Aditya L1 Mission: ఆదిత్య ఎల్1 షెడ్యూల్ వెల్లడి.. షార్ నుంచి సాధారణ పౌరులకు ప్రత్యక్షంగా వీక్షించే అవకాశం

[ad_1]

చంద్రయాన్-3 విజయంతో ఊపుమీదున్న భారత అంతరిక్ష పరిశోధన సంస్థ (ఇస్రో) మరిన్ని ప్రయోగాలు సిద్ధమవుతోంది. ఇందులో భాగంగా తొలిసారి సూర్యుడి గుట్టు విప్పేందుకు ప్రయోగాన్ని నిర్వహిస్తోంది. సెప్టెంబరు 2 న ఆదిత్య ఎల్‌ 1 ప్రయోగాన్ని చేపట్టనున్నట్లు ఇస్రో అధికారికంగా వెల్లడించింది. సెప్టెంబరు 2 న ఉదయం 11.50 గంటలకు ఆంధ్రప్రదేశ్‌లోని తిరుపతి జిల్లా శ్రీహరికోట సతీశ్‌ ధవన్‌ స్పేస్‌ సెంటర్‌ షార్ నుంచి పీఎస్‌ఎల్‌వీ-సీ 57 వాహకనౌక ద్వారా ఆదిత్య ఎల్ 1ను ప్రయోగించనున్నట్టు ఇస్రో అధికారిక ట్విట్టర్‌ ఖాతాలో పేర్కొంది. షార్ కేంద్రం నుంచి ప్రయోగాన్ని నేరుగా వీక్షించే అవకాశం కూడా కల్పిస్తున్నట్టు తెలిపింది. ఇందుకు కోసం ముందుగా పౌరులు తమ పేర్లను వెబ్‌సైట్‌లో నమోదుచేసుకోవాలని సూచించింది.

సూర్యుడి-భూమి వ్యవస్థ లాగ్రాంజియన్ పాయింట్1 (L1) చుట్టూ హాలో కక్ష్యలో పరిశోధనలకు ఈ ప్రయోగాన్ని నిర్వహిస్తోంది. L1 పాయింట్‌లో ఉపగ్రహం గ్రహణాలతో సంబంధం లేకుండా సూర్యుడ్ని నిరంతరం అధ్యయనం చేయనుంది. సౌర కార్యకలాపాలను నిరంతరం గమనించడం వల్ల ఎక్కువ ప్రయోజనాన్ని అందిస్తుంది. ఈ ఆదిత్య ఎల్‌ 1 మొత్తం ఏడు పేలోడ్లను 1.5 మిలియన్ల దూరంలోని సూర్యుడి కక్ష్యలోకి మోసుకెళ్లనుంది.

‘విజిబుల్‌ ఎమిషన్‌ లైన్‌ కొరోనాగ్రాఫ్‌ (VELC)తో పాటు సోలార్‌ అల్ట్రావైలెట్‌ ఇమేజింగ్‌ టెలిస్కోప్‌ (SUIT), ఆదిత్య సోలార్‌ విండ్‌ పార్టికల్‌ ఎక్స్‌పెరిమెంట్‌ (ASWPE), ప్లాస్మా అనలైజర్‌ ప్యాకేజ్‌ ఫర్‌ ఆదిత్య (PAPA), సోలార్‌లో ఎనర్జీ ఎక్స్‌రే స్పెక్ట్రోమీటర్‌ (SoLEXS), హైఎనర్జీ ఎల్‌-1 ఆర్బిటింగ్‌ ఎక్స్‌రే స్పెక్ట్రోమీటర్‌ (HEL1AXS), మ్యాగ్నెటోమీటర్‌ పేలోడ్‌లను అమర్చనున్నారు.

ఈ పేలోడ్‌లు విద్యుదయస్కాంత, పార్టికల్ డిటెక్టర్లను ఉపయోగించి ఫోటోస్పియర్, క్రోమోస్పియర్, సూర్యుని బయటి పొరలను (కరోనా) పరిశీలించనున్నాయి. లాంగ్రాజ్ పాయింట్ 1 ప్రదేశానికి ఉన్న సానుకూల పరిస్థితుల దృష్ట్యా ఈ నాలుగు పరికరాలు సూర్యుడిని స్వయంగా అధ్యయనం చేస్తాయి. మిగతా మూడు పేలోడ్‌లు దాని సమీపంలోని సౌర రేణువులు, అయస్కాంత క్షేత్రాల జాడను పసిగట్టనున్నాయి. సూర్యుడిపై ఉండే వాతావరణాన్ని అవగాహన చేసుకోడమే లక్ష్యంగా ఈ ప్రాజెక్టును ఇస్రో చేపట్టింది. కరోనాగ్రఫీ పరికరం సాయంతో సూర్యుడి కరోనాపై పరిశోధనలు చేయనున్నట్లు స్పష్టం చేసింది. యూరోపియన్‌ స్పేస్‌ ఏజెన్సీ, ఆస్ట్రేలియా, ఇతర దేశాల అంతరిక్ష సంస్థల సాయంతో సూర్యుడిపై ఈ అన్వేషణను ఇస్రో నిర్వహించనుంది.

‘ఆదిత్య-L1 పేలోడ్‌ల సూట్ కరోనల్ హీటింగ్, కరోనల్ మాస్ ఎజెక్షన్, ప్రీ-ఫ్లేర్, ఫ్లేర్ యాక్టివిటీస్, వాటి లక్షణాలు, అంతరిక్ష వాతావరణం డైనమిక్స్, రేణువుల ప్రసారం, అంతర్ గ్రహల క్షేత్రాల వ్యాప్తి వంటి క్లిష్టమైన అంశాలను అర్థం చేసుకోవడానికి అత్యంత కీలకమైన సమాచారాన్ని అందిస్తుందని భావిస్తున్నాం’ అని ఇస్రో పేర్కొంది.

Read More Latest Science & Technology News And Telugu News

[ad_2]

Source link