Super Blue Moon: ఆకాశంలో అద్భుతం.. కనువిందు చేయనున్న సూపర్ బ్లూ మూన్.. మళ్లీ 14 ఏళ్ల తర్వాతే !

[ad_1]

Super Blue Moon: మరికొద్దిసేపట్లో ఆకాశంలో సూపర్ బ్లూ మూన్ కనువిందు చేయనుంది. రోజూ వచ్చే చంద్రుడిలాగా కాకుండా జాబిల్లి ఇవాళ(ఆగస్టు 30) పెద్దగా, అత్యంత కాంతివంతంగా కనిపించనుంది. భూమికి అత్యంత సమీపానికి చంద్రుడు వచ్చినపుడు పౌర్ణమి రావడంతో ఆకాశంలో ఈ అద్భుతమైన సూపర్ బ్లూ మూన్ అద్భుతం ఆవిష్కృతం కానుంది. భూమికి 3.57 లక్షల కిలోమీటర్ల దూరంలో బుధవారం చంద్రుడు దర్శనం ఇవ్వనున్నాడు. అయితే బ్లూ మూన్‌ అంటే చంద్రుడు బ్లూ కలర్‌లో కనిపించడు. నారింజ రంగులో జాబిల్లి కనిపిస్తుంది. అయితే ఈ ఆగస్టు నెలలోనే ఇలా బ్లూ మూన్ కనిపించడం ఇది రెండోసారి కావడం విశేషం. సాధారణంగా ఒకే నెలలో రెండు సార్లు పౌర్ణమి రోజున బ్లూ మూన్ కనిపించడం చాలా అరుదు కావడంతో దీన్ని సూపర్ బ్లూ మూన్‌గా పిలుస్తున్నారు. దీంతో ఈ సూపర్ బ్లూ మూన్ మరింత ప్రాధాన్యతను సంతరించుకుంది.

అయితే సాధారణంగా ఒక ఏడాదిలో రెండు లేదా మూడు సూపర్ మూన్‌లు ఏర్పడుతు ఉంటాయి. ఈ క్రమంలోనే బుధవారం రాత్రి 8 గంటలకు సూపర్ బ్లూ మూన్ ఆవిష్కృతం కానుంది. అయితే స్పేస్‌.కామ్‌ చెప్పిన వివరాల ప్రకారం.. బుధవారం రాత్రి 7.10 గంటలకు ఈ సూపర్‌ బ్లూ మూన్‌ కనిపించనుంది. అనంతరం రెండు గంటల తర్వాత ఈ సూపర్ బ్లూ మూన్ అత్యంత ప్రకాశవంతంగా, పెద్దగా దర్శనం ఇస్తుందని అమెరికా అంతరిక్ష పరిశోధన సంస్థ నాసా వెల్లడించింది. ఈ సూపర్ బ్లూ మూన్ గురువారం ఉదయం 6.46 గంటలకు సూర్యోదయంతో మాయం కానుంది. అయితే వెలుతురు తక్కువగా ఉన్న వేళ.. చంద్రుడు అందంగా కనిపిస్తుందని శాస్త్రవేత్తలు వెల్లడిస్తున్నారు. ఈ క్రమంలోనే భారత్‌లో ఉన్నవారు తెల్లవారుజామున ఈ సూపర్ బ్లూ మూన్‌ను చూడటం మంచిదని సూచిస్తున్నారు.

అయితే చాలా మంది బ్లూ మూన్ అంటే చంద్రుడు బ్లూ కలర్‌లో కనిపిస్తాడని భావిస్తారు. అయితే అందులో నిజం లేదు. ఈ బ్లూ మూన్ ఆరెంజ్ కలర్‌లో దర్శనం ఇస్తుంది. ఒకే నెలలో రెండోసారి ఏర్పడే పౌర్ణమి రోజున కనిపించే చంద్రుడిని బ్లూ మాన్‌గా పిలుస్తుంటారు. ఒకే నెలలో బ్లూ మూన్‌, సూపర్‌ మూన్‌లు దర్వనమివ్వడం చాలా అరుదు అనే చెప్పాలి. ఇప్పుడు కనిపించే సూపర్‌ బ్లూ మూన్‌.. నాలుగు పౌర్ణమిలతో కూడిన సీజన్‌లో అదనపు చంద్రుడు కావడం గమనార్హం. అందుకే బుధవారం ఏర్పడనున్న బ్లూ మూన్ ప్రత్యేకమైందని శాస్త్రవేత్తలు చెబుతున్నారు. సాధారణంగా పౌర్ణమి రోజుల కంటే సూపర్‌ మూన్‌ సమయంలో చంద్రుడు మరింత ప్రకాశవంతంగా కనిపించడంతో పాటు పెద్దదిగా కనిపిస్తాడు. సాధారణంగా వచ్చే వెలుతురు కంటే 16 శాతం వెన్నెలను పంచనున్నాడు.

సూపర్‌ బ్లూ మూన్‌ చాలా అరుదుగా వస్తుందని శాస్త్రవేత్తలు చెబుతున్నారు. ఖగోళ పరిస్థితుల కారణంగా ప్రతి 10 ఏళ్లకు ఒకసారి మాత్రమే ఇలాంటి సూపర్ బ్లూ మూన్ వస్తుందని నాసా తెలిపింది. ఒక్కోసారి సూపర్‌ బ్లూ మూన్‌ రావడానికి 20 సంవత్సరాలు కూడా పడుతుందని వెల్లడించింది. ఇంతకుముందు చివరిసారిగా బ్లూ బూన్‌ 2009 డిసెంబర్‌లో ఏర్పడింది. అయితే మళ్లీ సూపర్ బ్లూ మూన్‌ను చూడాలంటే 2037 జనవరి వరకు ఆగాల్సిందేనని శాస్త్రవేత్తలు చెబుతున్నారు. ఆ తర్వాత అదే ఏడాది మార్చిలో మరొక సూపర్ బ్లూ మూన్ దర్శనం ఇవ్వనుందని పేర్కొన్నారు. అంటే మళ్లీ 14 సంవత్సరాల వరకు ఈ సూపర్ బ్లూ మూన్ చూడలేరని స్పష్టం చేశారు. అందుకే అలాంటి అద్భుత దృశ్యాన్ని మీరు కూడా చూసేయండి.

Aditya L1 Mission: తొలిసారి సూర్యుడిపైకి ఇస్రో ప్రయోగం.. మరో వారం రోజుల్లో ఆదిత్య ఎల్ 1 మిషన్
Vyommitra: అంతరిక్షంలోకి మహిళా రోబోను పంపనున్న ఇస్రో.. త్వరలోనే గగన్‌యాన్ మిషన్‌