[ad_1]
చంద్రయాన్ 3 ప్రయోగానికి సంబంధించి న్యూస్‌థింక్‌ అనే ట్విటర్ అకౌంట్ ఒక పోస్ట్ చేసింది. చంద్రయాన్ 3 ప్రయోగం బడ్జెట్, హాలీవుడ్ సినిమా ఇంటర్స్టెల్లార్ బడ్జెట్‌ను పోల్చుతూ ఆ ట్వీట్ చేశారు. హాలీవుడ్ సినిమా ఇంటర్స్టెల్లార్ బడ్జెట్ 165 మిలియన్ డాలర్లు అంటే భారతీయ కరెన్సీలో దాదాపు రూ. 1365 కోట్లు కాగా.. కేవలం 75 మిలియన్ల బడ్జెట్ అంటే రూ.620 కోట్లతోనే ఇస్రో చంద్రయాన్ 3 ని ప్రయోగించిందని ఆ ట్వీట్ సారాంశం. “చంద్రయాన్ 3 బడ్జెట్.. ఇంటర్స్టెల్లార్ బడ్జెట్ కంటే తక్కువ అని తెలిసినప్పుడు మీకు తప్పకుండా ఆశ్చర్యం కలుగుతుంది’’ అని న్యూస్ థింక్ ట్వీట్ చేసింది. ఈ ట్వీట్‌కు ఎలాన్ మస్క్ స్పందించారు.
ఈ ట్వీట్‌పై స్పందించిన ఎలాన్ మస్క్ “గుడ్ ఫర్ ఇండియా” అని ట్వీట్ చేశారు. చంద్రయాన్ 3 ప్రయోగంపై ఎలాన్ మస్క్ చేసిన ట్వీట్ చూసిన నెటిజన్లు ఎలాన్ మస్క్‌కు థ్యాంక్స్ చెబుతూ కామెంట్లు చేస్తున్నారు. ‘నెట్‌ఫ్లిక్‌ సిరిస్‌ కంటే తక్కువ బడ్జెట్‌లో స్టార్‌షిప్‌ ఎప్పుడు ప్రయోగాలు చేపడుతుంది’, ‘ఇండియాకు మద్దతు తెలిపినందుకు ధన్యవాదాలు మస్క్’, ‘ఇస్రోతో మీరు కలిసి పనిచేయండి.. ఇప్పటికే టెస్లా కోసం ఎంతో మంది భారతీయ ఇంజినీర్లు పనిచేస్తున్నారు’ అని ట్వీట్లు చేస్తున్నారు. ఎలాన్ మస్క్ కూడా అంతరిక్ష ప్రయోగాల కోసం స్పేస్ఎక్స్ అనే సంస్థను నెలకొల్పి ప్రయోగాలు చేస్తున్నారు. ఈ స్పేస్ఎక్స్ సంస్థ ప్రయోగించిన ఉపగ్రహాల సాయంతో ప్రపంచ వ్యాప్తంగా శాటిలైట్‌ ఇంటర్నెట్‌ సేవలను అందుబాటులోకి తేవాలని ఎలాన్ మస్క్ భావిస్తున్నారు.
చంద్రుడిపై పరిశోధనల కోసం ఇస్రో ప్రయోగించిన చంద్రయాన్ 3 ప్రయోగంలోని విక్రమ్ ల్యాండర్ మరి కొన్ని నిమిషాల్లో జాబిల్లి ఉపరితలంపై దిగనుంది. ఆ తర్వాత అందులో నుంచి ప్రగ్యాన్ రోవర్ బయటికి వచ్చి చంద్రుడి ఉపరితలంపై తిరగనుంది.
Vikram lander: చంద్రుడిపై దిగిన తర్వాత ల్యాండర్, రోవర్‌లు ఏం చేస్తాయి.. తెలిపిన ఇస్రో
Chandrayaan 3 Soil: చంద్రయాన్ 3 ప్రయోగానికి భూమిపై పరీక్షలు.. తమిళనాడు నుంచి ప్రత్యేక మట్టి
Read More Latest Science & Technology News And Telugu News
[ad_2]
Source link
Leave a Reply