ఈ లడ్డూలు చలికాలంలో తింటే చాాలా మంచిది..

​గోండ్ లడ్డూ..

కావాల్సిన పదార్థాలు..

• 250 గ్రాముల గోధుమ పిండి
• 100 గ్రాముల గోండ్(పటిక బెల్లంలా ఉంటుంది)
• 200 గ్రాముల పొడి చెక్కర
• 2 టేబుల్ స్పూన్ల బాదం ఫ్రై చేయాలి
• 2 టేబుల్ స్పూన్ల జీడిపప్పు ఫ్రై చేయాలి
• 2 టేబుల్ స్పూన్ల ఎండు ద్రాక్ష
• 1 టీ స్పూన్ యాలకుల పొడి
• 175 గ్రాముల దేశీ నెయ్యి
• 3 టేబుల్ స్పూన్ల పీనట్ బటర్

తయారీ విధానం..

కడాయిలో నెయ్యి వేసి తక్కువ మంటపై కరిగించాలి. 2 కప్పుల గోధుమ పిండి వేసి బాగా ఫ్రై చేయాలి. ఇంతలో జీడిపప్పు, బాదంని పొడి చేయాలి. అదే విధంగా గోండ్‌ని కూడా మిక్సీ పట్టాలి. గోధమ పిండిని దోరగా వేయించాలి. ఇప్పుడు మంటను తగ్గించి కడాయి దించి ఎండుద్రాక్ష, యాలకుల పొడి వేయండి. తర్వాత చక్కెర పొడి, పీనట్ బటర్ వేయండి. పిండి చేసిన గోండ్, నట్స్ పౌడర్ వేయండి.

చెంచాతో బాగా కలపండి. అన్నింటిని బాగా కలపండి కాస్తా గోరువెచ్చగా ఉన్నప్పుడే లడ్డూల్లా చేయండి. ఇలా తయారైన లడ్డూలను గాలి చొరని స్టీల్ డబ్బాలో పెట్టుకోండి. రెండు నెలల వరకూ బాగానే ఉంటాయి.

​మేథి లడ్డూ..

కావాల్సిన పదార్థాలు..

• మెంతులు 50 గ్రాములు
• పాలు కప్పు
• గోధుమపిండి 150 గ్రాములు
• నెయ్యి ముప్పావు కప్పు
• పీనట్ బటర్ 2 టేబుల్ స్పూన్లు
• బాదం 15
• జీడిపప్పు 20
• నల్ల మిరియాలు 5
• జీలకర్ర పొడి 1 స్పూన్
• అల్లం పొడి 1 స్పూన్
• దాల్చిన చెక్క పొడి 1 స్పూన్
• యాలకుల పొడి 1 స్పూన్
• బెల్లం 150 గ్రా
• చక్కెర పొడి అరకప్పు

తయారీ విధానం..

మెంతి గింజలను మెత్తగా పొడి చేయాలి. మెంతి పొడిలో పాలు వేసి బాగా కలపాలి. మెంతి పిండిలో పాలు వేసి బాగా కలపాలి. ఇది 5 నుంచి 8 గంటలు నాననివ్వండి. మెంతిపాలను నానబెడితే చిక్కబడుతుంది. పాన్‌లో నానబెట్టిని మెంతి పొడి ముద్దగా అయ్యేవరకూ ఫ్రై చేయాలి. ఓ గిన్నెలోకి తీసుకోవాలి.

ఓ పాన్2లో పావు కప్పు నెయ్యి వేసి డ్రై ఫ్రూట్స్ తురుము వేయండి. బంగారు రంగులోకి వచ్చే వరకూ వేయించండి. గోధుమపిండిని వేసి మంచి వచ్చే వరకూ ఫ్రై చేయండి. మసాలా పొడి, దంచిన మిరియాల వేసి కలపండి.

పిండి గోధుమ రంగు వచ్చే వరకూ ఫ్రై చేయాలి. దీనిని గిన్నెలో వేయండి. మిగిలిన నెయ్యి వేసి బెల్లం వేసి నీరు పోసి బెల్లం కరిగించండి. తక్కువ మంటపై ఫ్రై చేయండి. మరిగించండి. గిన్నెలో ఓ జల్లెడ ద్వారా సిరప్ వేయాలి. బాగా కలపాలి. ఈ మిశ్రమంలో పంచదార పొడి, శనగపిండి బాగా కలపాలి. మిశ్రమం వేడిగా అయ్యే వరకూ వెయిట్ చేసి దాంతో లడ్డూలు చేయండి.

Also Read : Heart Attack : గుండెనొప్పి ఏ రోజుల్లో ఎక్కువగా వస్తుందంటే..

​డ్రై ఫ్రూట్ లడ్డూ…

కావాల్సిన పదార్థాలు..

