[ad_1]
ప్రయోగం అనంతరం భూమి చుట్టూ దీర్ఘ వృత్తాకార కక్ష్యల్లో పరిభ్రమించిన చంద్రయాన్-3 అనంతరం ఆగస్టు 1న ట్రాన్స్ లూనార్ ఆర్బిట్‌లోకి ప్రవేశించింది. ఇప్పుడు చంద్రుడి కక్ష్యలోకి అది వెళ్లింది. బెంగళూరులోని టెలిమెట్రీ, ట్రాకింగ్ అండ్ కమాండ్ నెట్‌వర్క్ ద్వారా సంక్లిష్టమైన విన్యాసాన్ని చేపట్టింది. దీంతో చంద్రయాన్-3 చంద్రుని గురుత్వాకర్షణ గోళంలోకి లాగబడింది. దీన్నే లూనార్ ఆర్బిట్ ఇన్సెర్షన్ (LOI) అంటారు.
లూనార్ ఆర్బిట్ ఇన్సెర్షన్ ప్రక్రియ చేపట్టే సమయంలో స్పేస్ క్రాఫ్ట్ ఇంజిన్‌ను మండించారు. ఇది శక్తివంతమైన బ్రేకులా పని చేస్తుంది. స్పేస్ క్రాఫ్ట్ వెళ్తున్న దిశకు వ్యతిరేకంగా ఆన్‌బోర్డ్ ప్రొపల్షన్ సిస్టమ్‌ను మండించడం వల్ల స్పేస్ క్రాఫ్ట్ వేగం తగ్గుతుంది.
ఇప్పటి నుంచి మాడ్యూల్‌పై చంద్రుడి గురుత్వాకర్షణ బలం ప్రభావం ఉంటుంది. దీని వల్ల క్రమంగా అది చంద్రుడి స్థిర కక్ష్యలోకి లాగబడుతుంది. ఈ క్రమంలో మాడ్యుల్ వేగం, చంద్రుడి గురుత్వాకర్షణ, థ్రస్ట్ దిశ మధ్య సమతుల్యత అవసరం. అంతా అనుకున్న ప్రకారమే జరిగితే ఆగస్టు 23న చంద్రయాన్-3 చంద్రుడి దక్షిణ ధ్రువం వద్ద ఉపరితలం మీద సాఫ్ట్ ల్యాండింగ్ అవుతుంది.
భూమి, చంద్రుడి గురుత్వాకర్షణ శక్తిని ఉపయోగించుకుంటూ.. వ్యౌమనౌక వేగంగా ప్రయాణించేలా ఇస్రో చంద్రయాన్-3 ప్రయోగాన్ని చేపట్టింది. ఆగస్టు 4 నాటికి ఈ మాడ్యుల్ మూడింట రెండొంతుల ప్రయాణాన్ని పూర్తి చేసిందని ఇస్రో ప్రకటించింది. చంద్రుడి కక్ష్యలోకి ప్రవేశించిన చంద్రయాన్-3 జాబిల్లి చుట్టూ దీర్ఘవృత్తాకార కక్ష్యలో పరిభ్రమిస్తూ.. క్రమంగా చందమామ ఉపరితలానికి చేరువగా వెళ్తుంది.
ఇకపై మాడ్యూల్ ఎత్తును క్రమంగా తగ్గించడానికి, చంద్రుని చుట్టూ 100 కి.మీ. వృత్తాకార కక్ష్యలో దాన్ని ఉంచడం కోసం ఇస్రో అనేక విన్యాసాలు చేపడుతుంది. ఈ సమయంలోనే ప్రొపల్షన్ మాడ్యూల్.. ల్యాండర్ నుండి విడిపోతుంది. తర్వాత ల్యాండర్ చంద్రుడి ఉపరితలం వైపు ప్రయాణాన్ని కొనసాగిస్తుంది. విక్రమ్ ల్యాండర్‌ను సురక్షితంగా చంద్రుడి ఉపరితలం మీద దించేందుకు వచ్చే 17 రోజులు ఇస్రోకు ఎంతో కీలకం కానున్నాయి.
[ad_2]
Source link
Leave a Reply