్సర్ లక్షణాలను ముందుగా గుర్తించరంటే.. వీటిని మరో సమస్య లక్షణాలని తప్పుగా అనుకుంటారు. అందుకే, వాటిని నిర్లక్ష్యం చేస్తారు. ఓ వ్యక్తి ఈ లక్షణాలను ముందుగానే గుర్తిస్తే త్వరగా ట్రీట్‌మెంట్‌కి వెళ్ళి సమస్యని తగ్గించుకోవచ్చు.
​Also Read : Brain Stroke : స్ట్రోక్ వచ్చినప్పుడు బాడీలో ఏం జరుగుతుందంటే..​

​మూత్రం, వీర్యంలో రక్తం..

లక్షణాలలో ఒకటి మూత్రం, వీర్యంలో రక్తం ఉంటుంది. ఇది సాధారణం కాదు.. దీనిని అస్సలు నిర్లక్ష్యం చేయొద్దు. క్యాన్సర్ లక్షణాలలో ఇది ఓ లక్షణమని గుర్తించండి..
​Also Read : Iron Rich Foods : ఐరన్ లోపం ఉందా.. వీటిని తినండి..​

బలహీనమైన మూత్ర వ్యవస్థ..

మూత్ర విసర్జన నెమ్మదిగా, బలహీనంగా ఉన్నప్పుడు మూత్ర విసర్జనలో మార్పులు ఉంటాయి. అవి, మూత్ర విసర్జనలో ఇబ్బంది, మెల్లిగా మూత్రం విసర్జించడం, కొందరు సంకోచాలని కూడా గమనిస్తారు. సాధారణంగా ఆరోగ్యంగా ఉన్నవారికి మూత్ర విసర్జనలో ఎలాంటి సమ్యలు ఉండవు..

​పూర్తిగా ఖాళీ లేకపోవడం..

ప్రొస్టేట్ క్యాన్సర్ ఉన్నవారు మూత్ర విసర్జన చేసిన కూడా మూత్రాశయం పూర్తిగా ఖాళీ కానట్లుగా ఫీల్ అవుతారు. మూత్రానికి వెళ్ళాలనే కోరిక ఉంటుంది. మరీ ముఖ్యంగా రాత్రి సమయంలో..

​వీటితో పాటు..

ప్రొస్టేట్ క్యాన్సర్ ఉంటే మరి కొన్ని లక్షణాలు ఉంటాయి. అవి..

బరువు తగ్గడం
కడుపు నొప్పి
ఎముకల్లో నొప్పి
కాళ్ళలో వాపు
అలసట

​నిర్ధారణ..

మూత్ర సమస్యలు ఉంటే మూత్రంలో రక్తం కనిపించినట్లయితే వెంటనే యూరాలజిస్ట్‌ని కలవాలి. వారు మీ రక్తంలో ప్రోటీన్ అధిక స్థాయిలని ప్రొస్టేట్ స్పెసిఫిక్ యాంటిజెన్(PSA) బ్లడ్ టెస్ట్‌ని చేయాలని సూచిస్తారు. దీంతో క్యాన్సర్ ఉందో లేదో తెలుసుకోవచ్చు

మీ ప్రొస్టేట్ గ్రంధి కచ్చితమైన రోగ నిర్ధారణ కోసం ఎమ్‌ఆర్ఐ స్కాన్ సూచిస్తారు. నిర్ధారణ తర్వాత వ్యాధి దశను చూసేందుకు PSMA PET స్కాన్ అవసరం ఉండొచ్చొని డా కుమార్ చెబుతున్నారు.

​గమనిక:ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

Read More :Health NewsandTelugu New