విటమిన్ బి12 లోపం లక్షణాలు

[ad_1]

సరైన ఆహారం తీసుకోవడం వల్ల చాలా వరకూ సమస్యలు దూరమవుతాయి. మనం ఏదైనా అనారోగ్యంతో బాధపడినప్పుడు డాక్టర్స్ దగ్గరికి తీసుకెళ్తే మనల్ని పరీక్షించిన డాక్టర్స్ హెల్దీ ఫుడ్ తీసుకోవాలని చెబుతారు. అందుకే తీసుకునే ఆహారంలో అన్ని రకాల విటమిన్స్, మినరల్స్ ఉండేలా చూసుకోవాలి. ఈ నేపథ్యంలోనే బి12 విటమిన్ కూడా ఆరోగ్యానికి చాలా మంచిది. ఈ విటమిన్ ఏయే ఫుడ్స్‌లో లభిస్తుంది. మన శరీరంలో దీని అవసరం ఏంటో చూద్దాం.

విటమిన్ బి12..

ఇదే విటమిన్‌ని కోబాలమిన్ అని కూడా అంటారు. ఇది నీటిలో కరుగుతుంది. బి 12 ఆరోగ్యానికి చాలా మంచిది. శరీరంలో ఎర్ర రక్తకణాలు, డీఎన్‌ఏ ఏర్పడేందుకు బి 12 కీ రోల్ పోషిస్తుంది. అదే విధంగా, నాడీ వ్యవస్థని బలంగా మార్చుతుంది. బ్రెయిన్ హెల్త్‌ని కాపాడుతుంది.
Also Read : Sugar Disadvantages : చక్కెర ఎక్కువగా తింటున్నారా.. ఈ సమస్యలు తప్పవు..

ఏం తినాలంటే..

విటమిన్ బి12ని మనం అనేక ఫుడ్ ఐటెమ్స్‌ తీసుకోవడం ద్వారా లభిస్తుంది. ముఖ్యంగా రెడ్ మీట్, డెయిరీ ప్రొడక్ట్స్, గుడ్లలో ఎక్కువగా ఈ విటమిన్ లభిస్తుంది. అందుకే రెగ్యులర్‌గా వీటిని తింటుండాలి. డీఎన్‌ఏ, కొవ్వు ఆమ్లాలు, మైలిన్ సంశ్లేషణలో పాల్గొనే ఎంజైమ్స్ కోసం బి12 పనిచేస్తుంది. దీని కారణంగా బి12 లోపం హెమటోలాజిక్, న్యూరోలాజిక్ లక్షణాలకు దారిచేస్తుంది. బి 12 కాలేయంలో ఎక్కువగా నిల్వ ఉంటుంది. అయినప్పటికీ బి12‌ ని ఎక్కువ రోజులు తీసుకోకపోతే కొన్ని సమస్యలు వస్తాయి. అవి ఏంటంటే..

మైగ్రేన్..

శరీరంలో విటమిన్ బి12 సరైనట్లుగా లేకపోవడం వల్ల నరాల పనితీరు దెబ్బతింటుంది. అదే విధంగా ఈ విటమిన్ లోపం కారణంగా బ్రెయిన్ హెల్త్ కూడా పాడవుతుంది. ఈ కారణంగా తలనొప్పి సహా నాడీ సంబంధిత సమస్యలు వస్తాయని నేషనల్ లైబ్రరీ ఆఫ్ మెడిసిన్(NLM) చెబుతోంది. అంతేకాకుండా, మరో అధ్యయనంలో ఈ లోపం కారనంగా మైగ్రేన్ వచ్చే అవకాశం పెరుగుతుందని తెలుస్తుంది.
Also Read : Belly fat exercises : ఈ 6 ఎక్సర్‌సైజెస్‌తో బెల్లీ ఈజీగా తగ్గుతుందట..

తిమ్మిర్లు..

కాళ్ళు, చేతులు తిమ్మిర్లు రావడం కొన్నిసార్లు జరుగుతుంటుంది. ఇది కొంతమందిలో ఎక్కువగా ఉంటుంది. దీంతో పాటు ఏవేవో సూదులు గుచ్చినట్లుగా అనిపిస్తుంది. ఇది కేవలం కాళ్ళు, చేతుల్లోనే కాకుండా శరీరంలో ఏ భాగంలో అయినా రావొచ్చు. మంట, జలదరింపు, గుచ్చుకున్నట్లుగా అనిపిస్తుంది.
Also Read : Lower Back Pain : లోయర్ బ్యాక్ పెయిన్ ఈ కారణాల వల్లే వస్తుంది..

అలసట..

కొన్నిసార్లు ఆరోగ్యం బాలేనప్పుడు డాక్టర్స్ మీరు సరైన ఆహారం తింటున్నారా అని అడుగుతారు. పోషకాలతో కూడిన ఫుడ్ తీసుకోవాలని సూచిస్తారు. ఇందులో భాగంగా ఆరోగ్యకరమైన ఎర్ర రక్తకణాల ఏర్పాటుకు బి12 అవసరం. మనం సరైన ఫుడ్స్ తీసుకోనప్పుడు ఈ కీలక పోషకం అందకుండా మెగాలోబ్లాస్టిక్ అనీమియా సమస్య వస్తుంది. ఈ కారణంగా శరీరం ఎర్రరక్తకణాలను ఉత్పత్తి చేయదు. దాంతో రక్తహీనత ఏర్పడుతుంది. అనీమియా కారణంగా త్వరగా అలసిపోతారు. ఏ పని చేయలేరు.

నోటి అల్సర్స్

బి 12 లోపం కారణంగా రక్తహీనత ఎలా వస్తుందో..దీని కారణంగా మౌత్ అల్సర్స్ కూడా అలానే వస్తాయి. శరీరంలో రక్తం తగ్గడంతో నోటిలో పుండ్లు, వాపు, నాలుక ఎర్రబడడం వంటివి ఉంటాయి. అందుకే డాక్టర్స్ నాలుకని పరీక్షిస్తారు ఏదైనా ఆరోగ్య సమస్య ఉన్నప్పుడు. నాలుక వాపు వచ్చి లోపల పుండ్లు ఉన్నటైతే మీకు బి12 లోపం ఉన్నట్లుగా అనుమానించాలి.

ట్రీట్‌మెంట్..

ఈ పైన చెప్పిన లక్షణాలలో ఏవైనా లక్షణాలు ఉంటే ముందుగా డాక్టర్‌ని సంప్రదించాలి. మిమ్మల్ని పరీక్షించిన డాక్టర్ మీ పరిస్థితిని బట్టి ఆహారంలో మార్పులు, ఓరల్ సప్లిమెంట్స్ సూచిస్తారు. కొన్నిసార్లు ఎన్ని మందులు వాడినా, ఏ జాగ్రత్తలు తీసుకున్నా విటమిన్ బి12 అందదు. కారణం శరీరంలో మరేదైనా సమస్య ఉండడం ఏదైనా ఆరోగ్య సమస్య ఉన్నప్పుడు శరీరం బి12ని అబ్జార్బ్ చేసుకోదు. కాబట్టి ఎప్పటికప్పుడు చెక్ చేసుకుంటూ ఉండాలి.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

[ad_2]

Source link