[ad_1]
రోస్‌కాస్మోస్ ప్రకారం లూనా-25తో ఆగస్టు 19 మధ్యాహ్నం 2:57 గంటలకు (11:57 GMT) అకస్మాత్తుగా కమ్యూనికేషన్ తెగిపోయింది.. వ్యోమనౌక కక్ష్య గతి తప్పింది. ‘చంద్రుడి ఉపరితలాన్ని ఢీకొట్టడంతో వ్యోమనౌక అనూహ్యమైన కక్ష్యలోకి వెళ్లి ఉనికిని కోల్పోయింది’ ప్రాథమికంగా అంతరిక్ష సంస్థ పేర్కొంది. ‘ప్రీ ల్యాండింగ్ కక్ష్యలోకి వ్యోమనౌకను ప్రవేశపెట్టడానికి థ్రస్ట్ ఇంజిన్లు మండించాం.. ఆపరేషన్ సమయంలో ఆటోమేటిక్ స్టేషన్‌లో అత్యవసర పరిస్థితి ఏర్పడింది.. ఇది విన్యాసాన్ని నిర్వహించడానికి అనుమతించలేదు’ అని వివరించింది.
ఆగస్టు 20న తిరిగి సంబంధాలను పునరుద్దరించే ప్రయత్నాలు చేసినా దురదృష్టవశాత్తూ అది విజయవంతం కాలేదని, లూనా-25 కూలిపోయిందని రోస్‌కాస్మోస్ పేర్కొంది. ఈ అంశంపై మినిస్టీరియల్ విచారణకు ఆదేశించినట్టు తెలిపింది. అయితే, వ్యోమనౌకలో తలెత్తిన సాంకేతిక సమస్యను మాత్రం స్పష్టం వెల్లడించలేదు.
కాగా, 800 కిలోగ్రాముల బరువున్న లూనా-25 చంద్రుని దక్షిణ ధ్రువంపై సాఫ్ట్ ల్యాండింగ్‌తో చరిత్ర సృష్టించడానికి ఆగస్టు 10 తెల్లవారుజామున 2.10 గంటలకు వోస్తోక్నీ కాస్మోడ్రోమ్‌ నుంచి బయలుదేరి వెళ్లింది. కేవలం ఐదు రోజుల్లోనే చంద్రుడి కక్ష్యలోకి చేరుకుంది. దీంతో ఆగస్టు 21న ల్యాండింగ్ నిర్వహించాలని భావించారు. కానీ, రష్యా చేసిన ప్రయత్నాలు విఫలమై వ్యోమనౌక కూలిపోయింది. చివరిగా 1989లో సోవియట్ యూనియన్ ఫోబోస్ 2 మార్స్, చంద్రులపై అన్వేషణకు ప్రయోగించింది. ఇది కూడా సాంకేతిక లోపం కారణంగా విఫలమైంది.
అయితే, ఈ మిషన్ సక్సెస్‌పై రష్యా అంతరిక్ష నిపుణులు సందేహం వ్యక్తం చేశారు. సోవియట్ విచ్ఛిన్నం అనంతరం చంద్రుడిపై పరిశోధనలకు పంపుతోన్న మొదటి వ్యోమనౌక.. ‘ఇది సాఫీగా దిగగలదా? అనేది అతిపెద్ద ప్రశ్న.. ఈ మిషన్ రష్యాకు చాలా ముఖ్యమైంది’ అని విటాలీ ఇరగోవ్ అనే నిపుణుడు నొక్కి చెప్పారు. ప్రయోగాలు కేవలం 70 శాతం మాత్రమే విజయమవంతమవుతాయని రోస్‌కాస్మోస్ చీఫ్.. రెండు నెలల కింద పుతిన్‌కు వివరించడం గమనార్హం.
Read More Latest Science & Technology News And Telugu News
[ad_2]
Source link
Leave a Reply