Drinks : ఉదయాన్నే వీటిని తాగితే జీర్ణ సమస్యలు దూరం..

[ad_1]

Drinks : ఉదయాన్నే నిద్రలేచే వారు మిగతావారి కంటే మంచి హెల్దీ లైఫ్‌ని లీడ్ చేస్తున్నారు. అయితే, ఉదయాన్నే లేవడం మాత్రమే సరిపోదు. మీరు మొదటగా తాగే డ్రింక్స్ కూడా మీ హెల్త్‌పై ఎఫెక్ట్ చూపుతుంది.ఇవి మనల్ని రోజంతా యాక్టివ్‌గా ఉండేలా చేస్తాయి. గొప్ప విషయం ఏంటంటే ఇవన్నీ కూడా నేచురల్ డ్రింక్స్. వీటిలో ఎలాంటి ఆర్టీఫిషయల్ ఐటెమ్ ఉండదు. మరి అలాంటి డ్రింక్స్ ఏంటో ఇప్పుడు చూద్దాం.

నీరు..

నీరు ఆరోగ్యానికి చాలా మంచిదని తెలుసు. ఉదయాన్నే లేవగానే, ఒకటి, రెండు గ్లాసుల నీరు తాగండి. ఇవి గోరువెచ్చగా ఉంటే మరింత మంచిది. జీర్ణ సమస్యలు, అనేక సమస్యలకు ఈ నీరు పరిష్కారం చూపిస్తుంది. కాబట్టి ఉదయాన్నే నీరు తాగడం చాలా మంచిది. దీంతో బౌల్ మూమెంట్స్ సరిగ్గా ఉంటాయి. మలబద్ధకంతో బాధపడేవారికి ఇది మంచి రెమిడీలా పనిచేస్తుంది.

Also Read : Stroke : ఈ బ్లడ్ గ్రూప్‌ ఉన్నవారికి స్ట్రోక్ ఎక్కువగా వస్తుందట..

నిమ్మ, తేనె..

ఉదయాన్నే గోరు వెచ్చని నీటిలో నిమ్మరసం, తేనె వేసుకుని తాగడం వల్ల కూడా మంచి లాభాలు ఉంటాయి. ఇది మీ నరాలను శాంత పరుస్తుంది. నిద్రలో మనం నీరు లేకుండా డీహైడ్రేట్ అయిపోతుంది. ఈ నీరు తాగడం వల్ల హైడ్రేషన్ అందుతుంది. అదే విధంగా నిమ్మ, తేనె మీ జీర్ణక్రియను మెరుగ్గా మారుస్తుంది. ఉదయాన్నే ఇవి తాగడం వల్ల శరీరంలోని కొవ్వు తగ్గి బరువు తగ్గడానికి హెల్ప్ అవుతుంది. ఇదీ మంచి డీటాక్స్ డ్రింక్‌లా పని చేస్తుంది. దీంతో పాటు స్కిన్ కూడా అందంగా మెరుస్తుంది.

దాల్చిన చెక్క టీ..

దాల్చిన చెక్కని మనం మసాలా దినుసుల్లో విరివిగా వాడతాం. దీనిని తాగడం వల్ల ఇందులోని ప్రత్యేక గుణాలు రక్తంలోని బ్లడ్ షుగర్ లెవల్స్‌ని కంట్రోల్ చేస్తాయి. అదే విధంగా, స్కిన్ మెరిసేలా చేస్తాయి. యాంటీ ఆక్సిడెంట్స్ ప్రాపర్టీస్ ఎక్కువగా ఉన్న దాల్చిన క్యాన్సర్ కారకాలకు కూడా వ్యతిరేకంగా పని చేస్తుంది. వీటితో పాటు బాడీలోని చెడు కొలెస్ట్రాల్‌ని తగ్గించి గుండె ఆరోగ్యాన్ని కాపాడుతుంది.

Also Read : Weight Loss Teas : పడుకునే ముందు ఈ టీలు తాగితే ఈజీగా బరువు తగ్గుతారట..

మెంతి, జీలకర్ర నీరు..

జీర్ణ సమస్యల్ని దూరం చేయడంలో జీలకర్ర, మెంతులు చాలా బాగా పనిచేస్తాయి. ఇందుకోసం ముందుగా మెంతులు, జీలకర్రని రాత్రంతా నానబెట్టాలి. వీటిని ఉదయాన్నే తాగాలి. వీటిని తాగడం వల్ల మెటబాలిజం పెరిగి డైజేషన్ ఈజీగా మారుతుంది. వీటిని తాగడం వల్ల శరీరంలోని ఎక్స్‌ట్రా కొవ్వు కూడా కరుగుతుంది.

రాగి జావ..

రాగి జావ గురించి ఎంత చెప్పుకున్నా తక్కువే. ఐరన్, ప్రోటీన్స్ ఎక్కువగా ఉన్న ఈ రాగి మాల్ట్ మీ బాడీకి చాలా బలాన్ని ఇస్తుంది. ఇందులోని విటమిన్స్, మినరల్స్ మీ కండరాలు, ఎముకలని బలంగా చేస్తుంది. ఫైబర్ మీ డైజేషన్ సిస్టమ్‌ని హెల్దీగా మారుస్తుంది. ఇది 100 శాతం గ్లూటెన్ ఫ్రీ. దీనిని మీరు ఉదయాన్నే తాగొచ్చు.

Also Read : PCOS : ఇవి తింటే PCOS చాలా వరకూ తగ్గుతుందట..

కొబ్బరి నీరు..

కొబ్బరి నీరు నిజానికి చాలా మంచిది. రోజులో ఉదయాన్నే ఈ నీరు తాగడం మంచిదని చాలా మంది చెబుతారు. ఇప్పటికీ చాలా మంది హీరోయిన్స్ తాము తమ డైట్‌లో కొబ్బరి నీరు ఉంటుందని చెబుతున్నార. ఉదయాన్నే దీనిని తాగడం వల్ల ఎనర్జీ వస్తుంది. మన దగ్గర కొబ్బరి నీరు ఈజీగా దొరుకుతుంది. అయితే, కేవలం కొబ్బరి నీరు రెగ్యులర్‌గా తాగి బోర్ కొడుతుంటే అందులో నిమ్మరసం కలపొచ్చు.

వీటితో పాటు తులసి రసం, పుదీనా టీ, అల్లం టీ ఇలా నేచురల్ డ్రింక్స్ వేటినైనా తాగొచ్చు. అయితే, తాగే ముందు అవి శరీరానికి సరిపోతాయో లేదో ఓ సారి మీ డాక్టర్‌ని కనక్కుని తాగడం మంచిది. ఎందుకంటే డయాబెటిస్ ఉన్నవారు కొబ్బరి నీరు తాగడం వల్ల షుగర్ లెవల్స్ పెరుగుతాయని చెబుతారు. కాబట్టి ముందుగా మీ డాక్టర్‌ని కలిసి సలహా తీసుకున్నాక తాగడం మంచిదని గుర్తుపెట్టుకోండి.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.