[ad_1]
‘చంద్రుని దక్షిణ ధ్రువానికి సంబంధించి ఇది మొదటి ప్రొఫైల్.. వివరణాత్మక పరిశీలనలు జరుగుతున్నాయి’ అని ఇస్రో చెప్పింది. దీని గురించి ఇస్రో మరింత వివరణ ఇవ్వలేదు. కానీ, డేటా ఇంకా విశ్లేషిస్తున్నట్టు ఇస్రో శాస్త్రవేత్త ఒకరు చెప్పారు. షేర్ చేసిన గ్రాఫ్ వైవిధ్యాన్ని బట్టి అక్కడ ఉష్ణోగ్రత -10 ° సెల్సియస్ నుంచి 60 ° సెల్సియస్ పరిధిలో ఉంటుంది.
ChaSTE పేలోడ్ ఉపరితలం కింద 10cm లోతును చేరుకోగల నియంత్రిత వ్యాప్తి మెకానిజం కలిగి ఉంది. ఇందులో 10 వ్యక్తిగత ఉష్ణోగ్రత సెన్సార్లు ఉంటాయి. ఆగస్ట్ 23న చంద్రయాన్-3 సేఫ్ ల్యాండింగ్ తర్వాత చంద్రుడి గురించి ఇస్రో అధికారికంగా ప్రకటించిన మొదటి డేటా ఇది. ప్రజ్ఞాన్ రోవర్‌, విక్రమ్ ల్యాండర్‌లోని మొత్తం ఐదు పేలోడ్‌లు పరిశోధనలు కొనసాగిస్తున్నాయి. ఇప్పటివరకు వాటి పనితీరు సాధారణంగానే ఉందని ఇస్రో తెలిపింది.
ప్రొపల్షన్ మాడ్యూల్‌లోని పేలోడ్ నుంచి డేటా కూడా భూకేంద్రానికి చేరుకోవడం ప్రారంభించింది. ఈ డేటా ప్రాథమిక విశ్లేషణ పూర్తయిన తర్వాత చంద్రయాన్-3 సేకరించిన సమాచారం గురించి వెల్లడిస్తుందని భావిస్తున్నారు. చంద్రాస్ సర్ఫేస్ థర్మో ఫిజికల్‌ ఎక్స్‌పరిమెంట్‌.. చాస్టే అనే పేలోడ్.. జాబిల్లి దక్షిణ ధ్రువం సమీపంలోని ఉపరితలం ఉష్ణ లక్షణాల కొలతలను నిర్వహిస్తుంది. ఇన్‌స్ట్రుమెంట్‌ ఫర్‌ లూనార్‌ సీస్మిక్‌ యాక్టివిటీ ILSA…ల్యాండింగ్ ప్రాంతం చుట్టూ భూకంప చర్యలను కొలుస్తుంది.
ఇక, సాఫ్ట్ ల్యాండింగ్ కోసం ఏడు రకాల అత్యాధునిక పరికరాలను ల్యాండింగ్‌లో మాడ్యుల్‌లో అమర్చారు. ఇలా ఇన్ని జాగ్రత్తలు తీసుకోవడంతో… చంద్రయాన్-3 ల్యాండర్ సురక్షితంగా చంద్రుడి దక్షిణ ధ్రువంపై దిగిన తొలి మానవ నిర్మిత ప్రోబ్‌గా చరిత్ర సృష్టించింది. ఇక, చంద్రయాన్-3 మూడు లక్ష్యాల్లో రెండింటిని ఇప్పటికే చేరుకుంది. మొదటిది చంద్రుడి దక్షిణ ధ్రువంపై సాఫ్ట్ ల్యాండింగ్… రెండోది చంద్రుడి ఉపరితలంపై రోవర్‌ దిగి, సంచరించడం. ఈ రెండూ ఇప్పటికే జరిగాయి. మూడోది ల్యాండర్, రోవర్‌లు కలసి చంద్రుడి ఉపరితలంపై పరిశోధనలు చేస్తున్నాయి.
Read More Latest Science & Technology News And Telugu News
[ad_2]
Source link
Leave a Reply