గుండె ఆరోగ్యంగా ఉండాలంటే ఇలా చేయండి.

[ad_1]

మన శరీరంలో గుండె అతి ముఖ్యమైన అవయవం. గుండెకి ఏమైనా సమస్య వస్తే ప్రాణాల మీదకి వచ్చినట్లే. అందుకే, ముందు నుంచీ గుండెని కాపాడుకోవాలి. కానీ, తెలిసి తెలియక కొంత మంది చేసే తప్పుల వల్ల గుండె ఆరోగ్యం దెబ్బతింటుంది. అసలు ఆ తప్పులు ఏంటి.. వాటి నుంచి గుండెని ఎలా కాపాడుకోవాలి చూద్దాం.

వర్కౌట్..

మీకు ఇష్టమైన ఏదైనా ఓ వర్కౌట్ చేయండి. రోజుకి 30 నుంచి 60 నిమిషాల వరకూ ఎక్సర్‌సైజ్ చేయడం అలవాటు చేసుకోండి. నడవడం, కార్డియో, డ్యాన్స్ ఏదైనా సరే చేయండి. దీని వల్ల కేలరీలు కరిగి బరువు తగ్గడమే కాకుండా మీ బాడీ కూడా ఫ్లెక్సీబుల్‌గా ఉంటుంది. కాబట్టి రెగ్యులర్‌గా వర్కౌట్ చేయండి. ఇందుకోసం జిమ్‌కే వెళ్ళాల్సిన అవసరం లేదు. ఇంట్లో కూడా చేయొచ్చు. యోగా, ధ్యానంతో ప్రశాంతమైన జీవనం మీ సొంతమవుతుంది.

బరువు తగ్గడం..

బరువు అనేది.. అనేక ఆరోగ్య సమస్యలకి మూలం. కాబట్టి, ముందుగా ఈ సమస్యని దూరం చేసుకోవాలి. ముఖ్యంగా, బెల్లీ ఉన్నవారికి ఆరోగ్య సమస్యలు వచ్చే రిస్క్ ఎక్కువగా ఉంటుంది. బెల్లీ ఫ్యాట్, హై బ్లడ్ ప్రెజర్ రెండింటికి లింక్ ఉంది. కాబట్టి, మీరు బరువు పెరగకుండా ముఖ్యంగా బెల్లీ రాకుండా చూసుకోవడం మంచిది.

మంచి ఫుడ్..

మంచి ఆహారం.. మంచి ఆరోగ్యాన్నిస్తుందని గుర్తుపెట్టుకోండి. అందుకే తాజా కూరగాయలు, పండ్లు తింటూ జంక్‌ఫుడ్‌కి దూరంగా ఉండండి. యాంటీ ఆక్సిడెంట్ రిచ్ ఫుడ్స్ తీసుకోవాలి. వీటితో పాటు ఫైబర్ ఫుడ్ కూడా హెల్ప్ చేస్తుంది. మాయో క్లినిక్ ప్రకారం, ఫైబర్ ఫుడ్ తినడం వల్ల చెడు కొలెస్ట్రాల్ దూరమవుతుంది.

ఇష్టమైన పనులు..

మీ మనస్సుని ఆనందంగా ఉంచుకునేలా చూడండి. ఇందుకోసం మీకు ఇష్టమైన పని చేయొచ్చు. అల్లడం, కుట్టడం, పెయిటింగ్ ఇలాంటి పనులు చేయడం వల్ల మీకు కొద్దిగా తృప్తితో పాటు ఒత్తిడి దూరమై ఆనందంగా ఉంటారు. అదే విధంగా చక్కని మ్యూజిక్‌ని కూడా ఆస్వాదించొచ్చు. దీని వల్ల చాలా వరకూ గుండె ఆరోగ్యం మెరుగ్గా ఉంటుంది. అయితే, ఏది చేసినా అదికి హ్యాపీగా అనిపించాలని గుర్తుపెట్టుకోండి.
Also Read : Roti and cancer : రోటీలను డైరెక్ట్‌గా మంటపై కాల్చితే క్యాన్సర్ వస్తుందా..

పొగకి దూరం..

పొగాకు, పొగ త్రాగడం ఇవి రెండు కూడా ఆరోగ్యానికి హానికరం. దీని వల్ల వీటిని వాడడం వల్ల మీ గుండె ఆరోగ్యంపై ఎఫెక్ట్ పడుతుంది. అందుకే, ముందునుంచీ ఈ అలవాటుకి దూరంగా ఉండాలని సెంటర్స్ ఫర్ డిసీజ్ కంట్రోల్ అండ్ ప్రివెన్షన్ ట్రస్టెడ్ సోర్స్ చెబుతోంది.

మంచి నిద్ర..

నిద్ర అనేది చాలా సమస్యల్ని దూరం చేస్తుంది. సరైన నిద్ర లేకపోతే ఏ పని మీద కూడా కాన్సంట్రేట్ చేయలేరు. మంచి నిద్ర తర్వాత మీ బ్రెయిన్ షార్ప్‌గా పనిచేస్తుంది. ఒత్తిడి దూరమవుతుంది. కాబట్టి కంటి నిండా నిద్రపోండి. ఇందుకోసం పడుకోవడానికి ముందే గ్యాడ్జెట్స్, సోషల్ మీడియాకి దూరంగా ఉండడం అలవాటు చేసుకోండి.
Also Read : Kidney vs Gallbladder stones : కిడ్నీ స్టోన్స్, గాల్ బ్లాడర్ స్టోన్స్ రెండింటి లక్షణాలివే.. నిరక్ల్యం వద్దు..

ఇలాంటి జాగ్రత్తలన్నీ తీసుకోవడం వల్ల చాలా వరకూ మీ గుండె ఆరోగ్యాన్ని కాపాడుకోవచ్చు.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
Read More : Relationship News and Telugu New

[ad_2]

Source link