Chandrayaan 3 landing date: జాబిల్లిపై చంద్రయాన్ 3 ఎప్పుడు ల్యాండ్ అవుతుందో చెప్పేసిన ఇస్రో.. తేదీ, సమయం వెల్లడి

[ad_1]

Chandrayaan 3 landing date: చంద్రుడి గుట్టు విప్పేందుకు, అక్కడ పరిశోధనలు చేసేందుకు ఇస్రో ప్రయోగించిన చంద్రయాన్ 3 కి సంబంధించి ఇస్రో కీలక ప్రకటన చేసింది. ఈ ప్రయోగంలో చివరి డీబుస్టింగ్ ప్రక్రియ విజవంతమైనట్లు ప్రకటించిన ఇస్రో శాస్త్రవేత్తలు.. చంద్రయాన్ 3 లోని విక్రమ్ ల్యాండర్.. జాబిల్లి ఉపరితలంపై ఎన్ని గంటలకు దిగేది సమయంతో సహా వెల్లడించింది. చంద్రుడికి అత్యంత దగ్గరగా చేరుకున్న విక్రమ్ ల్యాండర్ ఇక సేఫ్ ల్యాండింగ్ కావడమే మిగిలి ఉందని పేర్కొంది. ఈ ప్రక్రియ మొత్తం విజయవంతంగా పూర్తి చేసేందుకు ఇస్రో శాస్త్రవేత్తలు కృషి చేసినట్లు తెలిపింది.

ఆగస్టు 23 వ తేదీన విక్రమ్ ల్యాండర్ చంద్రుడి ఉపరితలంపై కాలు మోపనుందని ఇస్రో ఇప్పటికే ప్రకటించింది. అయితే బుధవారం సాయంత్రం 6.04 గంటలకు విక్రమ్ ల్యాండర్.. జాబిల్లిపై దిగుతుందని తెలిపింది. ఇక ఇప్పటికే చివరి బూస్టింగ్ ప్రక్రియను విక్రమ్ ల్యాండర్ మాడ్యూల్ పూర్తి చేసుకుందని పేర్కొంది. ఈ ప్రక్రియను విజయవంతంగా పూర్తి చేసినట్లు శనివారం అర్ధరాత్రి దాటిన తర్వాత ఇస్రో ప్రకటించింది. ప్రస్తుతం విక్రమ్‌ ల్యాండర్ 25 కిలోమీటర్లు X 134 కిలోమీటర్ల కక్ష్యలో తిరుగుతోందని వివరించింది. ఈ నేపథ్యంలోనే విక్రమ్ ల్యాండర్ జాబిల్లి దక్షిణ ధ్రువం మీద సాఫ్ట్‌ ల్యాండింగ్‌ చేసేలా ఇస్రో దృష్టి సారించింది.

విక్రమ్ ల్యాండర్ మాడ్యూల్‌ను అంతర్గతంగా పూర్తిగా తనిఖీ చేయాల్సి ఉందని తెలిపింది. ల్యాండింగ్ సమయంలో దక్షిణ ధ్రువంపై సూర్యుని వెలుగు కోసం చూస్తున్నట్లు ఇస్రో పేర్కొంది. అయితే చంద్రుడిపై విక్రమ్ ల్యాండర్ అడుగుపెట్టే ప్రక్రియ ఆగస్టు 23 వ తేదీన సాయంత్రం 5.45 నిమిషాలకు ప్రారంభమవుతుందని.. 6.04 గంటలకు పూర్తి అవుతుందని ఇస్రో ట్విటర్ వేదికగా వెల్లడించింది.

మరోవైపు.. చంద్రయాన్ 3 కి పోటీగా రష్యా చేపట్టిన లూనా 25 స్పేస్‌క్రాప్ఠ్ విఫలమైంది. చంద్రుడి వద్దకు వెళ్లిన లూనా 25.. చివరి అంకం వద్ద ఫెయిల్ అయి.. జాబిల్లిపై కాలుపెట్టకుండానే కుప్పకూలిపోయింది. దీనికి సంబంధించి రష్యా అంతరిక్ష పరిశోధన సంస్థ రోస్‌కాస్మోస్ ప్రకటించింది. ఈ నేపథ్యంలో ప్రస్తుతం ప్రపంచం దృష్టి మొత్తం చంద్రయాన్‌ 3 ల్యాండింగ్‌పై పడింది.

Luna 25: షాకింగ్ న్యూస్.. చంద్రుడిపై కూలిపోయిన రష్యా అంతరిక్షనౌక లూనా 25