[ad_1]
వీరభద్రాసనం..
రోజూ వీరభద్రాసనం ప్రాక్టిస్‌ చేయడం వల్ల.. చేతులు, కాళ్లు, వీపు కింది భాగాలు బలపడతాయని నిపుణులు చెబుతున్నారు. ఈ భంగిమ భుజాలను దృఢంగా మారుస్తుంది. అర్థరైటిస్‌ సమస్యతో బాధపడేవారికి.. వీరభద్రాసనం ఉపశమనం కలిగిస్తుంది.
మార్జారాసనం..
రోజూ మార్జారాసనం ప్రాక్టిస్‌ చేస్తే.. శరీరంలో రక్త ప్రసరణ మెరుగుపడుతుంది. ఫ్లెక్సిబిలిటీతో పాటు కీళ్లలో బలం వస్తుంది. అందుకే ఆర్థరైటిస్‌తో బాధపడేవారు.. ఈ ఆసనం వేస్తే మంచిదని నిపుణులు చెబుతున్నారు.
ఎలా వేయాలి..
ఈ ఆసనం వేయడానికి రెండు చేతులను గడ్డం కింద ఉంచుకుని బోర్లాపడుకుని విశ్రాంతి స్థితిలో ఉండాలి. రెండు అరచేతులను నేల మీద ఉంచి మోకాళ్ల మీద లేవాలి. ఈ స్థితిలో చేతులు నిటారుగా ఉండాలి. ఇప్పుడు శ్వాస తీసుకుంటూ వీపును కిందకు వంచి తలను పెకైత్తాలి. తర్వాత శ్వాస వదులుతూ వీపును పైకి లేపుతూ తలను కిందికి వంచి నాభిని చూడాలి. ఇలా రోజూ పదిసార్లు చేసిన తర్వాత బోర్లా పడుకుని విశ్రాంతి తీసుకోవాలి.
త్రికోణాసనం..
త్రికోణాసనం వెన్నునొప్పిని తగ్గించడానికి, కండరాలను బలోపేతం చేయడానికి సహాయపడుతుంది. వెన్నునొప్పి, సయాటికా సమస్యను తగ్గించడానికి ఇది చాలా ఎఫెక్టివ్‌గా పనిచేస్తుంది. వెన్నెముక, చేతులు, ఛాతీని సాగదీస్తుంది, బలపరుస్తుంది.
ఎలా వేయాలి..
పాదాలను దూరంగా పెట్టి నిల్చొని, చేతులను రెండు వైపులకు చాచాలి. డీప్‌ బ్రీత్‌ తీసుకోవాలి. నెమ్మదిగా శ్వాస వదులుతూ తుంటి నుంచి శరీరాన్ని కుడివైపునకు వంచాలి. నడుము తిన్నగా ఉండాలి. ఎడమ చేయిని పైకెత్తి, కుడి చేతిని కుడి పాదానికి తాకించాలి. చేతులు రెండూ ఒకే వరుసలో ఉండేలా చూసుకోవాలి. తల కుడివైపునకు తిప్పి, ఎడమ చేయిని చూడాలి. తర్వాత శ్వాస తీసుకుంటూ యథాస్థితికి రావాలి. ఆ తర్వాత.. మరోవైపున ఇలాగే చేయాలి.
వృక్షాసనం..
వృక్షాసనం వెన్నుపూసను, కాళ్లను బలపరుస్తుంది. సమతుల్యతను కూడా మెరుగుపరుస్తుంది. ఈ ఆసనం అర్థరైటిస్‌ పేషెంట్స్‌కు చాలా ఉపయోగపడుతుంది.
ఎలా వేయాలి..
కాళ్ల మధ్య రెండు ఇంచుల దూరం ఉంటాలి. ఎదురుగా ఏదో ఒక వస్తువుపైన దృష్టిని కేంద్రీకరించాలి. గాలిని బిగబట్టి కుడికాలి పాదాన్ని ఎడమ కాలి తొడపై వేసుకోవాలి. గాలిని వదులుతూ రెండు చేతులను పైకి గాల్లోకి నమస్కార ముద్రలో లేపాలి. 10-30 సెకన్ల పాటు ఇలా ఉంటూ సాధారణ స్థితిలో గాలిని పీల్చుకోవాలి. అనంతరం గాలిని మెల్లగా వదులుతూ చేతులను కిందకు దించాలి. పాదాన్ని కూడా సాధారణ స్థితికి తీసుకురావాలి. ఇదే విధంగా ఎడమ కాలి పాదాన్నీ కుడి తొడపైకి తీసుకొచ్చి, చేతులను నమస్కార ముద్రలోకి తెచ్చి ఆసనాన్ని పూర్తి చేయాలి.
భుజంగాసనం..
భుజంగాసనం వెన్నును బలపరుస్తుంది. అర్థరైటిస్‌ పేషెంట్స్‌ ఈ ఆసనం వేస్తే.. కొంత ఉపశమనం లభిస్తుంది.
ఎలా వేయాలి..
బోర్లా పడుకొని శరీరం మొత్తాన్ని పూర్తిగా సాగదీయాలి. రెండు పాదాల వేళ్లు, మడమలు నేలకు తాకేలా చూసుకోవాలి. అరచేతులను ఛాతీ పక్కలకు తీసుకొచ్చి, నేలకు ఆనించాలి. శ్వాసను తీసుకుంటూ నెమ్మదిగా తల, ఛాతీని పైకి లేపాలి. మోచేతులు నేలకు ఆని ఉండేలా చూసుకోవాలి. కొద్దిసేపయ్యాక శ్వాసను వదులుతూ తిరిగి మామూలు స్థితికి రావాలి.
ఈ ఆసనాలూ మేలు చేస్తాయి..
సేతుబంధాసనం, వజ్రాసనం, ఆంజనేయాసనం, కుక్కుతాసనం కూడా ఆర్థరైటిస్ పేషెంట్స్‌కు మేలు చేస్తాయిని నిపుణులు చెబుతున్నారు. కానీ మీకు వెన్ను, నడుము, భుజాలలో నొప్పి ఉంటే ఈ ఆసనాలను ప్రాక్టిస్‌ చేయవద్దు. అలాగే, ఏదైనా యోగాసనాన్ని ప్రారంభించే ముందు, మీ వైద్యుడిని సంప్రదించండి.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
[ad_2]
Source link
Leave a Reply