లో బీపీ పేషెంట్స్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ ఈ డైట్‌ ఫాలో అయితే . బీపీ నార్మల్‌ అవుతుంది..!

లక్షణాలు ఎలా ఉంటాయి..

బీపీ పడిపోతే తల తిరగడం, కళ్లు మసకబారడం, త్వరగా అలసిపోవడం, అనవసరంగా టెన్షన్‌ పడడం, ఏ పనిపైనా ఏకాగ్రత లేకపోవండి, వికారం, వాంతులు, తలనొప్పి వంటి లక్షణాలు కనిపిస్తాయి. మరికొందరికి మూర్ఛ, పల్స్‌ రేట్‌ పడిపోవడం, ఊపిరి కష్టం, ఒళ్లు చల్లబడిపోవడం వంటి సీరియర్‌ లక్షణాలు కూడా కనిపిస్తాయి. కొన్ని సార్లు బీపీ మరీ పడిపోతే.. చనిపోయే ప్రమాదం కూడా ఉంది.

లోబీపీ ఎందుకు వస్తుంది..?

లోబీపీ రావడానికి చాలా కారణాలు ఉంటాయి. డీ హైడ్రేష‌న్‌, గుండె కొట్టుకునే వేగం త‌గ్గ‌డం, గుండెలో ర‌క్తం గ‌డ్డ‌క‌ట్ట‌డం, విట‌మిన్ బీ12 లోపం, అడ్రిన‌లైన్ హార్మోన్ సరిగ్గా ఉత్పత్తి కాకపోవడం, సెప్టిసీమియా, వేసో వ్యాగ‌ల్ రియాక్ష‌న్‌లు, పోస్టుర‌ల్ హైపో టెన్ష‌న్, హై బీపీ కోసం మందులు వేసుకోవ‌డం, ఆల్కహాల్‌ ఎక్కువగా తాగడం, డ్రగ్స్‌ వాడకం కారణంగా లోబీపీ వచ్చే అవకాశం ఉంది.

ఫోలేట్‌ పుష్కలంగా ఉండే ఆహారం..

రెడ్‌ బ్లడ్‌ సెల్స్‌ ఉత్పత్తి చేయడంలో ఫోలిక్‌ యాసిడ్‌ కీలక పాత్ర పోషిస్తుంది. సిట్రస్‌ పండ్లు, ఆకుకూరలు, గుడ్లు, లివర్‌, పప్పుధాన్యాలు, బీన్స్‌లో ఫోలేట్‌ పుష్కలంగా ఉంటుంది. ఐరన్‌ అధికంగా ఉండే అరటి పండ్లు, నట్స్‌, ముల్లంగి, పాలకూరను కూడా ఆహారంలో చేర్చుకోవడం ఉత్తమం. రక్తహీనత కారణంగా లోబీపీ వచ్చే అవకాశం ఉంది. ఐరన్‌ సమృద్ధిగా తీసుకుంటే లోబీపీ దూరం అవుతుంది.

లిక్విడ్‌ ఫుడ్‌ తీసుకోండి..

డీహైడ్రేషన్‌ కారణంగానూ లోబీపీ వచ్చే అవకాశం ఉందని నిపుణులు చెబుతున్నారు. శరీరంలో నీటి శాతం తక్కువగా ఉన్నా.. రక్త పరమాణం తగ్గుతుంది. దీంతో.. లోబీపీ అవకాశం ఉంది. మీరు లోబీపీతో బాధపడుతుంటే.. రోజూ తగినంత నీరు తాగండి. మీ డైట్‌ ఫ్రెష్‌ ఫ్రూట్‌ జ్యూస్‌లు ఎక్కువగా తీసుకోండి. ఇవి శరీరంలో రక్త ప్రసరణను మెరుగు పరుస్తాయి. బీపీ సాధారణ స్థితికి తీసుకువస్తాయి.

విటమిన్‌ బీ 12 అధికంగా ఉండే ఆహారం..

విటమిన్‌ బి-12 లోపం కారణంగా రక్తహీనత వచ్చే అవకాశం ఉంది. ఇది క్రమంగా లోబీపీకి దారి తీస్తుంది. మీ డైట్‌లో విటమిన్‌ బి-12 అధికంగా ఉండే గుడ్లు, పప్పుధాన్యాలు, పెరుగుతో పాటు చికెన్‌, మటన్‌, చేపలను ఎక్కువగా తీసుకోండి.

ఉప్పు సరిపడా తీసుకోండి..

లోబీపీ ఉన్న వారు తీసుకునే ఆహారంలో ఉప్పు సరిపడా తీసుకోవాలని నిపుణులు చెబుతున్నారు. అయితే ఉప్పు ఎక్కువైనా ఇతర అరోగ్య సమస్యలు వచ్చే ప్రమాదం ఉంది. దీనిని దృష్టిలో ఉంచుకుని ఎంత ఉప్పు తీసుకోవాలో మీ డాక్టర్‌ను అడిగి తెలుసుకోవడం మంచిది.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.