లివర్ ప్రాబ్లమ్స్ లక్షణాలు

[ad_1]

సిర్రోసిస్ పెరిగేటప్పుడు కాలేయం పనిచేయడం కష్టమవుతుంది. అడ్వాన్స్‌డ్ సిర్రోసిస్ అనేది ఆరోగ్యానికి మంచిది కాదు.సిర్రోసిస్ వల్ల లివర్‌కి చాలా నష్టం జరుగుతుంది. కానీ, దీనిని ముందుగానే గుర్తించి ట్రీట్‌మెంట్ తీసుకుంటే లివర్‌ని కొంతవరకైనా కాపాడుకోవచ్చు. కొన్నిసార్లు ఇది రివర్స్ కూడా అవుతుంది.

లివర్ ఏం చేస్తుందంటే..

లివర్ సాధారణంగా పిత్త ఉత్పత్తి, విసర్జన, కొలెస్ట్రాల్, హార్మోన్లని విసర్జించడం సహా, అనేక శారీరక విధులను నిర్వహిస్తుంది. అందువల్ల లివర్‌కి ఏదైనా సమస్య వస్తే శరీరంలో ఇతర పనులన్నీ ఆగిపోతాయి.

Also Read : Nail art Trends : నెయిల్ ఆర్ట్ వేసుకోవాలనుకుంటున్నారా.. ఇవే లేటెస్ట్ ట్రెండ్స్..

లివర్ ప్రాబ్లమ్స్ స్టేజెస్..

సాధారణంగా వివిధ రకాల కాలేయ వ్యాధులు ఉన్నాయి. వీటిని నాలుగు దశలుగా విభజిస్తారు.

వాపు..

లివర్ ప్రాబ్లమ్స్ స్టార్టింగ్ స్టేజ్‌లో కాలేయం వాపు ఉంటుంది. కొన్నిసార్లు రక్తంలో టాక్సిన్స్ ఎక్కువగా ఉండడం వల్ల కూడా ఈ సమస్య ఉంటుంది.

ఫైబ్రోసిస్..

కాలేయ వాపు‌ని ట్రీట్‌మెంట్ చేయకుండా వదిలేస్తే ఇది లివర్‌పై మచ్చలను ఏర్పరుస్తుంది. దీనినే ఫైబ్రోసిస్ అంటారు.

సిర్రోసిస్..

సిర్రోసిస్ అనేది ఇబ్బందికర సమస్య. ఈ స్టేజ్‌లో లివర్‌పై ఎక్కవ మచ్చలు ఏర్పడతాయి. ఇది కణాల క్షీణత, వాపు, కణజాలం ఫైబరస్ గట్టిపడటం ద్వారా విడదీయడం జరుగుతుంది.

లివర్ ఫెయిల్యూర్..

ఇది లాస్ట్ స్టేజ్. లివర్ పూర్తిగా పనిచేయడం ఆగిపోయినప్పుడు ఇది ఏర్పడుతుంది. ఈ స్టేజ్‌లో లివర్ దానంతట అది కోలుకోదు. లివర్‌ని మారుస్తారు.

Also Read : Workout when fasting : తినకుండా వర్కౌట్ చేస్తే బరువు తగ్గుతారా..

లక్షణాలు..

కొన్నిసార్లు లివర్ ప్రాబ్లమ్స్ ఎలాంటి లక్షణాలని చూపించవు. వీటి విషయంలో జాగ్రత్త అవసరం. అయినా కొన్ని లక్షణాల ద్వారా దీనిని గుర్తించొచ్చు.

అలసట
రక్తస్రావం
ఆకలిలేకపోవడం
కాళ్ళు, పాదాల్లో వాపు
వికారం
బరువు తగ్గడం
చర్మంపై దురద
చర్మం, కళ్ళు పసుపు రంగులోకి మారడం
మీ పొత్తికడుపులో ద్రవం చేరడం
అరచేతులు ఎర్రగా మారడం
చర్మంపై రక్తనాళాలు తేలడం
మహిళలకి ఇరెగ్యులర్ పీరియడ్స్
పురుషుల్లో కోరికలు తగ్గడం
గందరగోళం
నీరసం
అస్పష్టంగా మాట్లాడడం

Also Read : Possessive wife : నా భార్య అనుమానిస్తోంది.. విడాకులు తీసుకోవాలనుకుంటున్నా..

వీటితో పాటు…

UK నేషనల్ హెల్త్ సర్వీసెస్(NHS) ప్రకారం మరికొన్ని..

రక్తం వాంతులు
మలం రంగు మారడం

ఇక నిపుణుల ప్రకారం గోర్లలో మార్పులు కూడా ఉంటాయి. సోహాగ్ యూనివర్శిటీలోని డెర్మటాలజీ పరిశోధన ప్రకారం ఇమ్యూనిటీ తగ్గడం, ఐరన్ డెఫీషియన్సీ, అనీమియా వల్ల కూడా గోర్లలో మార్పులు వస్తాయి.

అయితే, హెల్త్ బాడీ ప్రకారం, లివర్ ప్రాబ్లమ్స్‌ని గుర్తించేందుకు వారి గోర్లు కూడా కొన్ని లక్షణాలను సూచిస్తాయని తెలుస్తోంది. గోళ్ళ రంగు, మందం పరిశీలించడం చాలా ముఖ్యం.

ఈ లక్షణాలలో ఏ కొన్ని కనిపించినా కచ్చితంగా వెంటనే మీ డాక్టర్‌ని కలిసి పరీక్షించుకోవడం మంచిది.

ఎలాంటి జాగ్రత్తలు తీసుకోవాలి..

మీకు లివర్ ప్రాబ్లమ్స్ ఉంటే ఆల్కహాల్ తీసుకోవద్దు.
మంచి ఫుడ్ తీసుకోవాలి. పండ్లు, కూరగాయలు ఎక్కువగా మీ డైట్‌లో చేర్చుకోవాలి.
తృణధాన్యాలు, ప్రోటీన్ ఫుడ్స్ తీసుకోవడం మంచిది.
ఫ్యాట్, ఫ్రైడ్ ఫుడ్ తీసుకోవడం తగ్గించండి.
హెల్దీ వెయిట్ మెంటెయిన్ చేయండి.
శరీరంలో ఉండే అదనపు కొవ్వు లివర్‌కి అస్సలు మంచిది కాదని గుర్తుపెట్టుకోండి.
బరువు తగ్గడం కోసం ఎలాంటి జాగ్రత్తలు తీసుకోవాలో డాక్టర్‌ని అడిగి తెలుసుకోండి.
హెపటైటిస్‌ ఉంటే తగ్గించుకునే ప్రయత్నం చేయండి.
ఇంజెక్షన్స్ తీసుకున్నప్పుడు.. వాటిని మీకు మాత్రమే వేస్తున్నారని నిర్ధారించుకుని వేయించుకోండి.
అసురక్షిత శృంగారం వల్ల హెపటైటిస్ బి, సి రిస్క్ పెరుగుతుంది.
హెపటైటిస్ వ్యాక్సినేషన్ గురించి డాక్టర్‌తో మాట్లాడి తెలుసుకోండి. ఆయన సలహాలతో సమస్యని తగ్గించుకునే ప్రయత్నం చేయండి.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.