[ad_1]
బెంగళూరులోని యూఆర్‌ రావు శాటిలైట్‌ సెంటర్‌లో తయారు చేసిన ఉపగ్రహాన్ని.. షార్‌కు తీసుకొచ్చి శాటిలైట్‌ ప్రిపరేషన్‌ బిల్డింగ్‌ (ఎస్‌పీబీ)లో ల్యాండర్ (Lander), రోవర్ (Rover) ప్రొపల్షన్ మాడ్యూల్‌తో అనుసంధానం చేశారు. జులై 13న ప్రయోగించిన తర్వాత ఉపగ్రహం రెండు నెలల పాటు సుమారు 3,84,000 కి.మీ. ప్రయాణించి చంద్రుడి నుంచి వంద కిలోమీటర్ల ఎత్తులోని కక్ష్యలోకి చేరుకుంటుంది. అనంతరం చంద్రుడి దక్షిణ ధ్రువంలోని నిర్దేశిత ప్రదేశంలో ల్యాండ్‌ అవుతుందని ఇస్రో తెలిపింది.
అయితే, ఈ ప్రయోగంలో సాఫ్ట్‌ల్యాండింగ్‌ చాలా క్లిష్టమైన ప్రక్రియ. గతంలో చంద్రయాన్-2 సాఫ్ట్‌లాండింగ్‌ జరగకపోవడంతో ఇస్రో ప్రయోగం విఫలమైంది. ల్యాండర్ చంద్రుడిపై కూలిపోయిన నేపథ్యంలో ఈసారి ఆ తప్పిదం జరగకుండా ఉండేందుకు ప్రయత్నిస్తోంది. అయితే, ఇప్పుడు కూడా సాఫ్ట్‌ ల్యాండింగ్ అంత సులభం కాదని నిపుణులు అభిప్రాయపడుతున్నారు.
ల్యాండర్‌ను సరిగ్గా ఎక్కడ ల్యాండ్‌ చేయాలన్న కచ్చితమైన పిన్‌పాయింట్‌ నేవిగేషన్‌ గైడెన్స్‌తోపాటు పెలోడ్ డైనమిక్స్ కచ్చితంగా ఉండాలి. సరైన సమయంలో సరైన వేగంతో సరైన ల్యాండింగ్ ప్రదేశానికి చేరుకోవడం కీలక పాత్ర పోషిస్తాయి. ప్రొపల్షన్ మాడ్యూల్ నుంచి విడిపోయిన తర్వాత ల్యాండర్ చంద్రుడి ఉపరితలం దిశగా ప్రయాణిస్తుంది. ఆ సమయంలో దాని వేగాన్ని నియంత్రించడానికి థ్రస్టర్ల (ఇంజిన్లు)ను మండిస్తారు. ఈ ఏడాది జపాన్‌ పంపిన హకుటో-ఆర్‌ ల్యాండర్ కూడా ఇలాంటి కఠిన పరిస్థితినే ఎదుర్కొని విఫలమైంది.
ఇక, చంద్రుడి ఉపరితలంపై సాఫ్ట్‌ల్యాండింగ్‌ ఎంత కీలకమో, అది దిగే ప్రదేశం కూడా అంతే ముఖ్యం. పెద్దపెద్ద క్రేటర్లు (లోయలు), కఠినంగా ఉండే ఉపరితలం అతిపెద్ద సవాలుగా మారుతాయి. చంద్రయాన్-3లో రెండు ల్యాండర్ హజార్డ్‌ డిటెక్షన్‌, అవాయిడెన్స్‌ కెమెరాలను అమర్చారు. అవి పంపే ఫొటోలను బట్టి దానిని ఎక్కడ ల్యాండ్‌ చేయాలనేది శాస్త్రవేత్తలు నిర్ణయిస్తారు. భూకేంద్రం నుంచి ల్యాండింగ్ సంకేతాలు పంపినా.. అవి చేరడం ఆలస్యమైతే మాత్రం.. ల్యాండర్ తనంతట తానుగానే నిర్ణయం తీసుకుంటుంది.
చంద్రుడిపై అధ్యయనానికి ఇస్రో చేపట్టిన మూడో మిషన్ ఇది. చంద్రయాన్-2 ప్రయోగం చివరి మొట్టుపై విఫలం కావడంతో ఈసారి అలా జరగకుండా జాగ్రత్తలు తీసుకుంది. చంద్రయాన్-3లో స్వదేశీ ల్యాండర్ మాడ్యూల్ (LM), ప్రొపల్షన్ మాడ్యూల్ (PM), గ్రహాంతర మిషన్‌లకు అవసరమైన కొత్త సాంకేతికతలను అభివృద్ధి చేయడం, ప్రదర్శించడం అనే లక్ష్యంతో రోవర్ రూపొందించారు.
ఇస్రో ప్రకారం.. చంద్రుడి ఉపరితలంపై ల్యాండింగ్ ప్రదేశంలో అనువైన ప్రాంతాన్ని గుర్తించే సామర్థ్యాన్ని ల్యాండర్ కలిగి ఉంటుంది. కచ్చితమైన ప్రాంతంలో రోవర్‌ను మోహరించి, కదలిక సమయంలో చంద్రుని ఉపరితలంపై రసాయన విశ్లేషణను నిర్వహిస్తుంది. ల్యాండర్, రోవర్ చంద్రుని ఉపరితలంపై ప్రయోగాలు చేసేందుకు సైంటిఫిక్ పేలోడ్‌లను కలిగి ఉన్నాయి. ప్రయోగ వాహనం నుంచి చంద్రుడి చివరి 100 కి.మీ వృత్తాకార ధ్రువ కక్ష్య వరకు ల్యాండర్ మాడ్యూల్‌ను తీసుకువెళ్లడం.. ప్రొపల్షన్ మాడ్యుల్ నుంచి దానిని వేరు చేయడం ప్రధాన విధి. ఇది కాకుండా ఒక సైంటిఫిక్ పేలోడ్‌ను కూడా కలిగి ఉందని, ఇది ల్యాండర్ మాడ్యూల్ నుంచి వేరుపడిన తర్వాత నిర్వహిస్తుందని ఇస్రో పేర్కొంది.
Read More Latest Science & Technology News And Telugu News
[ad_2]
Source link
Leave a Reply