[ad_1]
మరికొన్ని గంటల్లో జాబిల్లి మీదికి.. చంద్రయాన్ 3 కౌంట్‌డౌన్
2019 లో చంద్రయాన్ -2 ప్రయోగాన్ని చేపట్టిన ఇస్రోకు ఆశించిన ఫలితం రాలేదు. చంద్రుడి మీదకు విక్రమ్ ల్యాండర్ దిగే సమయంలో దానికి భూమి నుంచి సంబంధాలు తెగిపోయాయి. దీంతో ల్యాండర్.. సాఫ్ట్ ల్యాండింగ్ కాకుండా క్రాష్ ల్యాండింగ్ అయినట్లు ఇస్రో శాస్త్రవేత్తలు గుర్తించారు. దీంతో చంద్రయాన్ – 2 వైఫల్యాలను అధిగమించి ఇప్పుడు మరింత అధునాతన టెక్నాలజీతో చంద్రయాన్ – 3 ని ప్రయోగిస్తున్నారు. ఎల్‌వీఎం 3-ఎం4 భారీ వాహక నౌక ద్వారా చేపట్టనున్న ఈ చంద్రయాన్ – 3 ఉపగ్రహాన్ని ల్యాండర్, రోవర్‌ ప్రొపల్షన్‌ మాడ్యూల్‌తో సిద్ధం చేశారు.
మరికొన్ని గంటల్లో జాబిల్లి మీదికి.. చంద్రయాన్ 3 కౌంట్‌డౌన్
ఈ ల్యాండర్ జాబిల్లిపై దిగే సమయంలో ఏదైనా ప్రమాదం సంభవించినా.. ఎలాంటి సమస్య లేకుండా విజయవంతంగా చంద్రుడిపై దిగేలా చర్యలు చేపట్టినట్లు వివరించింది. ఈ సారి ల్యాండర్ దిగేందుకు గతం కన్నా మరింత విశాల ప్రదేశాన్ని గుర్తించినట్లు ఇస్రో శాస్త్రవేత్తలు తెలిపారు. చంద్రయాన్ – 3 లో ఇంధన పరిమాణాన్ని కూడా పెంచామని.. ఏదైనా సమస్య ఎదురైతే అది మరో చోటుకు చేరుకుని ల్యాండింగ్ చేసుకోగలదని పేర్కొన్నారు. భారత్ కంటే ముందు 4 దేశాలు జాబిల్లి ఉపరితలంపై తమ వాహక నౌకలను సురక్షితంగా దించాయి. అమెరికా, చైనా, రష్యా దేశాలు చంద్రుడి ఉపరితలంపై విజయవంతంగా తమ ల్యాండర్లను ల్యాండ్‌ చేశాయి. అయితే ఈ జాబితాలే చేరేందుకు భారత్ ఎప్పటి నుంచో ప్రయత్నాలు చేస్తోంది.
మరికొన్ని గంటల్లో జాబిల్లి మీదికి.. చంద్రయాన్ 3 కౌంట్‌డౌన్
ఇందులో భాగంగానే గతంలో చంద్రయాన్ – 1, చంద్రయాన్ – 2 ప్రయోగాలను ప్రయోగించింది. ప్రస్తుతం చంద్రయాన్ – 3 ని శుక్రవారం జాబిల్లి పైకి పంపించనుంది. ఈ చంద్రయాన్ – 3 ప్రయోగం విజయవంతం అయితే చంద్రుడి మీదికి ఉపగ్రహాన్ని పంపించిన నాలుగో దేశంగా భారత్ చరిత్ర సృష్టించనుంది. అయితే చంద్రయాన్ సిరీస్‌లో ఈ చంద్రయాన్ – 3 మూడో ప్రయోగం కావడం గమనార్హం. ఇప్పటివరకు చంద్రయాన్ -1, చంద్రయాన్ – 2 లను ఇస్రో ప్రయోగించింది. చంద్రుడి మీద దిగాలని.. అక్కడ పరిశోధనలు జరపాలని.. 2008 లోనే ఇస్రో అధికారులు చంద్రయాన్ – 1 ప్రయోగాన్ని చేపట్టారు. 2008 లో తొలి చంద్రయాన్ ప్రయోగమైన చంద్రయాన్ – 1 ను భారత్ పంపించింది. అయితే ఈ చంద్రయాన్ – 1 లో ల్యాండర్ లేకుండా కేవలం ఆర్బిటర్, ఇంపాక్టర్‌ను మాత్రమే జాబిల్లి పైకి పంపించింది.
మరికొన్ని గంటల్లో జాబిల్లి మీదికి.. చంద్రయాన్ 3 కౌంట్‌డౌన్
ఆ తర్వాత 2019 లో చంద్రుడిపై ల్యాండర్‌ను దించేందుకు చంద్రయాన్ – 2 ను ప్రయోగించింది. అయితే జాబిల్లి మీద అడుగు పెట్టే చివరి నిమిషంలో ప్రయోగం వైఫల్యం చెందింది. ల్యాండర్ చంద్రుడి మీద దిగడానికి కొన్ని నిమిషాల ముందు సంబంధాలు తెగిపోయాయి. అయితే ల్యాండర్ సాఫ్ట్ ల్యాండింగ్ కాకుండా క్రాష్ ల్యాండింగ్ అయినట్లు ఇస్రో అధికారులు గుర్తించారు. దీని కారణంగానే ల్యాండర్ నుంచి ఎలాంటి సమాచారం భూమిని చేరలేదని తెలిపారు. అయితే చంద్రయాన్ – 2 లో తలెత్తిన సాంకేతిక లోపం తలెత్తకుండా.. ఈసారి మరిన్ని పటిష్ఠ చర్యలతో చంద్రయాన్ – 3 ని ప్రయోగిస్తున్నట్లు ఇస్రో ఛైర్మన్ వెల్లడించారు. తాజాగా చేపట్టిన చంద్రయాన్ – 3 మిషన్‌ సక్సెస్ అయితే భారత అంతరిక్ష పరిశోధనలో మరో కీలక ముందడుగుపడినట్లేనని నిపుణులు అభిప్రాయాలు వ్యక్తం చేస్తున్నారు.
[ad_2]
Source link