[ad_1]
గుండెపోటు లక్షణాలు..
- సాధారణంగా ఛాతీలో నొప్పి ఉంటుంది. ఛాతీ బిగపట్టినట్టు, ఏదో పొడుస్తున్నట్లు అనిపిస్తుంది. నొప్పి ఛాతీలోంచి భుజాలు, మెడ, చేతుల వైపు పాకుతుంటుంది.
- చేయి లాగినట్టు ఉండటం, దవడనొప్పి ఉంటుంది. గుండెలో మంటగా అనిపిస్తుంది. దడ, ఆయాసం వస్తుంది. వీటితో పాటు బాగా చెమట పడుతుంది. గుండె వేగంగా కొట్టుకోవటం.
- తల తేలిపోవటం, బలహీనత, తలతిప్పుతూ ఉంటుంది
- శ్వాస తీసుకోవటంలో ఇబ్బంది ఉంటుంది. వికారం, అజీర్ణం. కొన్నిసార్లు వాంతి కూడా అవుతుంది.
- కొంతమంది రోగులు తగినంత విశ్రాంతి తీసుకున్న తర్వాత కూడా అలసటగా ఉండవచ్చు.
- చేతులు, వేళ్లలో జలదరింపుప్రత్యేకించి పనులు చేస్తుంటే ఈ లక్షణా తీవ్రం అవుతాయి. అయితే, అందరికీ ఒకే రకమైన లక్షణాలు ఉండవు.
ఛాతీలో మంట లక్షణాలు ఇలా ఉంటాయి..
- ఛాతీలో మంటగా ఉంటుంది. ఇది ఛాతీలో పక్కటెముకలు కలిసే పొడవాటి ఎముక (స్టెర్నమ్) వద్ద మొదలవుతుంటుంది.
- నొప్పి గొంతు వైపు వెళ్తుంది. కానీ భుజాలు, మెడ, చేతులకు పాకదు.
- కడుపులో అసౌకర్యంగా ఉండటం, గొంతు, పొట్ట వెనక భాగంలో వేడిగా సెగలు వస్తూ ఉంటాయి.
- ఛాతిలో మంట కొన్ని గంటల పాటు మనల్ని ఇబ్బంది పెడుతుంది.
- వంగేటప్పుడు, పడుకునేటప్పుడు ఛాతిలో నొప్పిగా అనిపిస్తుంది.
- పులి తేన్పులు రావటం, గొంతుచేదుగా అనిపిస్తుంది.
- గొంతులో విపరీతమైన మంట, మింగడంలో ఇబ్బందిగా ఉంటుంది.
మీ గుండెను రక్షించుకోవడానికి.. ఈ జాగ్రత్తలు తీసుకోండి..
ఈ ఆహారం తీసుకోండి..
గుండె ఆరోగ్యాన్ని కాపాడుకోవడానికి మీ డైట్‌లో తాజా ఆకుకూరలు, కూరగాయలు, పండ్లు ఎక్కువగా తీసుకోండి. వీటిల్లోని యాంటీ ఆక్సిడెంట్లు, ఫైబర్‌ గుండె ఆరోగ్యానికీ ఎంతో మేలు చేస్తాయి. కొవ్వులు తక్కువగా ఉండే వేరుశెనగ, బాదం, పిస్తా.. వంటి నట్స్‌ను రోజూ తీసుకునే ఆహారంలో భాగం చేసుకోవాలి. ఒమెగా 3 ఫ్యాటీ యాసిడ్స్ గుండె ఆరోగ్యాన్ని కాపాడతాయి. అవిసె గింజలు, ఆలీవ్‌ ఆయిల్‌, అవకాడో,చియా గింజలు, గుమ్మడి విత్తనాలు, బాదంపప్పు, కోడిగుడ్డు, వాల్‌నట్స్‌, బ్రొకోలి, కొత్తిమీర, పిస్తా వంటి వాటిలో ఒమెగా 3 ఫ్యాటీ యాసిడ్స్ పుష్కలంగా ఉంటాయి.
వ్యాయమం చేయండి..
రోజూ వ్యాయామం చేయడం.. ఎక్కువగా శారీరక శ్రమ ఉండే పనులు చేసేవారిలో గుండె జబ్బులు వచ్చే ముప్పు తక్కువగా ఉంటుందని అధ్యయనాలు స్పష్టం చేశాయి. రోజు గుండె వేగాన్ని పెంచే వ్యాయామాలు 10 నిమిషాలు అయినా చేయాలని నిపుణులు చెబుతున్నారు. ఉన్నచోటే ఎగరటం, కాళ్లు లేపటం, చేతులు తిప్పటం వంటివి చేయండి. గుండె ఆరోగ్యానికి వారానికి కనీసం 150 నిమిషాల పాటైనా వ్యాయామం చేయాలని నిపుణులు అంటున్నారు.
వీటికి దూరంగా ఉండండి..
గుండె ఆరోగ్యంగా ఉండాలంటే.. సంతృప్త కొవ్వు తక్కువగా తీసుకోండి. సంతృప్త కొవ్వులు రక్తంలో కొలెస్ట్రాల్‌ స్థాయులు పెరిగేలా చేస్తాయి. చికెన్‌, వెన్న, ఛీజ్‌, వెన్నతీయని పాలతో చేసిన పదార్థాల్లో సంతృప్త కొవ్వులు ఎక్కువగా ఉంటాయి. వీటిని తక్కువగా తీసుకోవాలి.
స్మోకింగ్‌ చేసేవారికి గుండెజబ్బు వచ్చే అవకాశం 70% ఎక్కువ. మీ గుండెను ఆరోగ్యంగా ఉంచుకోవడానికి స్మోకింగ్‌కు దూరంగా ఉండటం మంచిది.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
[ad_2]
Source link
Leave a Reply