[ad_1]
ఇస్రో పంపించిన చంద్రయాన్ 3 ప్రయోగంలోని విక్రమ్ ల్యాండర్.. జాబిల్లి ఉపరితలంపై ల్యాండ్ అయ్యే అపురూప ఘట్టాన్ని అన్ని ప్రభుత్వ పాఠశాలల్లో ప్రత్యక్ష ప్రసారం చేయాలని యూపీ సీఎం యోగి ఆదిత్యనాథ్ అధికారులకు నిర్దేశించారు. ఈ మేరకు అన్ని ప్రభుత్వ పాఠశాలల్లో విద్యార్థులకు లైవ్ చూపించేందుకు అన్ని ఏర్పాట్లు చేయాలని ఉత్తర్‌ప్రదేశ్ విద్యాశాఖ అధికారులకు ఆదేశాలు జారీ చేశారు. ఆగస్టు 23 వ తేదీన సాయంత్రం 5.27 గంటల సమయానికి చంద్రయాన్ 3 ప్రయోగంలోని విక్రమ్ ల్యాండర్.. చంద్రుడిపై దిగే ప్రక్రియను ఇస్రో ప్రత్యక్ష ప్రసారం చేయనుంది. వెబ్‌సైట్‌, యూట్యూబ్‌ ఛానల్‌, డీడీ నేషనల్‌ ఛానెళ్ల ద్వారా ఆ అరుదైన దృశ్యాలను వీక్షించవచ్చని ప్రభుత్వం జారీ చేసిన ఉత్తర్వుల్లో పేర్కొంది. ఈ నేపథ్యంలోనే అన్ని పాఠశాలలు, విద్యాసంస్థల్లో సాయంత్రం 5.15 గంటల నుంచి 6.15 గంటల వరకు ప్రత్యక్ష ప్రసారానికి కావాల్సిన ఏర్పాట్లు చేయాలని తెలిపింది.
యూపీ సర్కార్ జారీ చేసిన ఈ ఆదేశాలపై అదనపు ప్రాజెక్ట్ డైరెక్టర్‌ మధుసూదన్ హుల్గీ మాట్లాడారు. గవర్నమెంట్ స్కూళ్లను సాయంత్రం 6 తర్వాత కూడా తెరిచి ఉంచడం ఇదే మొదటిసారి అని వెల్లడించారు. చంద్రుడిపై చంద్రయాన్ దిగే చారిత్రక ఘట్టాన్ని విద్యార్థులకు చూపించి.. వారికి అంతరిక్ష ప్రయోగాలపై అవగాహన కల్పించేందుకే ఈ నిర్ణయమని తెలిపారు. దీని వల్ల విద్యార్థుల్లో ఆసక్తిని కలిగించడమే కాకుండా.. ఆ రంగంలో వారికి మరింత ఇష్టం కలిగేలా చేస్తుందని మధుసూదన్ హుల్గీ పేర్కొన్నారు. జులై 14 వ తేదీన ఆంధ్రప్రదేశ్‌లోని తిరుపతి జిల్లా శ్రీహరికోటలోని షార్‌ ప్రయోగ వేదిక నుంచి చంద్రయాన్ 3 నింగిలోకి దూసుకెళ్లింది. బుధవారం సాయంత్రం 6.04 గంటలకు విక్రమ్ ల్యాండర్ జాబిల్లి దక్షిణ ధ్రువంపై సాఫ్ట్‌ ల్యాండింగ్ కానుంది. ఆ తర్వాత ల్యాండర్ నుంచి ప్రజ్ఞాన్‌ రోవర్ బయటికి వచ్చి.. రెండు వారాల పాటు చంద్రుడి ఉపరితలంపై పరిశోధనలు చేయనున్నాయి. ఈ ప్రయోగం విజయవంతమైతే.. అమెరికా, రష్యా, చైనా తర్వాత జాబిల్లిపై కాలుమోపిన నాలుగో దేశంగా భారత్ నిలవనుంది. మరోవైపు.. దక్షిణ ధ్రువంపై అడుగుపెట్టిన తొలి దేశంగా సరికొత్త చరిత్రను లిఖించనుంది.
Chandrayaan 3 Landing: చంద్రయాన్ 3 ప్రయోగం.. అంతరిక్ష రంగంలో తిరుగులేని శక్తిగా భారత్
Prakash Raj: చంద్రయాన్ 3 పై వివాదాస్పద పోస్ట్.. ప్రకాశ్ రాజ్‌పై కేసు నమోదు
Read More Latest Science & Technology News And Telugu News
[ad_2]
Source link
Leave a Reply