మిల్లెట్స్ ఎలా తింటే మంచిదంటే..

[ad_1]

మిల్లేట్స్.. కొన్ని రోజుల క్రితం వరకూ వీటిని సాధారణ ధాన్యాల్లానే చూసేవారు. కానీ, ఇప్పుడు హెల్త్‌ని కాపాడే గుళికల్లా చూస్తున్నారు. వీటిని తినడం వల్ల ఎన్నోబెనిపిట్స్ ఉన్నాయి. రోజురోజుకి వీటి గురించి పెరిగిన అవగాహన వల్ల నేడు వీటిని ఎక్కువగా వాడుతున్నారు. పురాతన కాలం నాటి ఈ మిల్లెట్స్ అనారోగ్యానికి కారణమయ్యే రోగాలను దూరం చేసే బుల్లెట్స్‌లా మారాయి.

పోషకాలు..

మిల్లేట్స్‌ని చాలా రోజులుగా వాడుతున్నారు. కానీ, ఈ మధ్యకాలంలో వీటి వినియోగం ఎక్కువగా మారింది. ఇవి వేరే పంటల కంటే ఎక్కువగా పెరుగుతాయి. కారణం వీటికి మిగతా పంటల్లా ఎక్కువగా నీరు, వాతావరణ మార్పులు వంటివి ఎలాంటి సమస్యలు ఉండవు. మిల్లెట్స్ గడ్డి కుటుంబానికి చెందినవి.

మిల్లెట్స్‌లో ఎన్నో పోషకాలు ఉన్నాయి. ఎక్కువగా ఫైబర్, ప్రోటీన్స్ ఉండడంతో పాటు గ్లూటెన్ ఫ్రీ ఫుడ్‌గా ఇది పాపులర్. ఇందులో పిండి పదార్థాలు, ప్రోటీన్లు ఎక్కువగా ఉంటాయి. గ్లూటెన్ రహిత శాకాహారి ధాన్యంగా వీటిని చెప్పొచ్చు. ఇందులో ఫాస్పరస్, కాల్షియం కూడా ఎక్కువగా ఉంటాయి.

మిల్లెట్స్ రకాలు..

మిల్లెట్స్ సాధారణంగా రెండు వర్గాలుగా ఉంటాయి. పెద్ద ధాన్యాలు, చిన్న ధాన్యాలు.. రాగి, జొన్న, బజ్రా ఇలాంటివి సాధారణ ధాన్యాలు.

మిల్లెట్స్ చాలా హెల్దీ.. అసలు వీటిని ఎందుకు మనం తినాలి. వీటి వల్ల లాభాలు ఏంటి.. వీటి గురించి చాలా మందికి తెలియదు. మిల్లెట్లని పోషకాల గురించి తెలిస్తే కచ్చితంగా ఇప్పటివరకూ ఎందుకు వీటిని తీసుకోలేదని బాధపడతారు.

కండరాల పనితీరుకు..

కాల్షియం ఎక్కువగా ఉన్న మిల్లెట్స్ కండరాల పనితీరుని మెరుగ్గా చేస్తుంది. ఇందులో ఫెరులిక్ యాసిడ్, కాటెచిన్స్ వంటి ఫైటోన్యూట్రియెంట్స్ కూడా పుష్కలంగా ఉన్నాయి. ఇవన్నీ కూడా యాంటీ ఆక్సిడెంట్స్‌గా పనిచేస్తాయి. గాయాలు తొందరగా నయమవుతాయి.
Also Read : Valentine’s Day 2023 : లవ్ చేస్తున్నవారికి ఈ మాటలు చెప్పండి.. పడిపోతారంతే..

షుగర్ పేషెంట్స్‌కి..

అదే విధంగా.. ఈ గింజలు షుగర్ పేషెంట్స్‌కి చాలా మంచిది. వీటిలో గ్లైసెమిక్ ఇండెక్స్ తక్కువగా ఉండి, ఫైబర్ ఎక్కువగా ఉంటుంది. దీని వల్ల బరువు తగ్గడమే కాదు. రక్తంలో చక్కెర తగ్గుతుంది. అదే విధంగా వీటిని తినడం వల్ల ఎక్కువసేపు కడుపు నిండుగా ఉన్న ఫీల్ ఉంటుంది.

డైట్‌లో ఎలా చేర్చుకోవాలి..

మిల్లెట్స్ ఆరోగ్యానికి మంచివి. కానీ, వీటిని తీసుకునే పద్ధతి కూడా తెలిసి ఉండాలి. అవేంటో ఇప్పుడు చూద్దాం.

అతిగా వద్దు..

మంచివి కదా అని ఎక్కువగా తినొద్దు. ఎందుకంటే వీటిలో ఎక్కువగా పీచు పదార్థం ఉంటుంది. కానీ, బియ్యం, గోధుమలానే ఇందులోని కేలరీలు ఉంటాయి. అందుకే మీరు తినే పరిమాణాన్ని దృష్టిలో పెట్టుకోవడం ముఖ్యం.

