కిడ్నీలో రాళ్లు రాకుండా.. ఈ జాగ్రత్తలు పాటించండి..!

[ad_1]

నీరు ఎక్కువగా తాగండి..

నీళ్లు సరిగ్గా తాగకపోయినా కిడ్నీలో రాళ్లు ఏర్పడే అవకాశం ఉంది. కిడ్నీలో రాళ్లను నివారించడానికి సరిపడగా నీళ్లు తాగండి. నీరు ఎక్కువగా తాగటం వల్ల రాళ్లు ఏర్పడటానికి దారితీసే పదార్థాలు పలుచగా అవుతాయి. దీంతో ఇవి మూత్రంతో పాటు తేలికగా బయటకు వచ్చేస్తాయి. రోజుకు కనీసం 8 గ్లాసుల నీరు తాగొచ్చు. నిమ్మరసం కలిపిన నీళ్లు, బత్తాయి రసం తీసుకున్నా మంచిదే. ఇలాంటి పుల్లటి పండ్లు రాళ్లు ఏర్పడకుండానూ కాపాడతాయి.

(Image source – pixabay)

ఉలవలు తినండి..

ఉలవలులో పోషకాలు పుష్కలంగా ఉంటాయి. వీటిలో ఫైబర్‌ ప్రొటీన్లు, కార్బోహైడ్రేట్లు, జింక్, యాంటీఆక్సిడెంట్లు, కాల్షియం, ఐరన్‌, పాస్ఫరస్‌ సమృద్ధిగా ఉంటాయి. దీనిలో కిడ్నీలో రాళ్లను నివారించే గుణాలు ఉంటాయి. ఇది . మూత్రం మొత్తాన్ని పెంచి, కిడ్నీలో రాళ్లు ఏర్పడకుండా చేస్తుంది. ఉలవలు మీ డైట్‌లో చేర్చుకుంటే కిడ్నీలో రాళ్ల నుంచి రక్షణ లభిస్తుంది. ఉలవల్లో వేడి చేసే స్వభావం ఉంది. దీనిని రోజూ తినకూడదు. (Image source – pixabay)

Brain Boosting Foods : మీ బుర్రకు పదును పెట్టే.. ఆహారాలు ఇవే..!

సిట్రస్‌ పండ్లు తినండి..

మీ డైట్‌లో ఉసిరి, నారింజ, బత్తాయి, నిమ్మ వంటి పండ్లను చేర్చుకోండి. సిట్రస్ పండ్లలో సిట్రిక్ యాసిడ్ పుష్కలంగా ఉంటుంది, ఇది మూత్రపిండాల్లో రాళ్లు ఏర్పడకుండా నిరోధిస్తుంది. ఏర్పడిన రాళ్లను విచ్ఛిన్నం చేయడంలోనూ సహాయపడుతుంది. సిట్రిక్ యాసిడ్ కోసం సప్లిమెంట్ల కంటే సహజ వనరులు మొదటి ఎంపికగా ఉండాలి. (Image source – pixabay)

ప్లాంట్‌ ప్రొటీన్‌ తీసుకోండి..

మాంసం, చికెన్‌, చేపలు, గుడ్లు, సముద్ర రొయ్యలు వంటివి ఎక్కువగా తింటే వీటి ద్వారా లభించే ప్రోటీన్‌.. మూత్రంలో యూరిక్‌ ఆమ్లం మోతాదులు పెరిగేలా చేసి కిడ్నీ రాళ్లకు దారితీయొచ్చు. ప్రోటీన్ అవసరాన్ని తీర్చడానికి, ఆహారంలో జంతు ప్రోటీన్‌కు బదులుగా, బఠానీలు, చిక్కుళ్లు, పప్పులు వంటి మొక్కల ఆధారిత ప్రొటీన్‌ను తీసుకోండి. (Image source – pixabay)

ఉప్పు తక్కువగా తీసుకోండి..

సోడియం అధికంగా తీసుకుంటే మూత్రంలో క్యాల్షియం స్థాయులు పెరుగుతాయి. పుప్పును తక్కువగా తీసుకోవాలి. రోజుకు 2,300 మిల్లీగ్రాముల సోడియం తీసుకోవచ్చు. (Image source – pixabay)

Okra for diabetes: షుగర్‌ పేషెంట్స్‌ బెండకాయ తింటే మంచిదా..?

తగినంత కాల్షియం తీసుకోండి..

ఆహారం ద్వారా తగినంత క్యాల్షియం తీసుకోకపోతే మూత్రంలో ఆక్జలేట్‌ స్థాయులు పెరిగి రాళ్లు ఏర్పడొచ్చు. కాబట్టి వయసుకు తగినట్టుగా క్యాల్షియం తీసుకునేలా చూసుకోవాలి. అదీ ఆహారం ద్వారా అందేలా చూసుకుంటేనే మేలు.

(Image source – pixabay)

Mental Health: ఈ అలవాట్లు మిమ్మల్ని మెంటల్‌గా వీక్‌ చేస్తాయ్..‌!
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

[ad_2]

Source link