[ad_1]
Wedding season – Business in India: ఈ ఏడాది దసరా, దీపావళి సీజన్‌లో లక్షల కోట్ల అమ్మకాలతో (festive season 2023 sales in India) పండగ చేసుకున్న వ్యాపార వర్గాలు, మరో సందడిని క్యాష్‌ చేసుకునేందుకు ఇప్పటికే రెడీ అయ్యాయి. పండుగల సీజన్‌ తర్వాత, ఇప్పుడు మన దేశంలో పెళ్లిళ్ల సీజన్‌ (Wedding season 2023 in India) స్టార్ట్‌ అయింది.
వివాహాన్ని వీలైనంత ఆర్భాటంగా చేసి తమ దర్పాన్ని, దర్జాను అందరికీ చాటాలన్న తాపత్రయం చాలా ఎక్కువ మందిలో కనిపిస్తుంటుంది. దీనికోసం డబ్బులను మంచినీళ్ల ప్రాయంలా ఖర్చు చేస్తుంటారు. ఇది, వ్యాపారాలకు లాభాలను తెచ్చి పెడుతోంది.
కార్తీక మాసంలో శుభ ఘడియలు (Marriages In Karthika Masam 2023)
మన దేశంలో కార్తీక మాసంతో పాటు శుభ ఘడియలు ప్రారంభమయ్యాయి. ఈ నెల 23 నుంచి ప్రారంభమయ్యే పెళ్లిళ్ల ముహూర్తాలు, డిసెంబర్‌ 15 వరకు (wedding season from 23 November 3023 to 15 December 2023) ఉన్నాయి. కొనసాగుతుంది. వివాహ వేడుకల డిమాండ్లను తీర్చడానికి భారతదేశ వ్యాపార సంఘం సిద్ధంగా ఉంది.
ఈ ఏడాది నవంబర్‌ 23, 24, 27, 28, 29 తేదీలు, డిసెంబర్‌లో 3, 4, 7, 8, 9, 15 తేదీలు శుభప్రదంగా ఉన్నాయి. కాన్ఫెడరేషన్ ఆఫ్ ఆల్ ఇండియా ట్రేడర్స్ (CAIT) ప్రకారం, నవంబర్‌ 23 – డిసెంబర్‌ 15 కాలంలో దేశవ్యాప్తంగా దాదాపు 38 లక్షల వివాహాలు జరగవచ్చు.
వివాహాల ఖర్చు రూ.4.74 లక్షల కోట్లు (Rs 4.74 lakh crores Business for Weddings)
పెళ్లి అంటే చిన్న విషయమేం కాదు. వెడ్డింగ్‌ కార్డ్స్‌ అచ్చు దగ్గర నుంచి భోజనాల వరకు, అతిథులకు స్వాగతం దగ్గర నుంచి కొత్త జంటను హనీమూన్‌కు పంపడం వరకు పెద్ద తతంగమే ఉంటుంది. దీని కోసం పసుపు కొమ్ముల నుంచి పసుపు లోహం (బంగారం) వరకు, మేళగాళ్ల నుంచి మేటి వెడ్డింగ్‌ ప్లానర్స్‌ వరకు వందలాది వస్తువులు, సేవలు అవసరం అవుతాయి. ఆతిథ్యం ఇచ్చే వాళ్లే కాదు… బంధుమిత్ర సకుటుంబ సపరివార సమేతంగా వివాహానికి వచ్చే అతిథులు ఇంధనం, ట్రాన్స్‌పోర్టేషన్‌, గిఫ్ట్స్‌, హోటల్స్‌ వంటి వాటికి కోసం ఖర్చు చేస్తారు.
వీటన్నింటికీ కలిపి, ఈ మూడు వారాల్లోనే భారతీయులు రూ. 4.74 లక్షల కోట్లు ఖర్చు చేస్తారని కాయిట్‌ (CAIT) అంచనా వేసింది. దీనిని మరోలా చెప్పాలంటే, కేవలం పెళ్లిళ్ల కోసమే రూ. 4.74 లక్షల కోట్ల విలువైన వ్యాపారం జరగబోతోంది.
గత ఏడాది ఇదే కాలంలో దేశవ్యాప్తంగా దాదాపు 32 లక్షల వివాహాలు జరగ్గా, అప్పుడు మొత్తం రూ.3.75 లక్షల కోట్ల వ్యాపారం నమోదైంది. దీనితో పోలిస్తే, ఈ ఏడాది మరో రూ.లక్ష కోట్ల వ్యాపారం పెరగబోతోంది.
ఈ వెడ్డింగ్‌ సీజన్‌లో, ఒక్క దిల్లీలోనే 4 లక్షలకు పైగా వివాహాలు జరగవచ్చని కాయిట్‌ అంచనా వేసింది. పెళ్లిళ్ల కోసం హస్తినలో దాదాపు రూ.1.25 లక్షల కోట్ల వ్యాపారం జరిగే అవకాశం ఉందని చెబుతోంది.
CAIT అంచనా ప్రకారం… దాదాపు రూ.3 లక్షల ఖర్చుతో దాదాపు 7 లక్షల వివాహాలు, రూ.6 లక్షల వ్యయంతో 8 లక్షల పెళ్లిళ్లు, రూ.10 లక్షలతో 10 లక్షల వెడ్డింగ్స్‌, రూ.15 లక్షలతో 7 లక్షల మ్యారేజెస్‌, రూ.25 లక్షలతో 5 లక్షల వివాహాలు, రూ.50 లక్షలతో 50 వేల పెళ్లిళ్లు, రూ.కోటికి పైగా వ్యయంతో మరో 50 వేల పెళ్లిళ్లు జరగొచ్చు.
నవంబర్‌ 23 – డిసెంబర్‌ 15 ఘడియల తర్వాత, 2024 జనవరి – జులై కాలంలోని వివిధ తేదీల్లో మంచి ముహూర్తాలు ఉన్నాయి.
మరో ఆసక్తికర కథనం: తెలుగు రాష్ట్రాల్లో మారిన పెట్రోల్‌, డీజిల్‌ ధరలు – ఈ రోజు రేట్లు ఇవి
[ad_2]
Source link
Leave a Reply