• శనగపిండి పావు కప్పు
• బెల్లం 260 గ్రాములు
• నువ్వులు పావు కప్పు
• గసగసాలు పావు కప్పు
• ఎండు కొబ్బరి తురుము అరకప్పు
• మఖానా 1 కప్పు
• బాదం పావు కప్పు
• అల్లం పొడి 1 టేబుల్ స్పూన్
• తెల్ల మిరియాలు 1 టీ స్పూన్ కచ్చపచ్చగా చేసుకోవాలి
• జాజాకాయ తురుము 1 టేబుల్ స్పూన్
• యాలకుల పొడి 1 టీ స్పూన్

తయారీ విధానం..

అరకప్పు నువ్వు, అర కప్పు గసగసాలు, అరకప్పు ఎండుకొబ్బరి తురుము, కప్పు మఖానా, పావు కప్పు బాదం పప్పు, పావు కప్పు పల్లీలు డ్రై రోస్ట్ చేయాలి.

వీటన్నింటిని కచ్చపచ్చగా మిక్సీ పట్టుకోవాలిని. నువ్వులు, పుచ్చకాయ గింజలు ముందుగా, కొబ్బరి, గసగసాలు కలిపి ఓ సారి, మఖానా విడిగా, బాదం, పల్లీలు కలిపి గ్రైండ్ చేయాలి. వీటన్నింటిని ఓ గిన్నెలో వేసి బాగా కలపాలి.

260 గ్రాముల బెల్లాన్ని వేయండి. కడాయిలో 3 టేబుల్ స్పూన్ల నీరు వేసి బాగా కరిగించండి. బెల్లం కరిగి పాకంలా అయ్యాక మసాలాలు వేయండి. 1 టీ స్పూన్ డ్రై బెల్లం పొడి, 1 టీ స్పూన్ తెల్ల మిరియాలు, 1 టీ స్పూన్ జాజికాయ తురుము, 1 టీ స్పూన్ యాలకుల పొడి వేసి బాగా కలపాలి.

బెల్లం సిరప్‌లో డ్రై ఫ్రూట్స్ మిక్స్ వేసి మంటను ఆపండి. ఈ మిశ్రమాన్ని ఓ గిన్నెలోకి తీసుకుని అందులో శనగపిండి వేసి చల్లారనివ్వాలి. లడ్డూల మిశ్రమం వేసి లడ్డూల్లా చుట్టాలి.

Also Read : Fasting : ఈ తప్పులు చేస్తే బరువు అస్సలు తగ్గరు..

​నువ్వుల లడ్డూలు..

కావాల్సిన పదార్థాలు

• 1 చెక్క కొబ్బరి తురుము
• 150 గ్రాముల బెల్లం తురుము
• 20 గ్రాముల నువ్వులు
• 1 స్పూన్ నెయ్యి
• పీనట్ బటర్

తయారీ విధానం..

కడాయి పెట్టి తురిమిన కొబ్బరి వేసి వేయించాలి. అదే పాన్‌ల ఓ టీస్పూన్ నెయ్యి, బెల్లం తురుము వేసి మీడియం మంటపై 15 నుంచి 20 నిమిషాల పాటు ఫ్రై చేయాలి.

బెల్లం తురుము గోల్డెన్ కలర్‌లోకి వచ్చే వరకూ ఫ్రై చేయాలి. తేమ పూర్తిగా ఆవిరైపోతుంది. మిశ్రమం మందంగా ఉండాలి. ఇప్పుడు ఆ మిశ్రమంలో నువ్వులు, శనగపిండి వేయాలి.

కొబ్బరి బెల్లం మిశ్రమాన్ని చల్లార్చి, అరచేతులకి నెయ్యి రాసి లడ్డూల్లా చుట్టుకోవాలి.

Also Read : Condoms : ఫ్లేవర్ కండోమ్స్ వాడుతున్నారా..ఈ సమస్యలు తప్పవు..

​ప్రోటీన్ లడ్డూ..

కావాల్సిన పదార్థాలు..

• 2 కప్పుల ఓట్స్
• 1 కప్పు డ్రై ఫ్రూట్స్ ఫ్రై చేయాలి
• అరకప్పు డ్రై క్రాన్‌బెర్రీస్
• గ్రౌండ్ డేట్స్ పేస్ట్
• అరకప్పు పీనట్ బటర్
• ఉప్పు
• యాలకుల పొడి
• పావు కప్పు తేనె

తయారీ విధానం

ఓ గిన్నెలో ఓట్స్, డ్రై ఫ్రూట్స్, మిక్స్డ్ సీడ్స్, క్రాన్‌బెర్రీస్ కలపాలి. పాన్‌లో ఖర్జూరం పేస్ట్, పీనట్ బటర్ వేసి కాసేపు కలపాలి. ఈ మిశ్రమాన్ని ఓ గిన్నెలోకి తీసుకుని చిటికెడు ఉప్పు, యాలకుల పొడి, తేనె కలపండి.

వీటిని లడ్డూల్లా చుట్టుకుని ఎంజాయ్ చేయడమే.