Health Tips: నీరసంగా, బద్ధకంగా ఉంటుందా..? అయితే మీ డైట్‌లో ఈ ఆహారం తీసుకోండి..!

[ad_1]

Health Tips: మనం రోజంతా ఉత్సాహంగా, యాక్టివ్‌గా ఉండటానికి ఎనర్జీ చాలా అవసరం. మన శరీరంలోని శక్తి.. మన లైఫ్‌ క్వాలిటీని, ప్రొడక్టివిటీని నిర్ణయించే కీలకమైన అంశం. కొన్నిసార్లు విపరీతమైన బద్ధకం, అలసత్వం మనల్ని ఆవహిస్తూ ఉంటుంది. వీటి కారణంగా.. మనకు తెలియకుండానే శరీరం నిస్సత్తువగా మారుతుంది. ఇలా ఉంటే రోజంతా బద్ధకంగానే ఉంటుంది, మనం మొదలుపెట్టిన పనులు కూడా పూర్తికావు. ఈ బద్ధకం కారణంగా, అనేక ఆరోగ్య సమస్యలు వచ్చే అవకాశం ఉంది. నిద్రలేమి, ఒత్తిడి, చెడు ఆహార అలవాట్లు, వైద్య పరిస్థితుల కారణంగా.. శరీరం నిస్సత్తువగా మారే అవకాశం ఉంది. కొన్ని ఆహార పదార్థాలు మన శక్తి స్థాయిలను పెండానికి, అలసటను దూరం చేయడానికి సహాపడతాయి. ఇవి మిమ్మల్ని యాక్టివ్‌గా, ఉత్సహాంగా ఉంచుతాయి. మీ ఎనర్జీ లెవల్స్‌ పెంచే ఆహార పదార్థాలు ఏమిటో ఈ స్టోరీలో చూద్దాం.

అరటిపండ్లు..

అరటిపండ్లలో కార్బోహైడ్రేట్లు, డైటరీ ఫైబర్, పొటాషియం పుష్కలంగా ఉంటాయి. దీనిలో గ్లూకోజ్‌, ఫ్రక్టోజ్‌ వంటి న్యాచురల్ షుగర్స్‌ ఉంటాయి. ఇవి శరీరానికి తక్షణ శక్తిని ఇస్తాయి. అరటిపండ్లులో అధిక మొత్తంలో విటమిన్‌ బి6 ఉంటుంది. ఇది జర్ణక్రియలను మెరుగుపరుస్తుంది. ఇది ఆహారాన్ని శక్తిగా మార్చడంలో కీలక పాత్ర పోషిస్తుంది. విటమిన్ బి6 హిమోగ్లోబిన్‌ల ఉత్పత్తిలో పాల్గొంటుంది. రక్తలేమి కారణంగానూ.. నిస్సత్తవ ఎదురయ్యే అవకాశం ఉంది. (image source – pexels)

నట్స్‌ & సీడ్స్

నట్స్‌లో ప్రోటీన్స్‌, ఆరోగ్యకరమైన కొవ్వులు అధికంగా ఉంటాయి. ఇవి రక్తంలో చక్కెర స్థాయిలను స్థిరీకరించడానికి, శక్తిని స్థిరంగా అందించడంలో తోడ్పడతాయి. నట్స్‌, విత్తనాలలో ఐరన్‌, విటమిన్‌ ఇ వంటి పోషకాలు మెండుగా ఉంటాయి. ఇవి ఇన్ఫ్లమేషన్‌ను తగ్గిస్తాయి, రోగనిరోధక వ్యవస్థను మెరుగుపరుస్తాయి. నట్స్‌లోని మెగ్నీషియం మెదడు పనితీరును మెరుగుపరుస్తుంది. (image source – pexels)

ఆకుకూరలు

ఆకుకూరల్లో ఐరన్‌ అధిక మొత్తంలో ఉంటుంది. ఇది కణాలకు ఆక్సిజన్‌ను రవాణా చేయడానికి, శక్తి జీవక్రియను ప్రోత్సహిస్తుంది. ఆకుకూరల్లో మెగ్నీషియం కూడా మెండుగా ఉంటుంది.. ఇది ఆహారాన్ని శక్తిగా మార్చడంలో కీలక పాత్ర పోషిస్తుంది. అదనంగా.. ఆకు కూరలల్లో విటమిన్‌ సి, ఇ వంటి యాంటీఆక్సిడెంట్లు ఉంటాయి. ఇవి ఇన్ఫ్లమేషన్‌ తగ్గిస్తాయి, సెల్యులార్ ఆరోగ్యాన్ని ప్రోత్సహిస్తాయి. (image source – pexels)

ఫ్యాటీ ఫిష్‌ ..

