ISRO: ఇస్రో ప్రయోగించిన ఆదిత్య ఎల్1 సూర్యుడిపై దిగుతుందా.. అసలు ఏం చేస్తుంది?

[ad_1]

ISRO: ఇటీవల చంద్రుడి దక్షిణ ధ్రువంపై చంద్రయాన్ 3 ని విజయవంతంగా ల్యాండింగ్ చేసి అంతరిక్ష చరిత్రలో సరికొత్త అధ్యాయాన్ని లిఖించిన భారత అంతరిక్ష పరిశోధన సంస్థ ఇస్రో.. తాజాగా సూర్యుడిపైకి ఆదిత్య ఎల్ 1 ప్రయోగాన్ని విజయవంతంగా ప్రయోగించింది. ఇది సూర్యుడిపైకి ఇస్రో పంపించే తొలి ప్రయోగం కావడం విశేషం. దీంతో పాటు భూమి నుంచి చాలా దూరంలోకి కూడా ఇస్రో పంపించిన ప్రయోగంగా ఆదిత్య ఎల్ 1 రికార్డులలోకి ఎక్కింది. ఈ క్రమంలోనే చంద్రుడి ఉపరితలంపై విక్రమ్ ల్యాండర్‌ను సాఫ్ట్ ల్యాండింగ్ చేసినట్లుగానే సూర్యుడి ఉపరితలంపైన కూడా ఆదిత్య ఎల్ 1 ను ల్యాండ్ చేస్తారా అనే అనుమానాలు, సందేహాలు వెల్లువెత్తుతున్నాయి. అసలు సూర్యుడి ఉపరితలం ఎలా ఉంటుంది. దానిపై ఆదిత్య ఎల్ 1ను ఎలా ల్యాండ్ చేస్తారు.. అసలు చేస్తారా లేదా అనే ప్రశ్నలు తలెత్తుతున్నాయి.
అయితే చంద్రుడు, మిగితా గ్రహాల మాదిరిగా సూర్యుడి ఉపరితలం ఘన స్థితిలో ఉండదు. సూర్యుడు మండే వాయుగోళం మాదిరిగా ఉంటాడు. దీంతో సూర్యుడి ఉపరితలంపై ఆదిత్య ఎల్ 1 ను ల్యాండింగ్ చేయడం వీలు పడదు. అయితే సూర్యుడి పొరల్లోని బయటి పొర అయిన కరోనాలోకి ఏదైనా ప్రయోగాన్ని పంపిస్తే దాన్ని సూర్యుడిపై దిగినట్లుగానే పరిగణిస్తారు. ఈ క్రమంలోనే ఆదిత్య ఎల్ 1 ప్రయోగాన్ని ఇస్రో ప్రయోగించింది. ఇది నిర్దేశిత కక్ష్యలో విజయవంతంగా చేరుకున్నట్లు ఇస్రో ఛైర్మన్ డాక్టర్ ఎస్ సోమ్‌నాథ్ ప్రకటించారు. ఈ సందర్భంగా ఇస్రో శాస్త్రవేత్తలందరికీ అభినందనలు తెలిపారు. ఈ క్రమంలోనే అమెరికా, జపాన్, యూరప్, చైనా దేశాల తర్వాత సూర్యుడిపైకి ఉపగ్రహాన్ని పంపిన ఐదో దేశంగా భారత్ నిలిచింది.

అయితే అమెరికా అంతరిక్ష పరిశోధన సంస్థ నాసా పంపించిన ప్రోబ్ అనే రాకెట్ ప్రస్తుతం కరోనా పొరలోకి ప్రవేశించి పరిశోధనలు చేస్తోంది. ఇప్పుడు తాజాగా ఇస్రో పంపించిన ఆదిత్య ఎల్ 1 కూడా సూర్యుడి పరిస్థితులపై అధ్యయనం చేయనుంది. అయితే ఈ ఆదిత్య ఎల్ 1 ప్రయోగం లాగ్రాంజ్ 1 పాయింట్ వద్దకు చేరుకుని పరిశోధనలు జరపనుంది. అంతరిక్షంలో లాగ్రాంజ్ పాయింట్‌ అనేది ఒక పార్కింగ్ ఏరియా లాంటిది. ఆదిత్య ఎల్ 1.. ఈ లాగ్రాంజ్ 1 పాయింట్ వద్దకు చేరుకున్న తర్వాత సూర్యుడి దగ్గర జరిగే పరిణామాలను అధ్యయనం చేసిన ఇస్రోకు అందించనుంది. అయితే సూర్యుడి చుట్టూ ఐదు లాగ్రాంజ్ పాయింట్‌లు ఉన్నాయి. అందులో లాగ్రాంజ్ పాయింట్ 1 వద్దకు ఆదిత్య ఎల్ 1 ప్రయోగాన్ని ఇస్రో పంపించింది.
ఈ లాగ్రాంజ్ పాయింట్ 1 నుంచి ఆదిత్య ఎల్ 1 ఉపగ్రహం.. సూర్యుడిని నిరంతరం పరిశీలిస్తుంది. అక్కడి నుంచి ఇతర గ్రహాలు, అక్కడి పర్యావరణ పరిస్థితులపై అధ్యయనం చేస్తుంది. ఆ లాగ్రాంజ్ పాయింట్ 1 భూమి నుంచి 15 లక్షల కిలోమీటర్ల దూరంలో ఉంది. అయితే ఆదిత్య ఎల్ 1 ఉపగ్రహం 125 రోజుల పాటు ప్రయాణించి చేరుకోనుంది. అయితే ఇప్పటివరకు సూర్యుడి మీదికి ప్రయోగించిన మొత్తం 22 ప్రయోగాల్లో 2018లో నాసా చేపట్టిన పార్కర్ ప్రోబ్ ప్రయోగం అత్యంత ఖరీదుగా నిలిచింది. ఈ పార్కర్ ప్రోబ్ ప్రయోగానికి అమెరికా ఏకంగా రూ. 12 వేల కోట్లు ఖర్చు చేయగా… తాజాగా ఇస్రో చేపట్టిన ఆదిత్య ఎల్ 1 ప్రయోగానికి కేవలం రూ. 400 కోట్లు మాత్రమే ఖర్చయ్యాయి. దీంతో సూర్యుడిపై అత్యంత తక్కువ ఖర్చుతో ప్రయోగాన్ని పంపించి ఇస్రో మరో ఘనత సాధించింది.

Chandrayaan 3 success: మసాలా దోశ, ఫిల్టర్ కాఫీ.. చంద్రయాన్ 3 విజయం వెనుక కారణం ఇవే!
Aditya L1 Mission: తొలిసారి సూర్యుడిపైకి ఇస్రో ప్రయోగం.. మరో వారం రోజుల్లో ఆదిత్య ఎల్ 1 మిషన్