[ad_1]
![అబుదాబి సంస్థ..](https://telugu.goodreturns.in/img/2023/01/adani-1-1675140348.jpg)
అబుదాబి సంస్థ..
అబుదాబికి చెందిన ఇంటర్నేషనల్ హోల్డింగ్ కంపెనీ (IHC) అదానీ FPO విషయంలో పెద్ద ప్రకటన చేసింది. కంపెనీ ఫ్లోట్ చేసిన రూ.20,000 కోట్ల ఫాలో-ఆన్ పబ్లిక్ ఆఫర్ లో 400 మిలియన్ డాలర్లు పెట్టుబడిగా పెడతానని ప్రకటించింది. భారత కరెన్సీ ప్రకారం ఈ డీల్ విలువ దాదాపు రూ.3,200 కోట్లకు సమానమైనదిగా తెలుస్తోంది. అంటే FPOలో 16 శాతాన్ని IHC సబ్స్క్రైబ్ చేయనుంది. సోమవారం ఈ ప్రకటన రావటంతో అదానీ ఎంటర్ ప్రైజెస్ కంపెనీ షేర్లు మార్కెట్లో రాకెట్ వేగంతో దూసుకుపోతున్నాయి.
![ఫెయిల్ అనుకుంటే..](https://telugu.goodreturns.in/img/2023/01/adani2-1675140355.jpeg)
ఫెయిల్ అనుకుంటే..
ముందునుంచే గౌతమ్ అదానీ ఈ FPOపై ధీమాగా ఉన్నారు. కంపెనీ ముందుగా ప్రకటించిన షెడ్యూల్ ప్రకారమే దీనిని క్లోజ్ చేస్తామని తెలిపారు. ఆఫర్ సక్సెస్ కావాలంటే కనీసం 90 శాతం బిడ్లు రావాల్సి ఉంటుంది. అయితే ఈ రోజు FPO ముగియనున్న నేపథ్యంలో పెట్టుబడిదారులు ఎలా రియాక్ట్ అవుతారనేది వేచిచూడాల్సిన విషయంగా ఉంది. ఇప్పటికే యాంకర్ ఇన్వెస్టర్లకు షేర్లను కేటాయించడం ద్వారా రూ.5,985 కోట్లను అదాని ఎంటర్ ప్రైజెస్ సమీకరించింది.
![IHC టార్గెట్..](https://telugu.goodreturns.in/img/2023/01/adani-158-1675140364.jpg)
IHC టార్గెట్..
అబుదాబికి చెందిన పెట్టుబడుల సంస్థ 2023లో ప్రధానంగా యూరప్, ఆఫ్రికా, ఆసియా, దక్షిణ అమెరికా మార్కెట్లపై దృష్టి సారించనున్నట్లు వెల్లడించింది. ఈ క్రమంలో తన పెట్టుబడులను స్కేల్ చేయనున్నట్లు తెలిపింది. అదానీ ఎంటర్ప్రైజెస్ ప్రాథమికాంశాలపై తమకు విశ్వాసం ఉందని IHC చీఫ్ ఎగ్జిక్యూటివ్ ఆఫీసర్ సయ్యద్ బాసర్ షుబ్ వెల్లడించారు. ఇంటర్నేషనల్ హోల్డింగ్ కంపెనీ పూర్తి చేసిన రెండవ పెట్టుబడి ఒప్పందంగా ఇది నిలిచింది.
![అదానీ ఎంటర్ ప్రైజెస్..](https://telugu.goodreturns.in/img/2023/01/adani-652-1601374538-1675140373.jpg)
అదానీ ఎంటర్ ప్రైజెస్..
ఈ రోజు అదానీ గ్రూప్ లోని అదానీ ఎంటర్ ప్రైజెస్, అదానీ పోర్ట్స్ స్టాక్స్ మాత్రమే లాభాల్లో కొనసాగుతున్నాయి. ఈ క్రమంలో అదానీ ఎంటర్ ప్రైజెస్ స్టాక్ ధర ఉదయం 9.54 గంటల సమయంలో రూ.45 లాభపడి రూ.2,937.90 వద్ద ట్రేడ్ అవుతోంది. గడచిన 5 ట్రేడింగ్ సెషన్లలో స్టాక్ ధర రూ.512.95 మేర పతనమైంది. ప్రస్తుతం కంపెనీ మార్కెట్ క్యాప్ రూ.3.35 లక్షల కోట్లుగా ఉంది. స్టాక్ 52 వారాల గరిష్ఠ ధర రూ.4,190గా ఉండగా.. 52 వారాల కనిష్ఠ ధర రూ.1,528.80 వద్ద ఉంది.
[ad_2]
Source link