Chandrayaan 2: ఈ మూడు తప్పిదాలతోనే చంద్రయాన్-2 ప్రయోగం విఫలం

[ad_1]

చంద్రుడిపై అన్వేషణకు ఇస్రో (ISRO) ప్రతిష్టాత్మకంగా చేపట్టిన చంద్రయాన్-3 (Chandrayaan-3)మరో రెండు రోజుల్లో ప్రయాణం ప్రారంభించనుంది. అయితే, చంద్రుడి కక్ష్య (Moon Orbit) వరకూ ల్యాండర్ (Lander) చేరుకోవడం ఒక ఎత్తైతే.. ఉపరితలంపై సాఫ్ట్ ల్యాండింగ్ (Soft Landing) మరో ఎత్తు. ఈ కారణంతోనే 2019 జులై 22న భారత అంతరిక్ష ఫరిశోధన సంస్థ (ఇస్రో) ప్రయోగించిన చంద్రయాన్-2‌ ప్రయోగం విఫలమై క్రాష్ ల్యాండింగ్ అయిన విషయం తెలిసిందే. చంద్రయాన్-2లోని ల్యాండర్ విక్రమ్ గంటకు 6వేల కిలోమీటర్ల వేగంతో ప్రయాణించి.. చంద్రుడి దక్షిణ ధ్రువంపై దిగడానికి ముందు 15 నిమిషాల వ్యవధిలో తన వేగాన్ని క్రమంగా తగ్గించుకుంటోందని శాస్త్రవేత్తలు భావించారు.

సాఫ్ట్ ల్యాండింగ్ కోసం సెప్టెంబరు 6 అర్ధరాత్రి ల్యాండర్‌లోని థ్రస్టర్ ఇంజిన్లు మండించి, ల్యాండర్‌ గమనానికి వ్యతిరేక దిశలో వ్యోమనౌక వేగాన్ని తగ్గించారు. కానీ ఉపరితలానికి 500 మీటర్ల దూరంలో అది నియంత్రణ తప్పి క్రాష్ అయ్యింది. ట్రయల్ దశలో సాఫ్ట్‌వేర్ బాగానే పని చేయడంతో.. ఈ అవాంతరాన్ని ఇస్రో అంచనా వేయలేకపోయింది. విక్రమ్ ల్యాండర్ 30 కిలోమీటర్ల ఎత్తు నుంచి 5 కిలోమీటర్ల ఎత్తు వరకూ సజావుగానే కిందకు దిగింది. దీన్ని రఫ్ బ్రేకింగ్ దశ అంటారు. ఆ తర్వాతిది ఫైన్ బ్రేకింగ్ స్టేజ్. ఇదే చివరి దశ కూడా. ఈ దశలో ల్యాండర్ ఇబ్బందులు ఎదుర్కొంది.

థ్రస్టర్‌ను ఆపరేట్ చేసి ల్యాండర్ వేగాన్ని సెకను 146 కి.మీ.కు తగ్గించాలి. కానీ ప్రయాణించాల్సిన మార్గం నుంచి పక్కకు మళ్లిన ల్యాండర్.. నిర్దేశిత ప్రదేశానికి 750 మీటర్ల దూరంలో క్రాష్ అయ్యింది. దీంతో అందులోని మెషినరీ దెబ్బతింది. ఈ నేపథ్యంలో చంద్రయాన్-3లో అటువంటి తప్పిదం జరగకుండా ఇస్రో జాగ్రత్తలు తీసుకుందని ఆ సంస్థ ఛైర్మన్ ఎస్ సోమనాథ్ వెల్లడించారు.

ఈ క్రమంలో చంద్రయాన్-2 విక్రమ్ ల్యాండర్ చంద్రుని ఉపరితలంపై గుర్తించిన 500 మీ x 500 మీ ల్యాండింగ్ స్పాట్ వైపు దూసుకుపోతున్నప్పుడు దాని వేగాన్ని తగ్గించడానికి రూపొందించిన ఇంజిన్‌లలో ఏమి తప్పు జరిగిందనే దాని గురించి ఇస్రో చీఫ్ వివరించారు.

‘ప్రాథమిక సమస్య ఏంటంటే ల్యాండర్ వేగాన్ని తగ్గించడానికి మా వద్ద ఐదు ఇంజన్లు ఉన్నాయి.. వీటిని రిటార్డేషన్ అని పిలుస్తారు.. ఈ ఇంజన్లు ఊహించిన దాని కంటే ఎక్కువ శక్తిని అభివృద్ధి చేశాయి’ అని తెలిపారు. ‘ఈ లోపం కారణంగా ఇది మేము ఊహించిన దాని కంటే ఎక్కువ శక్తి విడుదలయ్యింది.. క్రాఫ్ట్ చాలా వేగంగా మలుపులు చేయాల్సి వచ్చింది.. చాలా వేగంగా తిరగడం ప్రారంభమైన తర్వాత సాఫ్ట్‌వేర్ ద్వారా దాని సామర్థ్యం పరిమితం చేయాలి.. ఎందుకంటే ఇంత ఎక్కువ శక్తి వస్తుందని మేము ఎప్పుడూ ఊహించలేదు. ఇది రెండో తప్పిదం’ అని ఇస్రో ఛైర్మన్ పేర్కొన్నారు.

ఇక, తక్కువ విస్తీర్ణం ఉన్న ప్రదేశంలో ల్యాండింగ్‌కు ప్రయత్నించడం మూడో తప్పిదమని అన్నారు. ‘క్రాఫ్ట్ వేగాన్ని పెంచడం ద్వారా అక్కడికి చేరుకోవడానికి ప్రయత్నిస్తోంది.. ఇది దాదాపు ఉపరితలానికి దగ్గరగా ఉంది.. క్లుప్తంగా చెప్పాలంటే చంద్రయాన్ -2లో సమస్య ఏంటంటే, పారామీటర్ డిస్పర్షన్‌ను నిర్వహించగల సామర్థ్యం చాలా పరిమితం’ అని ఆయన అన్నారు.

కాబట్టి, ఈసారి దానిని మరింత విస్తరింపజేసి.. తప్పిదం పునరావృతం కాకుండా జాగ్రత్తలు తీసుకున్నాం.. కాబట్టి చంద్రయాన్ -2లో ఉపయోగించిన సక్సెస్ డిజైన్‌కు బదులుగా చంద్రయాన్‌-2 ఫెయిల్ అండ్ సేఫ్ మోడల్‌కు రూపకల్పన చేశాం’ అని ఇస్రో ఛైర్మన్ పేర్కొన్నారు.

Read More Latest Science & Technology News And Telugu News

[ad_2]

Source link