[ad_1]
మిషన్ వైఫల్యం ఎదురుదెబ్బ అని.. ఇది తన ఆరోగ్యాన్ని దెబ్బతీసిందని ఆయన చెప్పినట్టు స్థానిక మీడియాా తెలిపింది. ‘నేను అబ్జర్వేషన్‌లో ఉన్నాను. నేను బాధపడకుండా ఎలా ఉండగలను.. ఇది చాలావరకు జీవితానికి సంబంధించిన విషయం. జీర్ణించుకోవడం చాలా కష్టం’ అని ఆవేదన వ్యక్తం చేశారు. గతంలో మారోవ్ సోవియట్ యూనియన్ అంతరిక్ష ప్రయోగాల్లోనూ భాగస్వామిగా ఉన్నారు. లూనా-25 తన జీవిత చరమాంకం మిషన్ అని పేర్కొన్నారు.
‘ల్యాండర్ చంద్రుడిపై ల్యాండింగ్ సాధ్యం కాకపోవడం బాధాకరం. నాకు, బహుశా ఇది నాకు ఈ ప్రయోగం చివరిది.. ల్యాండింగ్ చూడాలనేది చివరి ఆశ’అని మారోవ్ ఆవేదన వ్యక్తం చేశారు. లూనా వైఫల్యానికి కారణాలను విశ్లేషించి, తీవ్రంగా పరిశీలిస్తారని తాను ఆశిస్తున్నట్టు తెలిపారు.
లూనా-25 విజయంతో గత సోవియట్ యూనియన్ అంతరిక్ష ప్రయోగాల వారసత్వ పరంపరను కొనసాగించాలని రష్యా భావించింది. కానీ, దాని ఆశలు అడియాశలయ్యాయి. శనివారం మధ్యాహ్నం చంద్రుడి కక్ష్యలోకి మారే విన్యాసాన్ని నిర్వహిస్తుండగా లూనా-25లో అత్యవసర పరిస్థితి ఏర్పడింది. అనంతరం దానిని నుంచి సంకేతాలు నిలిచిపోయాయి. ఆదివారం నాడు వ్యోమనౌకతో కమ్యూనికేషన్ పునరుద్దరించే ప్రయత్నాలు చేయగా.. చంద్రుడి ఉపరితలంపై కూలిపోయింది.
రష్యా అంతరిక్ష పరిశోధన సంస్థ రోస్‌కాస్మోస్ ప్రకారం.. ఆగస్టు 19 మధ్యాహ్నం 2:57 గంటలకు అకస్మాత్తుగా కమ్యూనికేషన్ తెగిపోయి వ్యోమనౌక కక్ష్య గతి తప్పింది. ప్రీ ల్యాండింగ్ కక్ష్యలోకి వ్యోమనౌకను ప్రవేశపెట్టడానికి థ్రస్ట్ ఇంజిన్లు మండించిన సమయంలో ఆటోమేటిక్ స్టేషన్‌లో అత్యవసర పరిస్థితి ఏర్పడి విన్యాసాన్ని నిర్వహించడానికి అనుమతించలేదని రోస్‌కాస్మోస్ వివరించింది. ఆగస్టు 20న సంబంధాలను పునరుద్దరించే ప్రయత్నాలు చేసినా దురదృష్టవశాత్తూ అది విజయవంతం కాలేదు. అనంతరం లూనా-25 చంద్రుడిపై కూలిపోయిందని రోస్‌కాస్మోస్ పేర్కొంది. అన్నీ అనుకున్నట్టు జరిగితే చంద్రయాన్-3 కంటే ముందు లూనా- 25 చంద్రుడిపై సాఫ్ట్ ల్యాండింగ్ జరిగేది.
Read More Latest Science & Technology News And Telugu News
[ad_2]
Source link
Leave a Reply