సాల్మన్, ట్యూనా,సార్డినెస్ వంటి కొవ్వు చేపలలో మెండుగా ఉండే ఒమేగా-3 ఫ్యాటీ యాసిడ్‌ మెదడు ఆరోగ్యాన్ని మెరుగుపరుస్తుంది, వాపును తగ్గిస్తుంది. వాటిలో విటమిన్‌ డి కూడా అధికంగా ఉంటుంది. ఇది ఎముకల ఆరోగ్యాన్ని, రోగనిరోధక వ్యవస్థను మెరుగుపరుస్తుంది. ఫ్యాటీ ఫిష్‌లోని అధిక ప్రొటీన్‌, హెల్తీ ఫ్యాట్స్‌ శక్తిని స్థిరంగా అందిస్తాయి, అలసటను దూరం చేస్తాయి.

తృణధాన్యాలు..

బ్రౌన్ రైస్, క్వినోవా, వోట్స్ వంటి తృణధాన్యాల్లో కార్బోహైడ్రేట్లు, డైటరీ ఫైబర్, బి విటమిన్లు, ఐరన్ వంటి పోషకాలు మెండుగా ఉంటాయి. ఇవి శక్తిని స్థిరంగా అందిస్తాయి, రోజంతా రక్తంలో చక్కెర స్థాయిలను స్థిరీకరించడంలో సహాయపడతాయి. తృణధాన్యాలలో లిగ్నాన్స్ వంటి ఫైటోన్యూట్రియెంట్లు ఉంటాయి. ఇవి ఇన్ప్లమేషన్‌ను తగ్గించి, సెల్యులార్ ఆరోగ్యాన్ని ప్రోత్సహిస్తాయి. (image source – pexels)

బెర్రీలు..

బ్లూబెర్రీస్, రాస్ప్బెర్రీస్‌, స్ట్రాబెర్రీస్ వంటి బెర్రీలు యాంటీఆక్సిడెంట్ల స్టోర్‌ హౌస్‌. వీటిలో సహజ చక్కెరలు, డైటరీ ఫైబర్, విటమిన్‌ సి వంటి ముఖ్యమైన పోషకాలు సమృద్ధిగా ఉంటాయి. ఇవి రోగనిరోధక శక్తిని మెరుగుపరుస్తాయి, సెల్యులార్‌ ఆరోగ్యాన్ని ప్రోత్సహిస్తాయి. బెర్రీలను మీరు స్నాక్‌గా తీసుకుంటే.. తక్షణ శక్తి లభిస్తుంది. అలసట తగ్గుతుంది. (image source – pexels)

హెర్బల్‌ టీలు..

గ్రీన్ టీ, అల్లం టీ , చమోమిలే టీ వంటి హెర్బల్ టీలలో యాంటీఆక్సిడెంట్లు, యాంటీ ఇన్ఫ్లమేటరీ కాంపౌండ్స్ గొప్పగా ఉంటాయి. ఇవి మెదడు ఆరోగ్యానికి మేలు చేస్తాయి, బ్రెయిన్‌ను యాక్టివ్‌ చేసి.. బద్ధకాన్ని దూరం చేస్తాయి. హెర్బల్‌ టీలు తాగితే.. మీరు రిలాక్స్‌గా ఫీల్‌ అవుతారు. ఇవి ఒత్తిడి స్థాయిలను తగ్గిస్తాయి, ప్రశాంతమైన నిద్రను ప్రోత్సహిస్తాయి.

Also Read: గ్రీన్‌ టీ ఆ సమయంలో తాగితే.. వెరీ రిస్క్
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

[ad_2]

Source link