అంతరిక్షంలో ఎవరైనా చనిపోతే మృతదేహం ఏమవుతుంది? నాసా ప్రోటోకాల్ ఏం చెబుతోంది?

[ad_1]

అంతరిక్షంలో చనిపోతే?

మానవ అంతరిక్ష యాత్ర ప్రారంభమై ఆరు దశాబ్దాలే అయినప్పటికీ వేర్వేరు ఘటనల్లో అంతరిక్షంలో 20 మంది వరకు ప్రాణాలు కోల్పోయారు. 1986 నుంచి 2023 మధ్య నాసా స్పేస్‌ షటిల్ విషాదాలలో సుమారు 14 మంది, 1971 సోయాజ్‌ 11 మిషన్‌‌లో ముగ్గురు, 1967 లో అపోలో 1 లాంచ్‌ ప్యాడ్ వద్ద జరిగిన అగ్ని ప్రమాదంలో ముగ్గురు వ్యోమగాములు మరణించారు. 2025లో చంద్రుడిపైకి.. వచ్చే దశాబ్దంలో మార్స్‌పైకి వ్యోమగాములను పంపాలని నాసా యోచిస్తోంది. వాణిజ్యపరమైన అంతరిక్షయానం నిత్యకృత్యంగా మారుతోంది. అంతరిక్ష ప్రయాణం సర్వసాధారణం అయినందున దారిలో ఎవరైనా చనిపోయే అవకాశం ఉంది.

చంద్రుడు లేదా అంగారకుడిపై చనిపోతే?

అంతరిక్షంలోకి వెళ్లే క్రమంలో.. భూమి దిగువ కక్ష్యలో కానీ ఎవరైనా చనిపోతే శరీరాన్ని కొన్ని గంటల వ్యవధిలోనే క్యాప్సూల్ సాయంతో భూమికి తిరిగి పంపొచ్చు.

ఒకవేళ చంద్రుడిపై ఇలా జరిగితే శరీరం కేవలం కొన్ని రోజుల్లోనే భూమికి చేరుతుంది. నాసా ఇలాంటి వాటి కోసం ఇప్పటికే కొన్ని ప్రోటోకాల్స్ కలిగి ఉంది. అదే అంగారక గ్రహానికి కానీ.. 300 మిలియన్ మైళ్ల అంతరిక్ష ప్రయాణంలో కానీ వ్యోమగామి చనిపోతే భిన్నంగా ఉంటాయి.

మిషన్ మధ్యలో అక్కడ నుంచి మృతదేహం తిరిగి పంపలేరు. దానిని పట్టుకుని తిరగలేరు. అందుకే మిషన్ పూర్తయిన తర్వాత అంతరిక్ష యాత్రికులతో కలిసి భూమికి తిరిగి వచ్చే అవకాశం ఉంది. దానికి చాలా సంవత్సరాల సమయం పడుతుంది. ఈ సమయంలో మృతదేహాన్ని ప్రత్యేక గదిలో లేదా ప్రత్యేకమైన బాడీ బ్యాగ్‌లో సిబ్బంది భద్రపరచవచ్చు. అంతరిక్ష వాహనం లోపల స్థిరమైన ఉష్ణోగ్రత, తేమ శరీరాన్ని సంరక్షించడంలో సహాయపడతాయి

స్పేస్‌సూట్ లేదా రక్షణ లేకుండా అంతరిక్షంలో అడుగుపెడితే ?

స్పేస్ సూట్ లేకుండా అంతరిక్షంలోకి అడుగుపెడితే వ్యోమగామి తక్షణమే దాదాపు మృత్యు ఒడికి చేరుకుంటాడు. శ్వాస తీసుకోవడం కూడా అసాధ్యం. తొలుత రక్త ప్రసరణ నిలిచిపోయి.. గురుత్వాకర్షణ శక్తి కారణంగా అది ఒకచోటు చేరడం మొదలవుతుంది. ఈ చర్యను లివోర్‌ మోర్టిస్ అంటారు. ఆ తర్వాత శరీరం పూర్తిగా చల్లబడటం ప్రారంభమవుతుంది. అనంతరం కండరాల్లో అపరిమితంగా కాల్షియం పేరుకుపోయి, అవి బిగుసుకుపోవడం మొదలవుతుంది. ఎంజైమ్‌లు, ప్రోటీన్లు ..కణాల గోడలను విచ్ఛిన్నం చేస్తాయి.

ఇదే సమయంలో పేగుల్లోని బ్యాక్టీరియా శరీరం అంతా కూడా వ్యాపిస్తుంది. మృదు కణజాలాన్ని తినేస్తుంది. వాటి నుంచి వెలువడే వాయువులతో శరీరం ఉబ్బిపోతుంది. ఇదే సమయంలో కండరాలు కూడా నాశనం కావడం వల్ల రిగోర్ మోర్టిస్‌ ఆగిపోతుంది. దుర్వసన మొదలవుతుంది.

స్పేస్ సూట్ లేకుండా చంద్రుడు లేదా మార్స్‌పై దిగితే?

చంద్రుడిపై వాతావరణం అనేది లేదు. దాదాపు ఆక్సిజన్ ఉండదు కాబట్టి ఫలితంగా వెంటనే చనిపోతాడు. మార్స్‌పై వాతావరణం భిన్నంగా ఉంటుంది.. అక్కడ కూడా ఆక్సిజన్ దాదాపు ఉండదు.. తత్ఫలితంగా అంతరిక్షంలో ఉన్న మాదిరిగానే ఉంటుంది.. రక్తం వేడెక్కి ఊపిరాడదు.

[ad_2]

Source link