షుగర్‌ పేషెంట్స్‌ ఈ జాగ్రత్తలు తీసుకుంటే.. కిడ్నీలు ఆరోగ్యంగా ఉంటాయ్..!

[ad_1]

డయాబెటిక్ కిడ్నీ వ్యాధి (DKD) అంటే ఏమిటి?

కిడ్నీల్లో ఉండే చిన్న చిన్న నిర్మాణాలను నెఫ్రాన్లు అంటారు. షుగర్‌ వచ్చినపుడు అవి సరిగా పని చేయవు. దాంతో గ్లూకోజ్‌ శరీరంలో నిల్వ ఉండిపోతుంది. కిడ్నీలు అధికంగా రక్తాన్ని వడపోయాల్సి రావడంతో వాటి పనితీరు క్రమంగా మందగిస్తుంది. షుగర్‌ పేషెంట్స్‌లో చాలా మందికి హైపర్‌టెన్షన్‌ కూడా ఉండటం సమస్యాత్మకంగా మారుతుంది. ఈ సమయంలో కాళ్లు, మొహం వాపు, వాంతులు, వికారం, చర్మంపై దురద వస్తుంది. కిడ్నీల్లో రాళ్లు రావొచ్చు.

Kidney Health: కిడ్నీలను ఆరోగ్యంగా ఉంచే.. సూపర్‌ ఫుడ్స్‌ ఇవే..!

రక్తంలో చక్కెర స్థాయిలను కంట్రోల్‌లో ఉంచుకోండి..

డయాబెటిక్ కిడ్నీ వ్యాధిని నివారించడానికి, రక్తంలో చక్కెర స్థాయిని కంట్రోల్‌లో ఉంచుకోవడం చాలా ముఖ్యం. బ్లడ్‌ షుగర్ లెవల్స్‌ ఎక్కువగా ఉంటే.. కిడ్నీని చాలా తీవ్రంగా దెబ్బతీస్తుంది. షుగర్‌ అదుపులో ఉంచుకోవాలంటే సమయానికి డాక్టర్ ఇచ్చే మందులు వేసుకుని, రక్తంలో గ్లూకోజ్ స్థాయిని పర్యవేక్షించి, సమతుల్య ఆహారం తీసుకుంటూ, పిండి పదార్థాలు తక్కువగా తీసుకోవాలి.

హైపర్‌టెన్ష్‌న్‌ను కంట్రోల్‌లో ఉంచుకోండి..

హైపర్‌టెన్షన్‌ కిడ్నీ సమస్యలను మరింత తీవ్రతరం చేస్తాయి. ఇది నరాలను బలహీనపరుస్తుంది, అవయవాలకు హాని కలిగిస్తుంది. బీపీని నార్మల్‌గా ఉంచుకోవడానికి సోడియం అంటే ఉప్పు తక్కువగా తీసుకోండి, క్రమం తప్పకుండా వ్యాయామం చేయండి, ఒత్తిడిని కంట్రోల్‌లో ఉంచుకోండి, ధూమపానం-మద్యపానానికి దూరంగా ఉండండి, సమయానికి మందులు తీసుకోండి.

Brain Boosting Foods : మీ బుర్రకు పదును పెట్టే.. ఆహారాలు ఇవే..!

ఈ పరీక్షలు చేయించుకోండి..

మూత్ర పరీక్ష చేయడంతో సమస్య తీవ్రతను తెలుసుకోవచ్చు. రక్త పరీక్షలో క్రియాటిన్‌ స్థాయి తెలుసుకుంటే కిడ్నీల పనితీరు ఎలా ఉందో తెలిసిపోతుంది. ఆరు నెలలకు ఓ సారి పరీక్షలు చేసుకుంటే కిడ్నీలను కాపాడుకోవడానికి వీలవుతుంది.

ఆరోగ్యకరమైన లైఫ్‌స్టైల్‌ ఫాలో అవ్వండి..

షుగర్‌ పేషెంట్స్‌ కిడ్నీలను రక్షించుకోవడానికి ఆరోగ్యకరమైన జీవనశైలిని అలవర్చుకోవాలని డాక్టర్‌ ప్రకాశ్ చంద్రశెట్టి అన్నారు. బరువును కంట్రోల్‌లో ఉంచుకోండి, ధూమపానం-మద్యపానం మానేయడం, క్రమం తప్పకుండా శారీరక శ్రమ చేయడం, సమతుల్య ఆహారం తీసుకోవడం అవసరం. డైటీషియన్ సహాయంతో, తక్కువ సోడియం, కొలెస్ట్రాల్ ఉన్న ఆహారం, పండ్లు, కూరగాయలు, తృణధాన్యాలు, లీన్‌ ప్రొటీన్‌ ఆహారం తీసుకోండి.
Dr. Prakash Chandra Shetty, Urologist, Dr. LH Hiranandani Hospital, Mumbai
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

[ad_2]

Source link