పాలిష్ చేయని..

ఎప్పుడు కూడా పాలిష్ చేయని మిల్లెట్స్ తినడం మంచిదని గుర్తుపెట్టుకోండి. సేంద్రియ పద్ధతిలో పండించనవి పాలిష్ చేయని మిల్లెట్స్ అనుకోవచ్చు. మార్కెట్లో చాలా వరకూ ప్రాసెస్ చేసి, పాలిష్ చేసిన మిల్లెట్స్‌ని అమ్ముతుంటారు. ఇందులో పోషకాలు చాలా తక్కువగా ఉంటాయి. కాబట్టి మీరు ఎప్పుడైనా సరే మిల్లెట్స్‌ని సేంద్రియ మార్కెట్స్‌లో కొనడం మంచిది.

నానబెట్టిన తర్వాతే..

అదే విధంగా ఎప్పుడైనా సరే వాటిని కడిగి నానబెట్టిన తర్వాతే తీసుకోవడం మంచిది. ఎందుకంటే ఇది సూక్ష్మ పోషకాల జీవలభ్యతను అందిస్తుంది. ఇందులో కార్బోహైడ్రేట్స్, ప్రోటీన్ ఎక్కువగా ఉంటాయి కాబట్టి జీర్ణ సమస్యలు కూడా రావు.
Also Read : Rectal cancer Causes : ఎక్కువగా కూర్చుంటే ఈ క్యాన్సర్ వచ్చే అవకాశం ఉందట..

థైరాయిడ్ లెవల్స్ చెక్ చేయడం..

మిల్లెట్స్ గోయిట్రోజెనిక్, అంటే ఇవి థైరాయిడ్ హార్మోన్ పనితీరుకు ఇబ్బంది కలిగిస్తాయి. హైపో థైరాయిడిజంతో బాధపడుతుంటే వీటికి దూరంగా ఉండడమే మంచిది.

జీర్ణ సమస్యలు.

బలహీనమైన, సున్నితమైన జీర్ణక్రియ ఉన్న వారు మిల్లెట్స్‌ని ఎక్కువగా తీసుకోవద్దు. ఇవి జీర్ణ ప్రక్రియను నెమ్మదిస్తాయి. ఇబ్బంది కలిగేలా చేస్తాయి.
Also Read : Planks : ఈ వర్కౌట్ సరిగ్గా చేస్తే బెల్లీ, బరువు.. రెండూ తగ్గుతాయట..

ఎలా తినాలి..

పుట్టిన 6 నెలల తర్వాత పిల్లలకి వీటిని పొడి చేసి తక్కువ పరిమాణంలో ఇవ్వొచ్చు. 10 నెలల తర్వాత మిల్లెట్ ఖీర్, గంజిలా చేసి తాగించొచ్చు. అయితే, అన్ని మిల్లెట్స్ కలిపి కాకుండా ఒక్కో మిల్లెట్ మాత్రమే ఇవ్వాలని గుర్తుపెట్టుకోండి.

అదే విధంగా.. వీటిని భిన్న పద్ధతుల్లో తయారు చేసి తినొచ్చు. పాప్‌కార్న్, మోమోస్, నూడుల్స్ ఇలా వీటితో తయార చేసుకుని తినొచ్చు.

18 నుంచి 50 ఏళ్ళ వరకూ..

అదే విధంగా 18 నుంచి 50 సంవత్సరాలు ఉన్నవారిలో సహజీవన ఆహార కలయికగా వీటిని తీసుకోవచ్చు. ఉల్లిపాయలు, నెయ్యితో కలిపి ప్రీబయోటిక్ ఫుడ్‌గా తీసుకోవచ్చు. వీటి వల్ల క్యాన్సర్, ఊబకాయం వంటి సమస్యల్ని దూరం చేసుకోవచ్చు.

50 ఏళ్ళు పైబడిన వారికి..

అదే విధంగా, వయసు 50 సంవత్సరాలు దాటాక చిన్న మిల్లెట్స్, తేలిగ్గా జీర్ణమయ్యేవాటిని తీసుకోవచ్చు. బజ్రాలో కెరోటినాయిడ్స్, ఐరన్ ఎక్కువగా ఉండడం వల్ల ఇమ్యూనిటీ పెరుగుతుంది.

డాక్టర్‌ని సంప్రదించాకే..

అయితే, ఎంత ఆరోగ్యకమైన సరే… మిల్లెట్స్‌ని మీరు తీసుకునే ముందు మీ ఆరోగ్యానికి గురించి డాక్టర్ గురించి తెలిపి అన్ని విషయాలు మాట్లాడాకే.. ఎంత పరిమాణంలో తీసుకోవాలి. ఎలా తీసుకోవాలనేది చర్చించాకే తినాలని గుర్తుపెట్టుకోండి.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

[ad_2]

Source link