హార్ట్ వాల్వ్స్ సరిగ్గా పనిచేయకపోతే ఈ లక్షణాలు ఉంటాయి..

వాల్యులార్ హార్ట్ డిసీజ్…

ఈ సమస్య వ్యక్తిలో వాల్వ్స్ స్టెనోసిస్, రెగ్యరిటేషన్ వల్ల వస్తుంది. వీటివల్లవాల్వ్స్‌‌పై ఎఫెక్ట్ పడుతుంది. అంతేకాకుండా, కవాటాలు సరిగ్గా పనిచేయకుండా చేసే ఇతర కారణాల వల్ల వస్తుంది.

కారణాలు..

Also Read : Vitamin D : విటమిన్ డి లోపంతో ఏమేం సమస్యలు వస్తాయంటే..

రుమాటిక్ హార్ట్ సమస్యలు
వృద్ధాప్యం కారణాంగా వచ్చే డీజెనరేటివ్ వాల్వ్ డిసీజ్
గుండెపోటు
డయాబెటిస్ మెల్లిటస్
హైపర్ టెన్షన్
రేడియేషన్ థెరపీ
పుట్టుకతో వచ్చే గుండె సమస్యలు
పేస్ మేకర్స్ ప్రజెన్స్
ఆటో ఇమ్యూన్ డిసీజెస్
కార్సినోయిడ్

ఇలాంటి కారణాల వల్ల వాల్వ్ సమస్యలు ఎక్కువ అవుతున్నాయి. రుమాటిక్ హార్ట్ డిసీజ్(చిన్నతనంలో ఇన్ఫెక్షన్ కారణంగా గొంతునొప్పి, స్కిన్ ఇన్ఫెక్షన్) వల్ల వాల్వ్ సమస్య ఎక్కువగా వస్తుంది. దీని వల్ల గుండె కవాటాలకు నష్టం కలుగుతుంది. స్టెనోసిస్, రెగ్యుర్జిటేషన్ సమస్యలు వస్తాయి. వీటితోపాటు వయస్సు పెరగడం వల్ల కూడా వాల్వ్ సమస్యలు రావడం సాధారణమైంది.
Also Read : Vitamin D : విటమిన్ డి లోపంతో ఏమేం సమస్యలు వస్తాయంటే..

లక్షణాలు..

హార్ట్ వాల్వ్స్‌కి వచ్చినప్పుడు మొదట్లో ఎలాంటి లక్షణాలు కనిపించవు. కానీ, రాను రాను త్వరగా అలసిపోతారు, శ్వాస ఆడడం కష్టంగా ఉంటుంది. బలహీనంగా మారి పనులు చేయడానికి నీరసంగా ఉంటుంది. కొన్నిసార్లు గుండె దడగా కూడా ఉంటుంది.

సమస్య దూరమయ్యేందుకు..

ఈ వాల్వ్ సమస్యల్ని తగ్గించడమనేది ముందు తెలిపిన సమస్యల గురించి తెలుసుకుని వాటిని ముందు తగ్గించడంపై ఆధారపడి ఉంటుంది. చర్మ, గొంతు సమస్యల్ని తగ్గించేందుకు చర్మ, దంత పరిశుభ్రతను పాటించడం మంచిదని డాక్టర్స్ చెబుతున్నారు. ఈ సమస్యలు వచ్చినప్పుడు ప్రారంభంలోనే చిల్డ్రన్ డాక్టర్‌ని కలిస్తే యాంటీ బయాటిక్స్ సూచిస్తారు. ఇక ఎవరికైనా రుమాటిక్ ఫీవర్ ఉంటే ఇంజెక్షన్ పెన్సిలిన్‌ని ప్రొఫిలాక్సిస్‌‌గా ఇస్తామని డాక్టర్ చెబుతున్నారు.

ఇంజెక్షన్ ఎలా పనిచేస్తుందంటే..

ఇంజెక్షన్ పనిచేయడం అనేది కార్డిటిస్ పెరగడం, వాల్వ్ దెబ్బతినడంపై ఆధారపడి ఉంటుంది. ఓ వ్యక్తికి రుమాటిక్ జ్వరం ఉండి కాటిస్ లేకపోతే, 5 సంవత్సరాల నుంచి 21 సంవత్సరాలు వచ్చే వరకూ ఇంజెక్షన్ ఇస్తారు. అదే విధంగా కార్డిటిస్ ఉండి వాల్యులర్ దెబ్బతినకపోతే 10 నుంచి 21 ఏళ్ళ వారికి రోగనిరోధక ఇంజెక్షన్ ఇవ్వడం జరుగుతుంది.

ఇలా వయసుని బట్టి, వారికున్న సమస్యని బట్టి ట్రీట్‌మెంట్ ఉంటుంది.
​Also Read : Push-ups : పుషప్స్ ఇలా చేస్తే మీ బాడీకి అస్సలు మంచిది కాదు..​

ఎలాంటి జాగ్రత్తలు తీసుకోవాలంటే..

ఉప్పు తగ్గించడం
వర్కౌట్ చేయడం
బరువు మెంటెయిన్ చేయడం
పొగాకు, పొగత్రాగడాన్ని తగ్గించడం
ఆల్కహాల్ తగ్గించడం
ఒత్తిడి తగ్గించేందుకు యోగా, ధ్యానం చేయడం
సోషల్ మీడియాకి దూరంగా ఉండడం
మొబైల్స్, గ్యాడ్జెట్స్‌ని తక్కువగా వాడడం వంటి జాగ్రత్తలతో ఆరోగ్యకరమైన లైఫ్‌స్టైల్‌ని పాటించాలని డాక్టర్ చెబుతున్నారు.

వాల్వ్స్ సమస్య గుర్తించేందుకు..

గుండె కవాటాలకు వచ్చే సమస్యల్ని గుర్తించేందుకు రెగ్యులర్‌గా డాక్టర్‌ని సంప్రదించడం, టెస్ట్‌లు చేయించుకోవడం, ఎప్పటికప్పుడు పరిస్థితిని గమనించి సమస్య రాకుండా ట్రీట్‌మెంట్ తీసుకోవడం మంచిది.

పుట్టుకతో..

కొంతమందికి పుట్టకతోనే సమస్యలు వస్తాయి. అందుకు జన్యుకారణాలు అయి ఉంటాయి. వీటిని గుర్తించి పేరెంట్స్‌కి కౌన్సెలింగ్ ఇవ్వాలి డాక్టర్స్. ప్రమాదం ఎక్కువగా ఉన్న వ్యక్తిని ముందుగానే గుర్తించేందుకు ఫీటల్ ఎకోకార్డియోగ్రామ్ చేయొచ్చు. గుండె కవాట వ్యాధులను ముందుగానే గుర్తించి నివారణ చర్యలు తీసుకుంటే సమస్య నుంచి తప్పించుకోవచ్చు.
-Dr Bharat V Purohit, Sr. Consultant Interventional Cardiologist & Director of Cath Lab, Yashoda Hospitals, Hyderabad
​గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.