[ad_1]
<p><strong>GST Collection Data For November 2023:</strong> మన దేశంలో వస్తు, సేవల పన్నుల (Goods and Services Tax) వసూళ్లు మరోమారు భారీ అంకెను సృష్టించాయి. దీపావళి (Diwali 2023), ధంతేరస్, ఛత్ వంటి పండుగల సీజన్ కారణంగా, నవంబర్‌ నెలలో దేశంలో కొనుగోళ్లు పీక్‌ స్టేజ్‌కు చేరాయి. ఫలితంగా ఆ నెలలో GST వసూళ్లు కూడా అంతే స్థాయిలో ఉన్నాయి. </p>
<p>2023 నవంబర్‌ నెలలో జీఎస్‌టీ వసూళ్లు (GST collection in November-2023) రూ.1.68 లక్షల కోట్లకు చేరాయి, గత ఏడాది ఇదే నెలతో పోలిస్తే ఇది 15 శాతం పెరిగింది. అయితే, 2023 అక్టోబర్‌ నెలతో పోలిస్తే నవంబర్‌లో కలెక్షన్స్‌ తగ్గుముఖం పట్టాయి. అక్టోబర్ నెలలో జీఎస్టీ అమౌంట్‌ రూ.1.72 లక్షల కోట్లుగా ఉంది. నెలవారీగా తగ్గింది కదాని ఆ నంబర్‌ను తక్కువగా చూడాల్సిన అవసరం లేదు, ఇది ఒక పెద్ద సంఖ్య. </p>
<p>ప్రజల్లో పెరిగిన కొనుగోళ్ల స్థోమత సూచించే గణాంకాల్లో జీఎస్‌టీ వసూళ్లు కూడా ఒకటి. </p>
<p>ప్రస్తుత ఆర్థిక సంవత్సరం సెప్టెంబర్‌ త్రైమాసికంలో భారతదేశ స్థూల జాతీయ ఉత్పత్తి ‍‌(India’s Gross Domestic Production – GDP) అంచనాలకు మించి పెరిగింది. జులై – సెప్టెంబర్ కాలంలో GDP గ్రోత్‌ రేట్‌ 6.5 శాతంగా ఉంటుందని రిజర్వ్‌ బ్యాంక్‌ (RBI) గతంలో అంచనా వేసింది. ఆ అంచనాలను మించి, భారతదేశ ఆర్థిక వ్యవస్థ 7.6 శాతం చొప్పున వృద్ధి ‍‌‍‌(GDP growth rate in September quarter) చెందింది. </p>
<p><span style="color: #e67e23;">రెండు పాజిటివ్‌ డేటాలు</span><br />మన దేశ ఆర్థిక పరిస్థితి చాలా పటిష్టంగా ఉందని నిరూపించే రెండు గణాంకాలు వరుసగా ఒకదాని వెంట మరొకటి బయటకు రావడంతో పెట్టుబడిదార్లలో ఉత్సాహం నెలకొంది. మరిన్ని విదేశీ పెట్టుబడులను ఆకర్షించడానికి కూడా ఇది సానుకూల పరిణామం.</p>
<p>ఆర్థిక మంత్రిత్వ శాఖ GST వసూళ్ల డేటాను విడుదల చేసింది. ఆ డేటా ప్రకారం… నవంబర్‌ నెలలో మొత్తం GST వసూళ్లు రూ.1,67,929 కోట్లుగా ఉన్నాయి. ఇందులో… CGST రూ.30,420 కోట్లు, SGST రూ.38,226 కోట్లు, IGST రూ.87,009 కోట్లుగా ఉంది. అంతకుముందు నెలలో ఐజీఎస్టీ వసూళ్లు రూ.91,315 కోట్లు. సెస్ వసూలు రూ.12,274 కోట్లు కాగా, అందులో రూ.1036 కోట్లను దిగుమతి చేసుకున్న వస్తువులపై వసూలు చేశారు.</p>
<p>2023-24 ఆర్థిక సంవత్సరంలో జీఎస్‌టీ వసూళ్లు రూ. 1.60 లక్షల కోట్లకు పైగా నమోదు కావడం ఇది ఆరోసారి. 2023-24 ఆర్థిక సంవత్సరంలో, ఏప్రిల్ నుంచి నవంబర్ నెలల్లో మొత్తం GST వసూళ్లు 11.9 శాతం పెరిగి రూ. 13,32,440 కోట్లకు చేరుకోగా, గత ఏడాది ఇదే కాలంలో మొత్తం GST వసూళ్లు రూ. 11,90,920 కోట్లుగా ఉన్నాయి. ఈ ఎనిమిది నెలల్లో, సగటున ప్రతి నెలా రూ.1.66 లక్షల కోట్లు వసూలయ్యాయి. 2022-23 ఇదే కాలంలో సగటున రూ. 1.49 లక్షల కోట్లు.</p>
<p>ఈ ఆర్థిక సంవత్సరం ఏప్రిల్ నెలలో జీఎస్టీ వసూళ్లు రూ.1,87,035 కోట్లకు చేరాయి, ఇదే రికార్డ్‌ (highest ever GST collection). ఆ తర్వాత మే-సెప్టెంబర్ మధ్య స్వల్ప తగ్గుదల కనిపించింది.</p>
<p>మరో ఆసక్తికర కథనం: <a title="అంబానీ, అదానీ కాదు.. మన దేశంలో సిసలైన సంపన్నులు వీళ్లే" href="https://telugu.abplive.com/business/stock-market-news-in-telugu-d-mart-s-radhakishan-damani-leads-hurun-india-s-self-made-entrepreneur-list-top-10-130952" target="_self">అంబానీ, అదానీ కాదు.. మన దేశంలో సిసలైన సంపన్నులు వీళ్లే</a></p>
[ad_2]
Source link
GDPతో పోటీ పడిన GST, నవంబర్ నెలలో రూ.1.68 లక్షల కోట్ల వసూళ్లు
![](https://prakshalana.in/wp-content/uploads/https://feeds.abplive.com/onecms/images/uploaded-images/2023/12/02/680489d7592e4ca5ed8e91688c06e0aa1701498199976545_original.jpg?impolicy=abp_cdn&imwidth=1200&imheight=628)