[ad_1]
క్యారెట్‌..
వేరే కూరగాయలతో పోలిస్తే.. క్యారెట్‌లో షుగర్‌ కంటెంట్‌ ఎక్కువగా ఉంటుంది. అయినా, కూడా షుగర్‌ పేషెంట్స్‌ ఎలాంటి భయం లేకుండా క్యారెట్‌ తీసుకోవచ్చు. క్యారెట్‌లో ఒక ప్రత్యేక రకం ఫైబర్ ఉంటుంది, ఇది రక్తంలో చక్కెర ప్రవాహాన్ని నియంత్రిస్తుంది. క్యారెట్‌ జీర్ణక్రియ ప్రక్రియను స్లో చేసి.. రక్తంలో చక్కెర స్థాయి పెరుగుదలను నివారిస్తుంది. క్యారెట్‌లోని ఫైబర్.. ఇన్సులిన్ రెసిస్టెన్స్‌ను బూస్ట్‌ చేస్తుంది. క్యారెట్‌లో కెరోటినాయిడ్స్ దండిగా ఉంటాయి. డయాబెటిక్ రెటినోపతి నుంచి కెరోటినాయిడ్స్ రక్షిస్తాయని ఓ అధ్యయనం స్పష్టం చేసింది.
ఉసిరి..
ఉసిరి షుగర్‌ పేషెంట్స్‌కు మేలు చేస్తుందని పోషకాహార నిపుణురాలు, డైటీషియన్‌ శిఖా అగర్వాల్‌ అన్నారు. ఉసరిలో.. క్రోమియం మెండుగా ఉంటుంది. ఇది రక్తంలో చక్కెర స్థాయిని స్థిరీకరిస్తుంది. అదనంగా, ఇందులో విటమిన్ సి పుష్కలంగా ఉంటుంది, ఇది యాంటీఆక్సిడెంట్‌లా పని చేస్తుంది. ఇది రోగనిరోధక శక్తిని మెరుగుపరుస్తుంది. ఈ లక్షణాలు షుగర్‌ పేషెంట్స్‌కు మేలు చేస్తాయని నిపుణులు అంటున్నారు.
బీట్‌రూట్‌..
టైప్ 2 డయాబెటిస్‌ ఉన్నవారు.. బీట్‌ రూట్‌ తీసుకుంటే మంచిదని నిపుణులు చెబుతున్నారు. దీనిలో ఫైబర్ పొటాషియం, ఐరన్, మాంగనీస్, ఫైటోకెమికల్స్ వంటి పోషకాలు మెండుగా ఉంటాయి. ఇవి పోషకాలు.. రక్తంలో చక్కెర స్థాయిని తగ్గించడానికి సహాయపడతాయి. శరీరంలో ఇన్సులిన్ స్థాయిలను నియంత్రిస్తుంది.
ఆరెంజ్‌..
నారింజతో సహా అన్ని సిట్రస్ పండ్లూ సూపర్ ఫుడ్స్ కేటగిరీలోకి వస్తాయి. వీటిలో విటమిన్ సీ మెండుగా ఉంటుంది. ఇది రక్తంలో చక్కెర స్థాయిలను కంట్రోల్‌లో ఉంచుతాయి, రోగనిరోధక శక్తిని కూడా పెంచుతాయి. డయాబెటిక్ పేషెంట్స్‌ శీతాకాలం.. ఆరెంజ్‌లు తింటే మంచిది.
పాలకూర..
శీతాకాలం.. సులభంగా దొరికే ఆకుకూరల్లో పాలకూర ఒకటి. దీనిలో ఐరన్, విటమిన్ ఎ, విటమిన్ సి, కాల్షియం, ఫాస్పరస్, పొటాషియం వంటి పోషకాలు సమృద్ధిగా ఉంటాయి. ఇందులో పిండి పదార్థాలు తక్కువగా ఉంటాయి. ఈ ఆకుకూర షుగర్‌ పేషెంట్స్‌కు బెస్ట్‌ ఆప్షన్. పాలకూరలో ఉండే.. పొటాషియం గుండె సమస్యల ముప్పును తగ్గిస్తుంది.
సిరిధాన్యాలు..
ఇతర తృణధాన్యాలతో పోలిస్తే ఇందులో ఫైబర్ పుష్కలంగా ఉంటుంది, గ్లైసెమిక్ ఇండెక్స్ తక్కువగా ఉంటుంది. ఇది రక్తంలో చక్కెర స్థాయిని నియంత్రిస్తుంది. మీరు మిల్లెట్‌ను ఇష్టపడితే, మీ డైట్‌లో కచ్చితంగా ఇవి చేర్చుకోండి.
దాల్చిన చెక్క..
టైప్ -2 డయాబెటిస్తో బాధపడుతున్న ప్రజలలో రక్తంలో చక్కెర స్థాయిని నిర్వహించడానికి ఇందులోని ఔషధ గుణాలు తోడ్పడతాయి. దాల్చిన చెక్కలో ఉండే క్రోమియం శరీరంలోని గ్లూకోజ్ స్థాయుల్ని న్యూట్రల్‌ చేస్తుంది. దాల్చినచెక్కలో యాంటీ డయాబెటిక్ లక్షణాలు పుష్కలంగా ఉంటాయి. దాల్చిన చెక్కలో ఉండే.. పాలీఫెనాల్స్‌ గ్లూకోజ్ స్థాయులను తగ్గిస్తాయి. దాల్చిన చెక్కలో ఉండే.. యాంటీఆక్సిడెంట్స్‌ ఆక్సీకరణ ఒత్తిడిని తగ్గించడంలో సహాయపడతాయి.
మెంతులు..
మెంతులు రక్తంలోని చక్కెర స్థాయులు నియంత్రించడంలో సహాయపడతాయి. షుగర్‌ పేషెంట్స్‌ రాత్రిపూట మెంతులను నానబెట్టి తెల్లారి ఖాళీ కడుపుతో నీటితో పాటు తీసుకుంటే మంచిది. మెంతులు జీర్ణక్రియను, పిండి పదార్థాలను గ్రహించుకోవటాన్ని నెమ్మదిచేస్తుంది. ఇలా రక్తంలో గ్లూకోజు నెమ్మదిగా కలిసేలా చేస్తుంది. దీనివల్ల గ్లూకోజ్ కంట్రోల్‌లో ఉంటుంది. మెంతుల్లో 4-హైడ్రాక్సిస్‌ల్యూసిన్‌ అనే అమైనో ఆల్కనాయిక్‌ యాసిడ్‌ ఉంటుంది. ఇది ఇన్సులిన్ ఉత్పత్తిని పెంచుతుంది, కణాలు ఇన్సులిన్‌ను తీసుకునేలా చేస్తుంది. వీటిలో 2-ఆక్సోగ్లుటేట్‌ ఎలిమెంట్స్‌ ఉంటాయి. ఇవి ఇన్సులిన్‌ను ప్రేరేపిస్తుంది, దీనివల్ల గ్లూకోజ్ అదుపులో ఉంటుంది.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
[ad_2]
Source link
Leave a Reply