బ్రెయిన్ స్ట్రోక్‌కి కారణాలు..

బ్రెయిన్ స్ట్రోక్ రావడానికి అనేక కారణాలు ఉన్నాయి. ఇందులో ముఖ్యంగా రక్తం గడ్డకట్టడం, ఆక్సిజన్ ప్రవాహం అడ్డుకున్నప్పుడు ఈ సమస్య వస్తుంది. ఇలా జరగడానికి కూడా చాలా కారణాలు ఉన్నాయి. అవేంటో ఇప్పుడు చూద్దాం.

Also Read : Salt Disadvantages : ఉప్పు ఎక్కువగా తింటే ఈ సమస్యలు తప్పవు.. జాగ్రత్త..

హైబీపి..

హై బ్లడ్ ప్రెజర్ అనేది బ్రెయిన్ స్ట్రోక్ రావడానికి ముఖ్య కారణం. బీపి వల్ల స్ట్రోక్‌తో పాటు అనేక సమస్యలు వస్తాయి. కాబట్టి, ఎప్పటికప్పుడు ఈ సమస్య గురించి జాగ్రత్త పడడం మంచిది. ఎప్పటికప్పుడు డాక్టర్ దగ్గర చెక్ చేయించుకోవడం, ఆరోగ్యకరమైన జీవనశైలి పాటించడం వల్ల ఈ సమస్య నుంచి బయటపడడం జరుగుతుంది.

లైఫ్‌స్టైల్..

ఏ సమస్య రావడానికైనా మనం పాటించే లైఫ్‌స్టైల్ ప్రధాన కారణం. ఎక్కువగా బరువు ఉండడం వల్ల అనేక సమస్యలు వస్తాయి. ఇందులో భాగంగానే స్ట్రోక్ కూడా వస్తుంది. కాబట్టి, బరువు తగ్గేలా చూడండి. అధిక బరువు, హైబీపి రెండు కూడా ఈ సమస్య రావడానికి ప్రధాన కారణాలు. కాబట్టి, వీటి విషయంలో ఎప్పటికప్పుడు జాగ్రత్తలు తీసుకోవాల్సిందే.

వయసు..

సాధారణంగా 55 ఏళ్ళ తర్వాత ఎక్కువగా స్ట్రోక్ వచ్చే ప్రమాదం ఉంది. అదే విధంగా, ఆడవారి కంటే మగవారికే ఎక్కువగా సమస్య వస్తుంది. అయితే, హార్మోన్లు, ఈస్ట్రోజెన్‌తో కూడిన పిల్స్, హార్మోన్ థెరపీ వంటివి సమస్యని పెంచుతుంది.
​Also Read : Sexual Health : ఇలా చేస్తే శృంగార సమస్యలు దూరమవ్వడంతో పాటు ప్రైవేట్ పార్ట్స్ సేఫ్..​

స్ట్రోక్ రకాలు..

స్ట్రోక్‌లో ప్రధానంగా రెండు రకాలు ఉంటాయి. అవి ఇస్కీమిక్, హెమరేజిక్. ఇవి ఎప్పుడెప్పుడు వస్తాయంటే.. రక్తం గడ్డకట్టడం వల్ల బ్రెయిన్‌కి బ్లడ్ సప్లై ఆగిపోయినప్పుడు ఇస్కీమిక్ స్ట్రోక్ వస్తుంది. ఇక రక్తనాళాలు పగిలిపోవడం వల్ల హెమరేజిక్ స్ట్రోక్స్ వస్తాయి. ఇందులో ఇస్కీమిక్ స్ట్రోక్స్ ఎక్కువగా వస్తుంటుంది.

లక్షణాలు..

రెండు రకాల స్ట్రోక్స్‌లో ఏది వచ్చినా ముందుగా తలనొప్పి వస్తుంది. హెమరేజిక్ స్ట్రోక్ సాధారణ లక్షణం తలనొప్పి. నిపుణుల ప్రకారం, కరోటిడ్ ఆర్టరీ నుండి స్ట్రోక్ మొదలవుతుంది. ఈ సమయంలో తీవ్రమైన తలనొప్పి వస్తుంది.

కరోటిడ్ ధమని మూసుకుపోవడం వల్ల తలనొప్పి వస్తుందని ప్రీమియర్ న్యూరాలజీ సెంటర్ చెబుతోంది. ఏ ప్రాంతంలో బ్లడ్ గడ్డ కడితే అక్కడ సమస్య ఎక్కువగా ఉంటుందని నిపుణులు చెబుతున్నారు.

తలనొప్పితో పాటు..

ముఖం ఓ వైపుకి వంగిపోవవడం
రెండు చేతులు పైకి ఎత్తకపోవడం
ఓ చేయి తిమ్మిరి, బలహీనంగా మారడం
స్పష్టంగా మాట్లాడలేకపోవడం
ఆందోళనగా అనిపించడం
వాంతులో, కళ్ళు తిరగడం, స్పృహ తప్పడం
నడవడలేకపోవడం
​Also Read : Hug Day 2023 : ఇష్టమైన వారిని ఎందుకు హగ్ చేసుకోవాలంటే..​

ఎలాంటి జాగ్రత్తలు..

స్ట్రోక్ వచ్చినప్పుడు కచ్చితమైన జాగ్రత్తలు తీసుకోవాలి. వెంటనే డాక్టర్‌ని సంప్రదించాలి. ఈ సమస్య వచ్చినప్పుడు ఎలాంటి లక్షణాలు ఉంటాయో ముందుగానే తెలుసుకోవడం వల్ల సమస్య వచ్చినప్పుడు ప్రమాదం నుంచి బయటపడేలా చేస్తుంది.
​గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.