ఇవి ఎక్కువగా తింటే.. శరీరం కాల్షియం గ్రహించుకోలేదు..!

మాంసం, హై ప్రొటీన్‌ ఫుడ్స్‌..

ఎముకల ఆరోగ్యానికి ప్రోటీన్ చాలా అవసరం, కానీ ప్రోటీన్ ఎక్కువగా తీసుకోవడం వల్ల ఎముకలకు హాని జరిగే ప్రమాదం ఉంది. ప్రొటీన్లు ఎక్కువగా ఉండే ఆహారం అధికంగా తింటే.. శరీరంలో కాల్షియం లోపం ఏర్పడుతుంది. మీ ఎముకలను దృఢంగా ఉంచుకోవడానికి ప్రొటీన్‌, కాల్షియం రెండూ ఉండే ఆహారాలను మీ డైట్‌లో ఎక్కువ చేర్చుకోండి. పాల ఉత్పత్తులలో ఈ పోషకాలు రెండూ ఉంటాయి.

(Image source – pixabay)

బీన్స్‌..

బీన్స్‌లో కాల్షియం, మెగ్నీషియం, ఫైబర్, ఇతర పోషకాలు ఉంటాయి. ఈ పోషకాలు మన ఆరోగ్యానికి ఎంతో మేలు చేస్తాయి. అయితే, బీన్స్‌లో ఫైటేట్స్ అనే పదార్థాలు కూడా ఎక్కువగా ఉంటాయి. బీన్స్‌లోని కాల్షియాన్ని గ్రహించే, శరీరం సామర్థ్యాన్ని ఫైటేట్స్ అడ్డుకుంటాయి. మీరు బీన్స్‌ను ఒక గంటపాటు నీటిలో నానబెట్టి, ఆపై వాటిని మంచినీటిలో ఉడికిస్తే.. ఫైటేట్ స్థాయిలను తగ్గించవచ్చు.

(Image source – pixabay)​

Herbs For Kidney Health: ఈ 5 ఆకులు.. మీ కిడ్నీలను ఆరోగ్యంగా ఉంచుతాయ్‌..!

ఉప్పు..

ఉప్పు ఎక్కువగా తింటే.. శరీరంలో కాల్షియం లోపం తలెత్తుతుందని నిపుణులు చెబుతున్నారు. ఉప్పులో సోడియం ఉంటుంది.. ఇది శరీరంలోని కాల్షియాన్ని క్షీణింపజేస్తుంది, ఎముకల నష్టానికి దారితీస్తుంది. మీ ఎముకలను ఆరోగ్యంగా, దృఢంగా ఉంచుకోవడానికి తక్కువ ప్రాసెస్‌ చేసిన ఆహారాలు, ప్యాక్‌ చేసిన ఆహారాలు, ఉప్పు తక్కువగా తీసుకోవాలి. రోజుకు 2,300 మిల్లీగ్రాముల కంటే ఎక్కువ సోడియం తీసుకోవద్దు.

(Image source – pixabay)

పాలకూర..

బచ్చలికూర వంటి ఆక్సలేట్ (ఆక్సాలిక్ యాసిడ్) అధికంగా ఉండే ఆహారాల నుంచి మీ శరీరం కాల్షియంను సరిగ్గా గ్రహించలేదు. చిక్కుళ్లు, కొన్ని దుంప కూరల్లోనూ ఆక్సలేట్స్‌ ఉంటాయి. ఈ ఆహార పదార్థాల్లో పోషకాలు అధికంగా ఉన్నప్పటికీ.. ఇవి ఎక్కువగా తింటే.. కాల్షియం లోపానికి దారితీస్తుంది.

(Image source – pixabay)​

Spiny Gourd: ఆకాకరకాయతో.. జలుబు, దగ్గుకు చెక్‌ పెట్టేయండి..!

గోధుమ ఊక..

బీన్స్‌లో ఉన్నట్లే గోధుమ ఊకలోనూ అధిక మొత్తంలో ఫైటేట్‌లు ఉంటాయి. ఇది శరీరం కాల్షియాన్ని గ్రహించకుండా నిరోధించగలదు. మీరు పాలు, 100% గోధుమ ఊక ఆహారం తిన్నప్పుడు.. మీ శరీరం పాలలోని కాల్షియంను గ్రహించలేదు. బ్రెడ్‌లో చాలా తక్కువ మొత్తంలో గోధుమ ఊక ఉంటుంది, ఇది కాల్షియం శోషణపై ప్రభావం చూపదు.

(Image source – pixabay)

ఇవి కూడా..

ఆల్కహాల్ – అధిక మొత్తంలో ఆల్కహాల్ తాగడం వల్ల ఎముకలు దెబ్బతింటాయి. మద్యం వినియోగాన్ని పరిమితం చేయాలని నిర్ధారించుకోండి.
కెఫిన్ – కాఫీ, టీలలో కెఫిన్ ఉంటుంది, ఇది కాల్షియం శోషణను తగ్గిస్తుంది. రోజుకు మూడు కప్పుల కంటే ఎక్కువ కాఫీ తాగడం వల్ల కాల్షియం శోషణకు ఆటంకం కలుగుతుంది. ఎముకలను బలహీనంగా మారుస్తుంది.
కూల్‌ డ్రింక్స్‌ -కూల్‌ డ్రింక్స్‌, కోలాలు ఎముకలలోని కాల్షియంను తగ్గించి వాటిని బలహీనపరుస్తాయి.
కొన్ని కూరగాయలు – టమాటా, పుట్టగొడుగులు, మిరియాలు, బంగాళాదుంపలు, వంకాయ వంటి తాపజనక కూరగాయలు ఎముకలలో మంటను కలిగిస్తాయి, ఇది బోలు ఎముకల వ్యాధికి దారితీస్తుంది. ఇది పరిమితికి మించి తీసుకోవడం మంచిది కాదు.

(Image source – pixabay)
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.